Əsasən Şərq ölkələrində ədviyyat kimi istifadə olunan sumax xörəklərə qeyri-adi xoş dad verir.

Turş dada görə sumaxı "sirkə ağacı" da adlandırırlar. Sumax hətta eramızdan əvvəl Qədim Romada istifadə olunurdu.

Sumax tək ədviyyat deyil, bu əsl təbii dərmandır. Bitki olduqca güclü mikrob, iltihab və göbələk əleyhinə təsirə malikdir.

Sizə sumaxın 10 faydasını təqdim edirik.

1. Bu ədviyyat artritdən əziyyət çəkən insanlar üçün çox faydalıdır - iltihabı və ağrıları azaldır, oynaqların hərəkətliliyinin yaxşılaşmasına kömək edir. Həmçinin ədviyyat xalq təbabətində revmatizm və podaqra zamanı da müalicəvi vasitə kimi istifadə olunur.

2. Soyuqdəymə zamanı 1 çimdik sumaxı 1 fincan isti suda dəmləyin, bir qədər soyuyanda bal əlavə edin və için. Bu çox effektli iltihabəleyhinə və hərarət salan vasitədir.

3. Sumax ürək-damar sistemi xəstəliklərinin və insultun profilaktikasında çox effektlidir.

4. Sumaxın xərçəng əleyhinə təsiri var.

5. Sumaxın sidikqovucu  və iltihabəleyhinə xüsusiyyətləri onu sidik ifrazı sistemi iltihabları zamanı çox faydalı edir.

6. Arıqlamaq istəyənlər mütləq bu ədviyyatı qidalarına əlavə etməlidir. Sumax piylərin parçalanmasını sürətləndirir, onların orqanizmdə yığılmasının qarşısını alır.

7. Sumax şəkərli diabet xəstəliyindən əziyyət çəkənlərə kömək edir.

8. Ağız boşluğu, damaq iltihabları, damaqların qanaması zamanı sumaxı isti suda dəmləyin və bu su ilə ağzınızı qarqara edir.

9. Sumax orqanizmi toksinlərdən, şlaklardan, ağır metallarını duzlarından  təmizləyir.

10. İshal zamanı sumax dəmləməsi bağırsaqlara antiseptik təsir edir (mikrobları öldürür) və bağırsaqları yığır.

Gürcüstanın müxalif “Quruculuq Hərəkatı” Partiyası azərbaycanlıların sıx yaşadığı Marneuli rayonunun icra başçısı vəzifəsinə namizəd irəli sürüb.
 

APA-nın yerli bürosunun məlumatına görə, partiyanın namizədi uzun illər QHT sektorunda çalışmış Leyla Məmmədovadır.
 

Namizədin rəsmi təqdimatında çıxış edən partiyanın lideri, Gürcüstan parlamentinin keçmiş spikeri David Usupaşvili deyib ki, Leyla Məmmədova uzun illər vətəndaşların hüquqlarının müdafiəsi sahəsində aktiv fəaliyyət göstərib:“Fəxr edirik ki, Leyla Məmmədova bizim sıralarımızdadır. Əminəm ki, o, seçkilərdə qalib gələcək”.   

Qeyd edək ki, Marneuli rayonunda ilk dəfə olaraq icra başçısı vəzifəsinə qadın namizəd irəli sürülüb. Gürcüstanda yerli idarəetmə orqanlarına seçkilər oktyabrın 21-də keçiriləcək. 

Gürcüstan Daxili İşlər Nazirliyi Tbilisidə azərbaycanlıların yaşadığı Poniçala (Soğanlıq) qəsəbəsində xüsusi əməliyyatları davam etdirir.
 

APA-nın yerli bürosunun məlumatına görə, bu gün keçirilmiş əməliyyat nəticəsində narkotik cinayətkarlığında şübhəli bilinən bir nəfər saxlanılıb. Saxlanılan şəxsin günahı sübut olunarsa, onu 7 ildən 11 ilədək azadlıqdan məhrumetmə cəzası gözləyir.

Qeyd edək ki, Poniçalada son günlər keçirilmiş xüsusi əməliyyatlar nəticəsində narkotik cinayətkarlığına görə 3 nəfər, ötən ay isə 6 nəfər saxlanılıb.

Azərbaycanın Gürcüstandakı səfirliyi Təhsil Nazirliyinin Gürcüstanın azərbaycandilli məktəbləri üçün göndərdiyi dərs vəsaitlərini Gürcüstanın Təhsil və Elm Nazirliyinə təqdim edib.

 
APA-nın yerli bürosunun məlumatına əsasən, 2017-2018-ci tədris ili üzrə Gürcüstanın azərbaycandilli məktəbləri üçün 11 adda 11 500 ədəd “Azərbaycan dili” və “Ədəbiyyat” dərsliyi, habelə müəllimlər üçün metodik vəsait göndərilib. 
  

Azərbaycanın Gürcüstandakı səfiri Dursun Həsənov dərsliklərin mümkün qədər tez Azərbaycan məktəblərinə çatdırılacağına ümidvar olduğunu bildirib.
 

Gürcüstanım Təhsil və Elm Nazirliyinin dərsliklər üzrə şöbəsinin müdiri Nana Kilasoniya isə deyib ki, gələn həftədən etibarən dərsliklər azərbaycandilli məktəblərə paylanılacaq.
 
  
Qeyd edək  ki, son 4 ildə Azərbaycanın Təhsil Nazirliyi Gürcüstanın azərbaycandilli məktəbləri üçün ümumi sayı 73 805 ədəd olan “Azərbaycan dili” və “Ədəbiyyat” dərsliyi və müəllimlər üçün metodik vəsaitlər təqdim edib.
 
 
Hazırda Gürcüstanda tədrisi Azərbaycan dilində olan 124 məktəb var. 

Gürcüstanda azərbaycanlıların sıx yaşadığı Qardabani rayonunda bir qrup sakin etiraz aksiyası keçirib.

APA-nın yerli bürosunun məlumatına görə, aksiya iştirakçıları hakim “Gürcü Arzusu” Partiyasının Qardabani rayon icra başçısı vəzifəsinə namizədi Ramaz Budaqaşvilinin namizədliyinə etiraz ediblər.

Sakinlər qarşıdan gələn yerli idarəetmə orqanları seçkilərində R. Budaqaşvilinin namizədliyini dəstəkləməyəcəklərini bildiriblər. Onlar hakim partiyadan rayonun hazırkı icra başçısı Qoça Camaraulinin namizədliyinin irəli sürülməsini tələb ediblər. Etirazçıların  sözlərinə görə, Q. Camaraulinin rəhbərliyi altında Qardabani rayonunda ciddi işlər görülüb. Tələb yerinə yetirilməyəcəyi təqdirdə, aksiyalar davam etdiriləcək.
 

Qeyd edək ki, Gürcüstanda yerli idarəetmə orqanlarına seçkilər oktyabrın 21-də keçiriləcək.  

Bu 3 qida maddəsi soyuqlama, qrip və uçuq kimi infeksiyaların səbəb olduğu sağlamlıq problemlərinə qarşı immunitet sistemini gecləndirir.

Yumurta sarısı

Xolesterol nisbəti yüksək olduğu üçün istifadəsindən qaçılan yumurta sarısının tərkibində yüksək səviyyədə protein mövcuddur və immunitet sistemini gücləndirir. Tərkibindəki selenium və sink də immuniteti qüvvətləndirən maddələrdir.

Hindistan qozu yağı

Hindistan qozu yağı tərkibində olan laurik turşusu, antimikrob, antifungal (göbələk əleyhinə) və antioksidant xüsusiyyətləri ilə tanınır. Bədənimiz laurik turşusunu qəbul edərək ondan uçuq, qrip, soyuqlama və hətta HİV kimi sağlamlıq problemlərinə səbəb olan virus və bakteriyalara qarşı da effektiv şəkildə istifadə edir. Tərəvəzlərinizi bişirən zaman yeməklərə biraz bu məhsuldan əlavə etsəniz, faydasını mütləq görərsiniz.

Sarımsaq

Sarımsaq immunitet sistemini gücləndirən ən faydalı qidalardan biridir. Tərkibindəki allisin maddəsi sarımsağa kəskin qoxu verir. Bu maddənin antibakterial və antiviral (antivirus) xüsusiyyətləri mövcuddur. C vitamini ilə qəbul olunduqda daha çox təsirli olur. Sarımsaqdakı allisin dərmanlara müqavimətli olan bəzi bakteriya və viruslara qarşı olduqca təsirlidir. Həftədə 2-3 dəfə yeyildikdə qalın bağırsaq xərçənginə qarşı qoruduğu müəyyən olunub.