Ədviyyatlar bir çox faydalı və müalicəvi xüsusiyyətlərlə zəngindir. Bu səbəbdən müxtəlif ədviyyatları qidalara və içkilərə əlavə etməklə biz nəinki onların dadını, həm da faydasını xeyli artırırıq.

Ən populyar ədviyyatlardan biri olan darçın adətən şirniyyatlara və bəzi qidalara əlavə olunur. Lakin Şərqdə darçını qəhvə və çaya da daim əlavə edirlər. Bu içkinin dadını qeyri-adi edir. Bundan əlavə çaya əlavə olunmuş darçın orqanizmə müalicəvi və profilaktik təsir edir.

- Darçınla çay mübadilə proseslərini sürətləndirir, iştahanı azaldır, arıqlamağa kömək edir. Bəzi iddialara görə, darçınla çay insanda şirniyyat və unlu məmulatlara olan meyli azaldır.

- Qanda şəkərin səviyyəsini aşağı salır.

- Ürək-damar sistemi üçün olduqca faydalıdır.

- Orqanizmdə iltihabları azaldır.

- Əhval-ruhiyyəni yaxşılaşdırır, insanı daha gümrah edir, iş qabiliyyətini artırır, orqanizmin tonusunu artırır.

- Beyinin fəaliyyətini stimullaşdırır, yaddaşı və diqqəti yaxşılaşdırır.

- Kişilərdə potensiyanı artırır, prostat vəzi xəstəliklərinin riskini azaldır.

- Təbii afrodiziakdır - qadın və kişilərdə cinsi meyli artırır.

Darçınlı çayı hazırlamaq üçün darçın borucuğunun kiçik hissəsini götürün, üyüdün və çay dəmlədikdə çaydana əlavə edin.

Metropolitendə intihara cəhd hadisəsi baş verib.

Dalga tv  Report-a istinadən xəbər verir ki, hadisə dünən səhər saatlarında metronun “Nizami” stansiyasında qeydə alınıb.

Belə ki, 1998-ci il təvəllüdlü Nərmin Muradova intihar məqsədi ilə özünü qatar relslərinin üstünə atıb. Lakin polis əməkdaşları və metropoliten işçiləri, o cümlədən maşinistin ayıq-sayıqlığı nəticəsində qatarı vaxtında saxlamaq mümkün olub. Nəticədə qadın xəsarət almayıb.
Aparılan araşdırmalar nəticəsində N.Muradovanın ruhi əsəb xəstəsi olduğu müəyyənləşdirilib.

Gürcüstanda Azərbaycan nömrə nişanlı minik avtomobili yanıb.

Dalga tv-nin  APA-ya istinadən verdiyi məlumata görə, hadisə Rustavi şəhərindən “Sınıq körpü” sərhəd keçid məntəqəsinə gedən yolda baş verib.

“90 XD 929” dövlət nömrə nişanlı, “BMW X5” markalı avtomobildə baş verən yanğının səbəbləri barədə məlumat verilmir. Yarım saat davam edən yanğın yanğınsöndürənlər tərəfindən söndürülüb. Hadisə nəticəsində xəsarət alan olmayıb.

https://youtu.be/Xlxvdw_GhLk

Düzgün və sağlam qidalanma ürəyin və damarların sağlamlığında olduqca böyük rol oynayır. Bəzi məhsullar var ki, onları ürək üçün əsl təbii dərman hesab etmək olar.

Bu məhsulları qidalanmaya daim daxil etməklə ürəyinizi cavan və sağlam saxlaya bilərsiniz.

Sizə ürək-damar sistemi üçün çox faydalı qarışığın reseptini təqdim edirik.

Bu mükəmməl qarışıq ürək üçün olduqca faydalı olan 2 məhsuldan ibarətdir - pomidor şirəsi və zeytun yağı.

Gündə 1 dəfə yeməkdən 40 dəqiqə sonra 1 çay qaşığı zeytun yağı əlavə olunmuş 1 stəkan təzə pomidor şirəsini için (duz əlavə olunmur!).

Qarışığın faydaları:

- ürəyi möhkəmləndirir

- yüksək arterial təzyiqi aşağı salır

- damarları möhkəmləndirir, onların elastikliyini artırır

- damarları təmizləyir

- damarlarda trombların əmələ gəlməsi riskini azaldır

- xolesterolun səviyyəsini aşağı salır

- qanın tərkibini yaxşılaşdırır.

Nəzərə almaq lazımdır ki, bəzi xəstəliklər zamanı bu qarışığın istehlakı sağlamlığa ziyan vura bilər. Bu bəzi mədə-bağırsaq sistemi xəstəlikləri (qastrit, xora və s.), böyrək və öd daşı xəstəliyi, podaqra və s.

Tovuzda 1 yaşlı uşaq yanıq xəsarətləri alıb.

APA-nın Qərb bürosunun verdiyi məlumata görə, rayonun Bozalqanlı kənd sakini, 2016-cı il təvəllüdlü Tunar Ərəstun oğlu Hacıyev bədənin 25 faizinin ikinci dərəcəli xəsarəti ilə Tovuz rayon Mərkəzi Xəstəxanasına yerləşdirilib, vəziyyətinin ağır olduğu bildirilir. İlkin məlumata görə, o, üzərinə qaynar su ilə dolu qazanı aşırıb. 

Azərbaycanın Gürcüstandakı səfiri Dursun Həsənov Gürcüstanda Azərbaycanlı Müəllimlər İttifaqının bir qrup üzvü ilə görüşüb.

APA-nın Gürcüstan bürosunun xəbərinə görə, müəllimlər səfiri Azərbaycan məktəblərini narahat edən ciddi problemlər və çatışmazlıqlar barədə məlumatlandırıb. Qardabani rayonundan olan müəllim Hidayət Yusubov deyib ki, Azərbaycan məktəblərində dərslik və müəllim kadrlarının ciddi çatışmazlığı mövcuddur: “Gürcüstanda 124 Azərbaycan məktəbi var. Hər il Azərbaycan dövləti bu məktəblərə 300-400 sayda dərslik göndərir. Lakin bu məktəblərdə təhsil alan şagirdlərin sayını nəzərə alsaq, dərsliklər azlıq təşkil edir”.

Kadr çatışmazlığına toxunan H. Yusubov bildiryib ki, bu məsələ ilə bağlı məktəblərdə ciddi böhran yaşanır: “Azərbaycanın ali məktəblərində Gürcüstanın azərbaycanlı vətəndaşlarının güzəştli şərtlərlə təhsil almasına şərait yaradılsa, bu problemin həllinə nail olmaq olar. Onlar sonradan Gürcüstana qayıdıb, Azərbaycan məktəblərində işlə təmin oluna bilərlər”.

Səfirliyin humanitar və mədəniyyət məsələləri üzrə müşaviri Samirə Ağayeva görüş iştirakçılarına Gürcüstanın Azərbaycandilli məktəblərinin Azərbaycan dövləti tərəfindən dərsliklərlə təminatı qaydalarını xatırladıb. Onun sözlərinə görə, Azərbaycan dövləti Gürcüstandakı Azərbaycan məktəblərini diqqətdən kənarda qoymur və hər il dərsliklər göndərir: “Həmin dərsliklərin çeşidi iki dövlət arasında qarşılıqlı razılaşma əsasında müəyyən olunub. Göndərilən dərsliklər jurnalistlərin iştirakı ilə Gürcüstanın Elm və Təhsil Nazirliyinə təqdim edilir, daha sonra məktəb direktorları dərslikləri nazirlikdən təhvil alır. Azərbaycanda dərsliklər hər 4 ildən bir nəşr olunsa da, Gürcüstana hər il dərslik göndərilir. Dərsliklərin sayı şagirdlərin sayı ilə bağlı statistik məlumatlar əsasında müəyyən olunur. Həmin dərsliklərdən sonrakı tədris illərində də istifadə etmək üçün onlar məktəbdə qorunub saxlanmalıdır”.

Dmanisi, Marneuli rayonları və Rustavi şəhərini təmsil edən digər müəllimlər Gürcüstanda buraxılış imtahanlarına Azərbaycan dili və ədəbiyyatı fənninin salınmaması, imtahan suallarının gürcü dilindən Azərbaycan dilinə qüsurlu tərcüməsi, kənd məktəblərində şagirdlərin sayının azalması səbəbindən siniflərin bağlanma təhlükəsi ilə üz-üzə qalması və s. problemlərdən danışıblar.

Səfir Dursun Həsənov öz növbəsində Azərbaycan prezidenti İlham Əliyevin Gürcüstanla münasibətlərə və Gürcüstan azərbaycanlılarına xüsusi diqqətindən danışıb. Səfir deyib ki, Azərbaycan məktəblərini narahat edən problemləri diqqət mərkəzində saxlayacaq, həmin məktəblərə baş çəkəcək və çatışmazlıqların aradan qaldırılması üçün əlindən gələni əsirgəməyəcək.

Görüşün sonunda səfir D. Həsənov Gürcüstanda Azərbaycanlı Müəllimlər İttifaqının rəhbəri Səadət Quliyevaya səfirlik adından kompüter hədiyyə edib.