Azərbaycan Milli Elmlər Akademiyasının (AMEA) N. Tusi adına Şamaxı Astrofizika Rəsədxanası (ŞAR)2018-ci ildə qeyd olunacaq Novruz çərşənbələrinin vaxtını açıqlayıb.

Rəsədxananın direktor müavini Xıdır Mikayılov APA-ya bildirib ki, bu il axırıncı çərşənbə baharın gəlişi ilə eyni günə təsadüf edəcək.

Onun sözlərinə görə, fevralın 27-də ilk - Su çərşənbəsi, martın 6-da Od, martın 13-də Hava (Yel), martın 20-də isə axırıncı - Torpaq çərşənbəsi qeyd olunacaq.

X. Mikayılov qeyd edib ki, yaz fəsli Azərbaycana martın 20-də Bakı vaxtı ilə saat 20:15-də daxil olacaq.

Əvvəllər ürək xəstəlikləri 50 yaşdan sonra təhlükəli idi

Amma son illər 40 yaşdan sonra bu xəstəliyə tutulan insanların sayı da artıb

Yanvarın 26-da Bakıda və Abşeron yarımadasında buludlu hava şəraitinin üstünlük təşkil edəcəyi, gün ərzində arabir yağış yağacağı, axşama doğru bəzi yerlərdə intensivləşəcəyi, sulu qara keçəcəyi gözlənilir. Şimal-şərq küləyi əsəcək, arabir güclənəcək.

Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, havanın temperaturunun Bakıda və  Abşeron yarımadasında gecə 1-3, gündüz 4-6 dərəcə isti olacağı gözlənilir.

Atmosfer təzyiqi normadan yüksək 770 mm civə sütunu, nisbi rütubət 80-90 faiz təşkil edəcək.

Yanvarın 26-da Azərbaycanın rayonlarında duman olacağı, arabir yağış, bəzi yerlərdə sulu qar, qar yağacağı, ayrı-ayrı yerlərdə intensiv olacağı gözlənilir. Şərq küləyi əsəcək, bəzi yerlərdə arabir güclənəcək.

Havanın temperaturunun gecə 2 dərəcə şaxtadan 3 dərəcəyədək isti, gündüz 4-7 dərəcə isti, dağlarda gecə 3-8, gündüz 0-3 dərəcə şaxta olacağı gözlənilir. 

Astara rayonunda mülk üstündə 76 yaşlı atasını öldürməkdə təqsirli bilinən 1969-cu il təvəllüdlü Xəlil Dadaşovun cinayət işi üzrə məhkəmə prosesi başa çatıb.

Dalga tv-nin məlumatına görə, Xəlil Dadaşov 1940-cı il təvəllüdlü atası Fərhad Dadaşov və 1948-ci il təvəllüdlü anası Şəkurə Dadaşova ilə birgə Astara şəhərində yaşayıb. Onların evi Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidməti tərəfindən Hüquqların Dövlət qeydiyyatı haqqında Daşınmaz Əmlakın Dövlət Reyestrində aparılıb.

Xəlil Dadaşov 18 fevral 2017-ci il tarixli çıxarışla valideynlərinin razılığı ilə öz qızı, ailə quraraq ayrı yaşayan Şəkurənin adına sənədləşdirib və mülkiyyət hüququnu təsdiq edən sənədləri Gəncə şəhərində yaşayan qızına göndərməyi qərarlaşdırıb.

O, həmin ilin mayın 8-də səhər saatlarında yaşadığı evdən çıxaraq yaxınlıqdakı mağazadan spirtli içki alaraq evə qayıtdıqdan sonra həmin spirtli içkini qəbul edib.

Həmin gün saat 14 radələrində yaşadığı mənzilə dair mülkiyyət hüququnu təsdiqləyən sənədləri Gəncə şəhərində yaşayan qızı Şəkurəyə göndərmək üçün evdə saxladığı yerdən götürən Xəlil Dadaşov həmin sənədi mənzilin qonaq otağındakı masanın üzərinə qoyub. Qısa müddətdə otaqdan çıxıb və geri qayıdan Xəlil Dadaşov sənədlərin masanın üzərindən oğurlandığını, bunu onun mütəmadi olaraq sərxoşluqla məşğul olduğuna görə və bu zəmində evdə mübahisə yaratmasına narazı qalan valideynləri tərəfindən törədildiyini iddia edib.

Bu zaman Xəlil Dadaşov yataq xəstəsi olan atası Fərhad Dadaşovdan qisas alaraq onu öldürmək qərarına gəlib.

Bu niyyətlə çarpayıda oturaq vəziyyətdə olan atasının üzərinə gedərək əl və təpiklə ona ardıcıl zərbələr endirib. Sonra o, bıçağı götürərək atasına çoxsaylı zərbələr vurub.

Fərhad Dadaşov ağır xəsarətlə xəstəxanaya yerləşdirilsə də, onun həyatını xilas etmək mümkün olmayıb. O, mayın 10-da xəstəxanada vəfat edib.

İstintaq orqanı tərəfindən Xəlil Dadaşova Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə, habelə adam oğurluğu və ya girov götürülməsi ilə bağlı adam öldürmə) və 228.4-cü (qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə, milli geyim ləvazimatı hesab olunan ərazilərdə və ya ovçuluq peşəsi ilə bağlı olaraq soyuq silahı gəzdirmə) maddələri ilə ittiham elan edilib.

Lənkəran Ağır Cinayətlər Məhkəməsinin hökmü ilə Xəlil Dadaşov 18 il 6 ay müddətinə azadlıqdan məhrum edilib.

Hökmdən narazı qalan Xəlil Dadaşov apelyasiya şikayəti verib. O, əməlinin Cinayət Məcəlləsinin 29,120.1-ci (qəsdən adam öldürməyə cəhd) maddəsinə tövsüf edilməsini, cəzasının yüngülləşdirilməsini xahiş edib.

Xəlil Dadaşovun şikayəti araşdırılması üçün Şirvan Apelyasiya Məhkəməsinə göndərilib. Hakim Ələsgər Novruzovun sədrliyi ilə baş tutan prosesdə təqsirləndirilən şəxsin apelyasiya şikayətinin dəlilləri araşdırılıb.

Məhkəmə təqsirləndirilən şəxsin apelyasiya şikayətinin təmin edilməməsi barədə qərar qəbul edib.

Göyçay rayonunda baş vermiş bıçaqlanma hadisəsi ilə bağlı yeni məqamlar üzə çıxıb. Dalga tv lent.az-a istinadən bildirir ki, Rayonun Kürdəmiş kənd sakini olan 42 yaşlı Rəşad Həşimov həyat yoldaşı, 31 yaşlı Vüsalə Kərimovanı Göyçay şəhərinin mərkəzindəki parkda bıçaqlayandan sonra onun başını kəsməyə çalışıb.

İlkin araşdırma zamanı məlum olub ki, o, boşanmaq ərəfəsində olduğu xanımına 8 bıçaq xəsarəti yetirib. Daha sonra bıçağı qadının boğazına dirəyərək, onun başını kəsməyə çalışan R.Həşimova ətrafdakı insanlar mane olub. Onlar müdaxilə edərək qadını 42 yaşlı kişinin əlindən alıblar. Vüsalə Kərimova Göyçay şəhər Mərkəzi Xəstəxanasının cərrahiyə şöbəsinə yerləşdirilib. Hadisədən sonra bıçaqla özünə ağır xəsarət yetirən R.Həşimov da həmin xəstəxanaya aparılıb.

1. Alma sirkəsi orqanizmin daxili mühitini qələviləşdirir

Başqa bir sözlə desək, bədənin turşuluğunu azaltmaq üçün idealdır. Daxili mühitin turşuluğunun azalması bir çox xəstəliklərin, o cümlədən xərçəngin riskini azaldır.

2. Diabetə qarşı kömək olur

Deyerler.org bildirir ki, şirkədəki asetik turşu, kompleks karbonhidratların həzmini önləyərək qandakı şəkər miqdarını azaltmağa köməkçi olur.

1 yemək qaşığı alma sirkəsi içmək, karbonhidratların bölünməsindən məsul fermentləri təsirsiz hala gətirir.

Beləcə, qanda şəkərin artmasına maneə törədir.

3. Ürək-damar xəstəliklərindən qoruyar

Alma sirkəsi yüksək miqdarda xlorogen turşu ehtiva edər. Bu komponent, pis xolestrolun (LDL) meydana gəlməsinə maneə törədərək ürək və damar sağlamlığını qoruyur.

Əgər həkiminiz, xolestrol səviyyənizin yüksək olduğunu söyləyirsə, yağlı yeməkləri qida rasionunuzdan çıxarın və hər gün bir yemək qaşığı alma sirkəsi içməyi sınayın.

4. Bağırsaq florasını yeniləyir

Bəzən ya da xroniki bir problem olaraq qəbizlikdən şikayətiniz var? Bu halda, 1 yemək qaşığı alma sirkəsi içmək, qəbizliyi önlədiyini bilməlisiniz.

5. Böyrəkləri təmizləyər

Böyrək iltihabı ya da böyrək daşı probleminiz varmı? Elə isə, səhərlər 1 yemək qaşığı alma sirkəsi içməyi sınayın.

Eyni zamanda həkiminizin tövsiyəsinə əməl etməyi unutmayın və bol miqdarda su için. Meyvə şirəsi içmək istəyirsinizsə, şəkərsiz olduğundan əmin olun.