Dekabrın 5-də Azərbaycanın Gürcüstandakı səfirliyi Tiflisdə ənənəvi "Qış sərgisi" adlı beynəlxalq xeyriyyə yarmarkasında iştirak edəcək.

"Dalğa TV"nin məlumatına görə, bu barədə Azərbaycanın Gürcüstandakı səfirliyindən bildirilib. Məlumata görə, xeyriyyə yarmarkasında Tiflisdə akkreditə olunan 20-dən çox xarici ölkələrin diplomatik nümayəndəlikləri, yerli və xarici şirkətlərin təmsil olunacağı gözlənilir. Tədbirə Tiflis şəhər meriyası və beynəlxalq təşkilatların nümayəndələri də qatılacaq.

Azərbaycan səfirliyindən verilən məlumata görə, beynəlxalq xeyriyyə yarmarkasının keçirilməsində əsas məqsəd tədbirdə satışa çıxarılan məhsullardan əldə olunan vəsaitin xeyriyyə məqsədi ilə istifadə olunmasıdır. "Qış sərgisi" xeyriyyə tədbiri iştirak edən ölkələrin tarixi irsinin, mədəniyyətinin və mətbəxinin təbliğ olunması baxımından böyük əhəmiyyət kəsb edir.

Tədbirdə hər il olduğu kimi bu il də Azərbaycan mətbəxindən nümunələr, ölkəmizi təbliğ edən xalçalar, müxtəlif milli suvenirlər, jurnallar və Gürcüstanda fəaliyyət göstərən Azərbaycan və yerli şirkətlərin istehsal etdiyi məhsullar nümayiş etdiriləcək.

Nardarana yeridilən Daxili Qoşunların xüsusi təyinatlıları arasında qadın polislər də var.

Məlumata görə, Nardarandakı ziyarətgaha qədər zirehli texnika düzülüb.

Noyabrın 26-da keçirilən əməliyyat zamanı öldürülənlərin meyitləri isə artıq qəsəbəyə gətirilib.

Gürcüstanda bir sığorta şirkəti havanın çirkləndirilməsinə diqqət çəkmək üçün hazırladığı kampaniyada qaz maskalı polislər ətrafa duman yayaraq ekoloji zərər verən maşınlara "cəza" yazır.

Gürcüstanın paytaxtı Tiflisdə xüsusilə düzgün xidmət görməyən maşınlar havanı olduqca çirkləndirir. Araşdırmalara görə, kub metr başına partikul sayı limiti 9 qat aşır. Gürcüstanda fəaliyyət göstərən Leavingstone reklam agentliyi, GPİ adlı sığorta şirkəti üçün hazırladığı kampaniyada bu problemi ortaya qoyur.

Leavingstone; "Pay For the Air You Breathe" adlı kampaniyada əvvəlcə Gürcüstan hökümətinin təmiz hava vergisi yaratmaq barədə düşündüyü dedi-qodusunu yayır, ardından qaz maskaları taxmış, çəhrayı və mavi rənglərdə futurustik formalı saxta çevrə polisləri maşınlara yol polisinin cəza kağızlarına çox bənzəyən qəbzləri paylayır. Bu elanı maşını üzərində görən tiflislilər ilk öncə həqiqətən cəza aldıqlarını düşünürlər.

"Qəbz"i bütünlüklə oxuduqda isə bunun bir reklam kampaniyası olduğunu öyrənirlər. Bu elanda yerləşən internet saytı isə Leavingstone’nun reklamını hazırladığı sığorta şirkətinə aiddir və maşınıza uyğun olaraq sizə fərqli təkliflər verir.

© 2015, pahoo.az

Zaqatalada tükürpədici cinayət törədilib. "Dalğa TV" APA-ya istinadən xəbər verir ki, 26 yaşlı gəncin 1350 manat borca görə əllərini balta ilə kəsiblər.

Bildirilir ki, Zaqatala şəhəri, Azərbaycan prospektində bina 39 ev 26 ünvanında yaşayan 26 yaşlı Vüsal Vahid oğlu Bəşirov hər iki qolunun bilək nahiyəsindən tamamilə kəsilməsi xəsarəti ilə Mərkəzi Rayon Xəstəxanasına daxil olub.

Təcili əməliyyata qaldırılan Vüsal Bəşirovun üzərində əməliyyat aparılıb və hər iki qolu biləkdən amputasiya olunub.

Hüquq-mühafizə orqanlarından APA TV-yə verilən məlumata görə, Zaqatala şəhər sakini, 30 yaşlı Araz Musayev və hələ ki adı açıqlanmayan şəxs Vüsalı Tala Çay çayının üstündəki simvolik asma körpünün altına apararaq, orada ağzını və əl-ayağını yapışqanlı lentlə bağlayıb, sonra qollarını biləkdən kəsib. Araz Musayev sonradan könüllü şəkildə Zaqatala Rayon Polis Şöbəsinə gələrək, özünü istintaqa təhvil edib.

Zərərçəkmişin atası Vahid Bəşirov APA TV-yə verdiyi açıqlamada oğlunun borcu olduğunu bildirib. Onun dediyinə görə, Bakıdan qayıdan oğlunu qarşılamağa gedib. Borclu olduğu şəxslər Vüsalı söhbət etmək adı ilə çayxanaya aparıblar. Oğlundan narahat olan V.Bəşirov onun mobil telefonuna zəng etsə də, ona zəng çatmayıb. Bir qədər sonra isə oğlunun telefonundan ona zəng gəlib. Danışan şəxs "oğlunun əllərini kəsmişik, get xəstəxanaya oğlunun yanına" deyib.

Polis şöbəsindən isə istintaq getdiyinə görə hadisənin təfərrüatları barəsində məlumat verilməyib.

Qeyd edək ki, əlləri kəsilən Vüsal Bəşirov əvvəllər məhkumluq həyatı yaşayıb. Hadisəni törədən Araz Musayevin isə vəhhabi təriqətinə mənsub olduğu bildirilir.

Faktla bağlı Zaqatala Rayon Polis Şöbəsində hadisəni törədən şəxs və ya şəxslərin müəyyənləşdirilərək istintaqa cəlb edilməsi istiqamətində araşdırmalar aparılır.

Dünəndən etibarən Nardaran qəsəbəsinə işıq verilməsində fasilə yaranıb.

"Azərişıq" ASC Bakının Nardaran qəsəbəsində abunəçilərin elektrik enerjisi ilə təchizatında yaranmış problemin səbəbinin abunəçilərin borcunun olması ilə əlaqələndirib. Nardaran sakinləri həmçinin qəsəbəyə təbii qazın verilişdə də bir müddət əvvəldən fasilə yarandığını qeyd ediblər.

"Dalğa TV" xəbər verir ki, APA-nın bununla bağlı müvafiq qurumlara ünvanlandığı sorğuya cavab olaraq bildirilib ki, bu günə kimi Nardaran əhalisinin istifadə edilən elektrik enerjisinə görə 42 milyon 267 min borcu var: "2015-ci ilə qədər bu borcun məbləği 37 milyon 966 min manta olub. Bu ilin 10 ayında isə 4 milyon 300 min manat elektrik enerjisi ilə bağlı borc var".

Nardaran əhalisinin təbii qaza görə dövlətə olan borcu isə 1 milyon 376 min manat təşkil edir: " Bunun 387 min 330 manatı 2013-cü il, 558 min 624 manatı 2014-cü il, 450 min 363 manat isə bu ilin 10 ayı üçün olub".

Nazirlər Kabineti yanında Terminologiya Komissiyasında hazırlanmış Azərbaycan dilində şəxs adları lüğətinə daxil edilməyən adlar açıqlanıb.

"Dalğa TV" xəbər verir ki, Nazirlər Kabineti yanında Terminologiya Komissiyasının sədr müavini Sayalı Sadıqova APA-ya deyib ki, yeni şəxs adları lüğəti hazırlanarkən Nazirlər Kabinetinin 12 may 2011-ci il 79 nömrəli qərarı ilə təsdiq edilmiş "Adın, ata adının və soyadın verilməsi və dəyişdirilməsi Qaydaları" rəhbər tutulub.

Onun sözlərinə görə, həmin Qaydaların 1.4-cü bəndində qeyd olunub ki, uşağın mənafeyinə xələl gətirə biləcək, habelə şəxsin cinsinə uyğun gəlməyən və ya gülünc adın verilməsinə yol verilmir.

Sədr müavini bildirib ki, Azərbaycan dilində şəxs adları lüğətinə Ədliyyə Nazirliyində saxlanılan, indiyə qədər şəxs adları ilə bağlı çap olunan lüğətlərdəki seçmə, daha yaxşı adlar daxil edilib.

S. Sadıqova əlavə edib ki, lüğət çap olunandan dərhal sonra "ASAN xidmət" mərkəzlərinə göndəriləcək.

Sədr müavini qeyd edib ki, şəxs adları lüğətinə 5000-ə yaxın ad daxil edilib.

S. Sadıqova Terminologiya Komissiyasında hazırlanmış Azərbaycan dilində şəxs adları lüğətinə daxil edilməyən 217 adı da açıqlayıb.

Həmin adlar bunlardır:

Ansambl, Alak, Boran, Bədil, Bircan, Bəzək, Əbabil, Əyar, Əyyar, Əbi, Əda, Əcəb, Əbiş, Əhya, Ələs, Əlim, Əmanət, Ərəb, Ərçə, Əyalət, Əyal, Ətir, Dəxil, Dalğın, Dilənçi, Dəfinə, Cicigül, Cərulla, Cığa, Cazibə, Carçı, Camo, Canrübə, Canəssa, Cılğız, Ç;ervon, Ç;ələng, Düymə, Fağır, Fərmayiş, Faiz, Fakir, Fani, Fatı, Fəti, Gerçək, Gorus, Güldan, Gülməşəkər, Hambal, Haqq, Həddad, Həkkak, Həmdəm, Həmzat, Xadim, Xeyirxah, Xınalı, Xülqi, İstək, İşıqlı, Ehsan, Katib, Kazbek, Keştazlı, Kiçik, Kimyagər, Kişmiş, Kobar, Kosa, Kotal, Qocaman, Quşdan, Limonad, Portağal, Şüşəbənd, İstəkan, Türmə, Tutma, Kolxoz, Sovxoz, Komsomol, Traktor, Mayor, Meyvə, Məmiş, Mutu, Nahaq, Nakam, Narbuğda, Narkom, Naynay, Naznay, Nazsəhər, Nənə, Nəşə, Nənəş, Nuh, Nuhu, Nurbuğda, Nurmeyvə, Nurnar, Nuruş, Oxçu, Oktaedr, Oktaş, Oktürk, Okuş, Ordu, Ovçu, Padar, Padər, Pakay, Paksoy, Palavand, Pambıq, Parlaq, Payız, Paynaz, Payzər, Pekşən, Pektürk, Peykər, Pişnamaz, Prikaz, Pullu, Pulluzər, Rakit, Rayət, Raykom, Rəftar, Rəğbət, Rəyasət, Ruzbeh, Saat, Saatzər, Sabah, Salamat, Salavat, Saniyə, Saylı, Sədr, Səməni, Səndəlxatun, Səngər, Sərxoş, Səviyyə, Səyahət, Sınaq, Sırğa, Sırğagül, Sofu, Solğun, Sonamö, Soraq, Sovet, Soyuz, Şəkil, Şənlik, Şərqli, Şubay, Şura, Tafta, Talış, Tanıq, Tanrıqulu, Taray, Tarif, Tarzən, Tayfun, Teley, Telıx, Tello, Teloş, Telşan, Təbib, Təbiət, Təbrik, Təhsil, Təqdim, Təqdir, Tənha, Təpər, Tərəqqi, Təşəkkül, Təşəkkür, Təzə, Tiflis, Tiflisə, Tila, Tinə, Toylu, Tövsiyyə, Tufan, Tumar, Tükən, Uçqun, Ufaq, Urvat, Usta, Ustad, Utku, Uyar, Üqba, Ümeyya, Ünvan, Vilan, Vladlen, Vlas, Volodya, Yaraşıq, Yelizar, Yolçu, Yonca, Yüzbaşı, Zalikə, Zemkom