Çox isti hava insanın sağlamlığı və hətta həyatı üçün ciddi risk faktoru sayılır. Alimlər orqanizmə olan mənfi təsirə görə çox isti havanı çox soyuq havadan daha ziyanlı hesab edir.

Bəzi qup insanlar üçün isti hava daha təhlükəlidir. Bu onlarda olan xəstəliklər, pozulmalar, yaş və s. faktorlarla bağlıdır. Bu insanlar isti havanın orqanizmə olan mənfi təsirini mümkün qədər azaltmaq üçün günorta saatlarında çölə çıxmamalı, sərin yerdə qalmalı, düzgün qidalanmalı və kifayət qədər maye qəbul etməli, onlara təyin olunmuş dərman preparatlarını vaxtı-vaxtında qəbul etməli, sağlamlığında cüzi də olsa dəyişikliklər hiss etdikdə dərhal həkimə müraciət etməlidir.

Beləliklə, çox isti hava bu qrup insanlar üçün xüsusilə təhlükəlidir:

1. Orqanizmin genetik xüsusiyyətlərinə görə isti havanı pis keçirdən insanlar. Bu insanlarda mübadilə prosesləri daha sürətlidir ki, bu onlarda isti havaya dözülməzlik kimi hala səbəb olur.

2. Keçmişdə istivurma keçirmiş insanlar.

3. Artıq çəkisi olan insanlar.

4. Termorequlyasiya sisteminin natamam inkişafına görə kiçik yaşlı uşaqlar.

5. Ürək-damar sistemi xəstəlikləri olan insanlar.

6. Hipertireozdan (qalxanvari vəzinin funksiyasının artması) əziyyət çəkən insanlar.

7. Tənəffüs sistemi və böyrək xəstəlikləri olanlar.

8. Sinir sistemi xəstəliklərindən əziyyət çəkənlər. (İsti hava beyinin normal fəaliyyətinə mənfi təsir edir.)

9. Hamilə qadınlar. Hamiləlik zamanı qan dövranı və mübadilə prosesləri artır ki, bu da isti havada qadına əlavə narahatçılıq yaradır.

10. Yaşlı insanlar. Bu qrup insanların əksəriyyətində ürək-damar, sinir sistemi pozulmaları və termorequlyasiyanın pozulması müşahidə olunur.

Gürcüstanda Qara dənizdə müşahidə olunan fırtına zamanı batmaq təhlükəsi ilə üzləşmiş 46 nəfər xilas edilib.

APA-nın yerli bürosunun Gürcüstanın Daxili İşlər Nazirliyinə istinadən verdiyi məlumata görə, xilas olunmuş şəxslər arasında Rusiya, Ukrayna, Ermənistan, ABŞ və Azərbaycan vətəndaşları olub.

Qara dənizdə son üç gün ərzində beş ballıq fırtına olub. Dənizdə çimmək qadağan olunsa da, çimərliklərdə istirahət edənlər dənizə daxil olaraq həyatlarını təhlükə altına atıblar.

Xəbər verildiyi kimi bu gün səhər saatlarında Hacıqabulda evə basqın edən silahlı şəxs iki qardaş Məhəmməd və Natiq Qəmbərovların ailəsinin 5 üzvünü güllələyib, daha sonra özünü vurub. Meksikada silahlı quldur qruplaşmaları tərəfindən törədilən dəhşətli qətliamları xatırladan bu hadisəni törədən şəxs Hacıqabul sakini, əvvəllər dəfələrlə məhkumluq yaşamış, 1971-ci ildə anadan olmuş Mübariz Mehdiyevdir. Qətliamın motivi isə Mehdiyevlə Moskvada bizneslə məşğul olan, "Moskva Natiq" kimi tanınan Natiq Qəmbərov arasında Rusiyada başlamış ədavətdir.

Dalga tv Sonxeber.az-a istinadən xəbər verir ki, virtualaz.org saytının reportyor qrupu hazırda Hacıqabulda, dəhşətli hadisənin baş verdiyi yerdədir. Reportyor qrupumuzun bildirdiyinə görə hazırda qətliamın baş verdiyi yer-Məhəmməd Qəmbərovun Bayram İbrahimov küçəsində yerləşən evi avtomatlı polislərin nəzarətindədir, içəri heç kim buraxılmır. Hazırda evdə qətlə yetirilənlərin yaxınlarının iştirakı ilə yas məclisi gedir, məclisdə ancaq kişilərin iştirakına icazə verilir.

Hadisə barədə qonşulardan heç kim jurnalistlərə danışmaq istəmirdi. Adını açıqlamayan bir sakin isə əməkdaşlarımıza xəbərdarlıq edib ki, Hacıqabulu tərk etsələr yaxşıdır. "Bizim camaat qonaqpərvər camaatdır, ancaq bu hadisə barədə jurnalistlərə danışılacaq heç nəyimiz yoxdur. Getsəniz yaxşıdır, bir az qabaq hansısa telekanaldan çəkilişə gəlmişdilər, qovduq"-qətliamın baş verdiyi evin qarşısında dayanan kişilərdən biri bildirib.

Əməkdaşlarımız çətinliklə də olsa onu öyrənə biliblər ki, Qəmbərovlar ailəsinin üzvlərini qətlə yetirən Mübariz Mehdiyevin hədəfi əslində Natiq Qəmbərov və onun ailə üzvləri olub. Lakin Natiq Qəmbərovun atası Məhəmməd Qəmbərovla qardaşı Nazim eyni həyətdə tikilmiş ayrı-ayrı evlərdə yaşadıqlarından qatil yanılıb. Natiq Qəmbərovun atasının evinə girmək əvəzinə əmisinin evinə girib və qarşısına çıxanları güllələyib.

Əməkdaşlarımız Qəmbərovlar ailəsinin qonşularından çətinliklə də olsa öyrənə bilib ki, hadisə saat 6.00 radələrində baş verib. Mübariz Mehdiyev lüləsi kəsik ov tüfəngi ilə silahlanıbmış. O, özü ilə gətirdiyi taxta nərdivanı Qəmbərovların evinin hasarına söykəyib və içəri keçib. Əvvəlcə həyətdə "Moskva Natiq"ə məxsus olan "Mercedes ML" markalı "cip"ə od vurub. Evin sahibi –"Moskva Natiq"in atası Məhəmməd Qəmbərov səsə həyətə çıxıb, bu zaman Mübariz Mehdiyev Məhəmməd Qəmbərova atəş açaraq onu yaralayıb.

Yaralı dərhal darvazadan həyətə qaçıb və evlərindən bir qədər aralıda yerləşən təcili tibbi yardım stansiyasına özünü çatdırıb. Elə polisə də Təcili Tibbi Yardım Stansiyasından məlumat verilib.

Məhəmməd Qəmbərovu yaralayandan sonra basqınçı çox güman ki, "Moskva Natiq"i öldürmək üçün yanlış olaraq onun əmisinin evinə daxil olub və qarşısına keçənə atəş açıb. Polislər az sonra hadisə yerinə gəlib və Mübariz Mehdiyev evin damından həyətin arxa tərəfinə düşərək qaçmağa çalışıb. Lakin polislərlə atışmada yaralanıb. Qonşuların dediyinə görə yaralandığını görən M.Mehdiyev sağ ələ keçməmək üçün silahı ilə özünü vurub.

Qonşular deyirlər ki, qətliamı törədən şəxs avara, dəfələrlə məhkum olunmuş biridir. Yaxınlıqda yaşamadığından onun barəsində ətraflı məlumat yoxdur. Habelə Mübariz Mehdiyevin Moskvada Natiq Qəmbərovla ədavətinin səbəbi də məlum deyil. Hadisə vaxtı Natiq Qəmbərov da evdə olub və o, silahlı basqını görərək qaçıb. Nəticədə sağ qalıb. Hazırda Natiq Qəmbərov qətliamın baş verdiyi həyətdədir, lakin içəri heç kimi buraxmadıqlarından onunla təmas qurmaq mümkün olmayıb.

Qonşuların bildirdiyinə görə, M.Mehdiyev "Moskva Natiq"in atasını vurduqdan sonra evi səhv salaraq N.Qəmbərovun əmisinin evinə girib, orada Məhəmməd Qəmbərovun qardaşı Nazim Qəmbərovu, oğlu Natiqi (1988-ci il təvəllüdlü) və qızı Gülbağdanı (təvəllüdünü dəqiqləşdirə bilmədik) güllələyib, daha sonra qonşu evdən səsə çıxan qadını-Natiq Qəmbərovun anası Almaranı öldürüb. Həmin vaxt Natiq Qəmbərov qaçmaqla canını qurtarıb. Qonşular deyirlər ki, Məhəmməd Qəmbərovun qardaşının və ailə üzvlərinin bu ədavətdə heç bir rolu olmayıb, onlar günahsız yerə qətlə yetiriliblər.

Hazırda qətliama qurban gedənlərin meyitləri hadisənin baş verdiyi evə gətirilir və birazdan onların dəfn olunacağı gözlənilir.

Əməkdaşlarımız hadisə barədə əlavə məlumatlar öyrənə bilmək üçün Hacıqabul rayon Polis İdarəsində də olublar. İdarədən bildiriblər ki, hadisə araşdırılır və mətbuata açıqlanacaq əlavə məlumat yoxdur.

Sakinlərdən onu da öyrənə bildik ki, Mübariz Mehdiyevlə Natiq Qəmbərov Rusiyada neçə vaxtdır münaqişə ediblər. Bir müddət əvvəl tərəflər arasında növbəti münaqişə zamanı Mübariz Mehdiyevi möhkəm döyüblər, ağır xəsarətlər yetiriblər. Bu hadisədən sonra N.Qəmbərov Hacıqabula, atasının evinə gəlib. M.Mehdiyev də Azərbaycana qayıdıb və düşməninin Hacıqabulda olduğunu biləndə ondan qisas almaq qərarına gəlib. Və bütün bu qanlı hadisələr Moskvada iki hacıqabullu arasında başlayan münaqişənin nəticəsi olaraq baş verib...

Yayda yeməkdən sonra masaya adətən qarpız və yemiş verilir. Lakin diyetoloqlar bunu düzgün hesab etmir.

Belə ki, yeməkdən dərhal sonra yeyildikdə yemiş və qarpız mədədə ağırlıq və ağrılara səbəb olur, qıcqırma yaradır, həzm proseslərinə mane olur.

Diyetoloqlar digər meyvə və giləmeyvələr kimi yemiş-qarpızı da yeməkdən 1 saat əvvəl və ya 1,5-2 saat sonra yeməyi tövsiyə edir.

Gürcüstanda Çorox çayında köməksiz vəziyyətdə qalmış iki Azərbaycan vətəndaşı xilas olunub.

APA-nın yerli bürosunun məlumatına görə, Acarıstanın Şarabidze kəndində 8 nəfərdən ibarət qrup Çorox çayında olarkən suyun səviyyəsi qəflətən qalxmağa başlayıb.

Qrupun 6 üzvü çaydan çıxa bilsə də, iki azərbaycanlı turist bunu edə bilməyib.

Fövqəladə Halların İdarə Olunması Mərkəzinin xilasediciləri azərbaycanlı turistləri xilas ediblər. 

Fövqəladə Hallar Nazirliyi Yevlax şəhəri Mərkəzi Xəstəxanasında baş vermiş yanğınla bağlı məlumat yayıb.
FHN-dən Sonxeber.az-a verilən məlumata görə, yanğın nəticəsində xəstəxana binasının şaxtasında elektrik kabelləri və 4-cü mərtəbədə 4 ədəd oturacaq yanıb. Yanğın zamanı bir neçə xəstə təhlükəsiz əraziyə təxliyyə olunub. Ölən və xəsarət alan yoxdur. Yanğın saat 15:18-də yanğınsöndürənlər tərəfindən söndürülüb.