Azərbaycana ötən il daimi yaşamaq üçün daha çox Gürcüstandan gəlinib.

"Report" Dövlət Statistika Komitəsinə istinadən xəbər verir ki, ötən il daimi yaşamaq üçün Azərbaycana gələnlərin 35,1 faizi Gürcüstan, 28,1 faizii Rusiya, 6,6 faizi Türkiyə, 4,5 faizi İran, 4,1 faizi Qazaxıstan, 3,9 faizi Ukrayna, 17,7 faizi isə digər ölkələrdən olub.

Daimi yaşamaq üçün Azərbaycandan gedənlərin 47,7 faizi Rusiya, 29,3 faizi Qazaxıstan, 5,7 faizi Türkiyə, 3,6 faizi Belarus, 1,7 faizi Ukrayna, 1,6 faizi ABŞ, 10,4 faizi isə digər ölkələrin payına düşüb.  

Zaqatalada minik avtomobili yoldan çıxaraq ağaca çırpılıb. Hadisə nəticəsində 2 nəfər dünyasını dəyişib. Rayon ərazisində baş verən digər qəzada isə 1 nəfər ölüb, 2 nəfər xəsarət alıb.

Minik avtomobilinin ağaca çırpılması 2 nəfərin ölümü ilə nəticələnib...
Dalga tv xezerxeber.az-a istinadən bildirir ki, ağır qəza səhər saat 4 radələrində Zaqatalada baş verib. Rayonun Aşağı Tala kənd sakini, 29 yaşlı Taleh Qaracayev idarə etdiyi minik avtomobilində sükana nəzarəti itirib və maşın yoldan çıxaraq ağaca çırpılıb.
Sürücü Taleh Qaracayev hadisə yerində ölüb. Avtomobildə olan sərnişin, Aşağı Tala kənd sakini 32 yaşlı Qismət Yunusov isə ağır bədən xəsarətləri ilə Zaqatala Rayon Mərkəzi Xəstəxanasına yerləşdirilib. Lakin həkimlərin səyinə baxmayaraq onun həyatını xilas etmək mümkün olmayıb.
Zaqatalada baş verən digər qəzada isə 1 nəfər ölüb, 2 nəfər xəsarət alıb. Hadisə ötən gecə şəhərin Azərbaycan prospektində qeydə alınıb. Rayonun Yuxarı Tala kənd sakini, 26 yaşlı Rəsul Ramazanovun idarə etdiyi minik avtomobili rayon sakini 70 yaşlı Qulu Razıyevin idarə etdiyi minik maşını ilə toqquşub.
Hər iki sürücü və avtomobillərdən birində olan sərnişin, 41 yaşlı Anar Hacıabdulhəmidzadə müxtəlif dərəcəli bədən xəsarətləri ilə Zaqatala Rayon Mərkəzi Xəstəxanasına aparılıblar. Sürücü Qulu Razıyev xəstəxanaya daxil olduqdan bir müddət sonra dünyasını dəyişib.
Hər iki faktla bağlı araşdırma aparılır.

Sumqayıtda yataqxanada partlayış olub.

Hadisə nəticəsində Fövqəladə Hallar Nazirliyinin 1 əməkdaşı və 1 nəfər polis serjantı tüstüdən zəhərlənib.

Dalga tv Sonxeber.az-a istinadən bildirir ki, hər iki nəfər Sumqayıt şəhər Təcili Yardım Xəstəxanasına aparılıb.

Harvard Universiteti (ABŞ) alimləri sübut ediblər ki, gün ərzində 2 çay qaşığı duzun istehlakı ürəyin sağlamlığına ciddi ziyan vurur.

The Daily Mail xəbər verir ki, alimlərin müşahidələrinə görə, insanların əksəriyyəti gün ərzində bundan daha çox duz istehlak edir.

Belə ki, sübut olunub ki, duzun həddindən artıq istehlakı ürək kameralarının böyüməsinə gətirib çıxardır. Bu isə ürək ciddi yükləmələrlə işlədikdə mümkündür. Duz orqanizmdə artıq mayeni saxlayır ki, bu da arterial təzyiqin yüksəlməsinə səbəb olur. Nəticədə ürəyə düşən gərginlik artır və bu gərginliklərin təsirindən ürək böyüməyə başlayır.

Ürəyin böyüməsi ürəkdə durğunluq proseslərinə və ürək çatışmazlığına səbəb olur.

Ürəyin böyüməsi tez yorulma, təngnəfəslik (hətta sakit vəziyyətdə), ürək nahiyəsində ağrılar, ayaq ödemləri kimi simptomlarla özünü büruzə verir.

Alimlər duzun istehlakını azaltmağı, duzla olduqca zəngin olan hazır qidalardan (fast-fud, kolbasa-sosis və s.) imtina etməyi tövsiyə edirlər.

Azərbaycan vətəndaşları Gürcüstana səfər edən əcnəbilər arasında birinci yeri qoruyub saxlayır. 

APA-nın yerli bürosunun məlumatına görə, 2017-ci ilin yanvar-iyul aylarında Azərbaycandan Gürcüstana 928,170 nəfər səfər edib. Gürcüstan Milli Turizm Administrasiyasının rəhbəri Giorgi Çoqovadze deyib ki, bu göstərici ötən ilin analoji göstəricisindən 8,7 faiz çoxdur.

2017-ci ilin ilk yeddi ayı ərzində Gürcüstana ümumilikdə 3  978 657 əcnəbi səfər edib ki, bu da ötən ilin analoji göstəricisindən 16,8 faiz çoxdur. Qeyd olunan dövrdə Gürcüstana ən çox səfər edənlər arasında Ermənistan (851,759 nəfər) və Rusiya vətəndaşları (726,214) da yer alıb.

2017-ci ilin təkcə iyul ayında Azərbaycandan Gürcüstana 190, 621 nəfər səfər edib ki, bu da ötən ilin eyni göstəricisindən 13,8 faiz çoxdur. Bu ay ərzində Gürcüstana səfər edənlərin ümumilikdə sayı 982 487 nəfər təşkil edib. 

2017-ci ilin yanvar-iyul aylarında Gürcüstandan Azərbaycana şərab ixracında artım qeydə alınıb.

APA-nın yerli bürosu Gürcüstanın Milli Şərab Agentliyinə istinadən verdiyi xəbərə görə, qeyd olunan dövr ərzində Azərbaycana 102 342 şüşə gürcü şərabı ixrac olunub. Bu da ötən ilin analoji göstəricisindən 170 faiz çoxdur.

Cari ilin ilk yeddi ayı ərzində Gürcüstandan 44 ölkəyə 38,3 mln. şüşə şərab ixrac olunub ki, bu da ötən ilin eyni göstəricisindən 60 faiz çoxdur. İxrac olunmuş şərabın ümumi dəyəri 84,3 mln. dollar təşkil edib.

Gürcü şərabının ən çox ixrac olunduğu ölkələrin siyahısına Rusiya (23 740 750), Çin (4 462 631 şüşə), Ukrayna (3 653 334), Polşa (1 427 458) başçılıq edir.