Arterial təzyiq sağlamlıq göstəriciləri arasında ən vacib olanlardan biridir. Həkimlər vaxtaşırı olaraq hamıya (xüsusilə 40 yaşdan sonra olan insanlara) təzyiqini ölçməyi tövsiyə edirlər.

Bununla siz hipertoniyanın inkişafını ilk mərhələlərdə aşkar edə bilərsiniz.

Hipertoniya çox hiyləgər xəstəlikdir ki, ilk mərhələlərdə heç bir simptomla özünü büruzə vermir. Bu isə çox təhlükəlidir. Gizli inkişaf edən hipertoniya tədricən insanın ürək-damar sistemini, böyrəklərini, gözlərini sıradan çıxardır. Bu səbəbdən təzyiqin vaxtaşırı olaraq ölçülməsi olduqca vacibdir.

Lakin təzyiqi ölçən insan müəyyən qaydaları bilməlidir. Bu qaydalara əməl etməmək təzyiqin göstəricilərinə təsir edir, təzyiqin səhv ölçülməsinə səbəb olur.

1. Təzyiqi yemək yedikdən, çay və ya qəhvə içdikdən, siqaret çəkdikdən dərhal sonra ölçmək olmaz. Sidik kisəsi boş olmalıdır.

2. Təzyiqi ölçdükdə danışmaq, gülmək, yemək yemək və s. olmaz. Bu göstəricilərin daha yüksək olduğuna səbəb olur.

3. Təzyiqi ölçdükdən əvvəl 5 dəqiqə sakit oturun. Ölçülmədən əvvəl fizki işlə məşğul olan, pilləkənlə qalxan insanın təzyiqi daha yüksək olacaq.

4. Təzyiq ölçülən qolu masanın üzərinə rahat  qoymaq lazımdır. Qolun gərgin olması, "sallanması" zamanı təzyqin göstəriciləri daha yüksək  olur.

5. Paltarın qolunu mütləq qatlamaq lazımdır. Tonometrin manjeti paltarın üzərində yerləşdikdə bu təzyiqin səhv ölçülməsinə gətirib çıxardır.

6. Təzyiqin ölçülməsi zamanı ayağı ayağın üzərinə qoymaq, narahat poza almaq, önə əyilmək olmaz.

7. Təzyiqi 5-10 dəqiqə fasilələrlə 3 dəfə ölçün və ən aşağı göstəricini götürün. Məsələn, birinci dəfə 140/90 mm c. st., 2-ci dəfə 135/86 mm c. st, 3-cü dəfə 138/90 mm c.st göstərilibsə, 135/86 mm c.st götürülür.

Əgər təzyiqin ölçülməsi zamanı orta yaşlı insanda göstəricilər daim 139/89 mm c.st-dan yuxarıdırsa, həkimə müraciət edin. Bu sizdə hipertoniyanın inkişafına işarə edə bilər.

Qoyun və mal əti tərkibində olan vitamin və minerallara görə, demək olar, eynidir. Mal ətində zülal daha çoxdur.

Lakin qoyun ətinin 2 əsas üstünlüyü var ki, bu üstünlüklər onu mütəxəssislərin fikrinə görə mal ətindən daha faydalı edir.

1. Qoyun ətində yağ daha azdır. Bundan əlavə qoyun ətində olan yağ mal ətində olan yağdan daha faydalıdır.

2. Qoyun əti daha ekoloji təmiz sayılır ki, qoyunların bəslənməsi üçün təbii otlaqlar istifadə olunur.

Samuxda avtomobil su kanalına düşüb.

Dalga tv Report-a Qərb bürosunun məlumatına görə, hadisə axşam saatlarında Samux-Əhmədbəyli yolunda baş verib.

Qız qaçıran şəxslər "VAZ-2107" markalı avtomobil ilə körpünün üzərindən keçən zaman nəqliyyat vasitəsi idarəetmədən çıxıb və maşın su kanalına düşüb. Nəticədə qaçırılan qız və daha 3 nəfər ağır xəsarət alıb. Yaralılar xəstəxanaya yerləşdirilib. Yaralılardan qaçırılan qız, 20 yaşlı Göygöl rayon sakini, Günay İsfəndiyarovanın (Ad şərtidir) vəziyyəti ağırdır.

Faktla bağlı araşdırma aparılır.

Paytaxtın Nərimanov rayonunda körpə 7-ci mərtəbədən yerə yıxılıb.

Dalga tv-nin Report-a istinadən xəbərinə görə, hadisə Ə.Əliyev küçəsi, ev 52 mənzil 153 ünvanında baş verib.

Bu ünvanda yaşayan 2014-cü il təvəllüdlü Əliyev Kənan Nəsiyət oğlu valideyn nəzarəti olmadan mənzilin pəncərəsindən yerə yıxılıb. Xoşbəxtlikdən körpə öncə peyk antenasının üzərinə düşüb. Daha sonra ikinci mərtəbədə yerləşən antenanın üzərindən ağacın budağının üstünə düşüb.

O, müxtəlif dərəcəli bədən xəsarətləri alaraq xəstəxanaya yerləşdirilib. Həkimlər onun vəziyyətini qənaətbəxş kimi qiymətləndirir.

Alimlər yeni araşdırma zamanı aşkar ediblər ki, darçın orqanizmdə piyin yığılmasını ləngidir və ürək xəstəliklərinin riskini azaldır.

Deccan Chronicle xəbər verir ki, alimlər bunu siçovulların üzərində aparılmış eksperimentlər nəticəsində aşkar ediblər. 12 həftə ərzində siçovullara yağlı qidalar verilirdi. Bu müddət ərzində siçovulların bir qrupunun qidasına darçın əlavə olunurdu, digər qrupuna yox.

Eksperimentin sonunda məlum olub ki,  darçın alan siçovullar daha az çəki yığıb və onların qarnında piy qatı daha azdır. Həmçinin onların qan analizlərində olan şəkər, insulin, yağların səviyyəsi daha aşağıdır.

Bundan əvvəl keçirilmiş araşdırmalar göstərib ki, darçın beyini demensiya (ağıl zəifliyi) və Parkinson xəstəliyinən qoruyur, kolorektal xərçəngin müalicəsində kömək edir, ürəyin sağlamlığına müsbət təsir edir.

Darçını istənilən qidalara və içkilərə (çay, qəhvə) əlavə etmək olar. Darçını toz şəklində deyil, borucuqlar şəklində alin. İstifadə etdikdən əvvəl darçının kiçik tikəsini kəsin və qida və ya içkiyə əlavə edin.

Gürcüstanın paytaxtı Tbilisi şəhərində, Mtatsminda dağındakı meşə ərazisində yanğın başlayıb.

APA-nin yerli bürosunun məlumatına görə, yanğının söndürülməsinə helikopter cəlb olunub. Yanğınsöndürmə briqadaları hadisə yerindədir. Yanğının səbəbi hələlik məlum deyil.

Gürcüstanın Daxili İşlər Nazirliyi hadisə ilə bağlı rəsmi məlumat yayıb. Məlumatda bildirili ki, 50-dən çox yanğınsöndürən, 10-a yaxın yanğınsöndürmə texnikası və 1 helikopter yanğının aradan qaldırılmasına cəlb olunub. İlkin məlumatlara əsasən dağda ot örtüyü yanır. Yanğınla əlaqədar Mtatsminda dağında fəaliyyət göstərən funikulyorun fəaliyyəti təhlükəsizlik baxımından müvəqqəti olaraq dayandırılıb.

Qeyd edək ki, avqustun 8-də gecə saatlarında adıçəkilən dağda güclü yanğın baş vermişdi.