Tbilisidə Avropa, Şərqi Avropa və Mərkəzi Asiya ölkələrinin həmkarlar ittifaqlarını özündə birləşdirən Pan Avropa Regional Şurasının konfransı keçirilir. Konfransda ölkəmizi Azərbaycan Həmkarlar İttifaqları Konfederasiyası sədrinin müavini Aqil Dadaşov təmsil edir.

Tədbirin məqsədi Şuraya üzv ölkələrin həmkarlar ittifaqlarının qarşılaşdıqları problemləri müzakirə etmək, onların həlli üçün yeni üsullar, yollar axtarmaq, gələcək inkişaf və fəaliyyət proqramlarını hazırlamaqdır.

İclasda bildirilib ki, bu gün dünyada maliyyə böhranından əziyyət çəkən ölkələrdə işsizlik problemi hökm sürür. Bəzi müəssisə və təşkilatlar ciddi ixtisarlar edirlər, nəticədə insanların həyat şəraiti pisləşir və bu da həmkarlar ittifaqlarını narahat edən məsələlərdən biridir. Məqsəd bunun qarşısını almaq üçün yeni yollar axtarmaqdır.

Müzakirələr oktyabrın 21-də davam etdiriləcək və sonda Pan Avropa Regional Şurasının proqram sənədi hazırlanaraq qəbul ediləcək.

Aqil Dadaşov AZƏRTAC-ın xüsusi müxbirinə müsahibəsində deyib ki, Azərbaycan 2000-ci ildən 300 milyondan çox üzvü olan Beynəlxalq Həmkarlar İttifaqları Konfederasiyasının üzvüdür. Ölkəmizdə həyata keçirilən islahatlar, AHİK-in fəaliyyəti beynəlxalq təşkilatların diqqət mərkəzindədir. Onlar da bilirlər ki, Azərbaycanda həmkarlar ittifaqlarının möhkəm hüquqi bazası vardır. Bu ölkələr içərisində həmkarlar ittifaqları ilə bağlı ilk qanun da 1994-cü ildə Azərbaycanda qəbul olunub. Sonradan bu qanuna bir sıra əlavə və dəyişikliklər olunmaqla daha da təkmilləşdirilib və mükəmməl qanun hazırlanıb. Eyni zamanda, Əmək Məcəlləsinə dəyişiklik olunub və həmkarlar ittifaqlarının bütün tələbləri də həmin sənəddə əksini tapıb. Bu sənədlərlə ölkəmizdə həmkarlar ittifaqlarının üzvlərinin hüquqları yüksək səviyyədə qorunur.

Qeyd olunub ki, Azərbaycan həm də Beynəlxalq Əmək Təşkilatının üzvüdür. Bu təşkilatın da sosial tərəfdaşlarla işləmək prinsipi var və Azərbaycanda da bu prinsipə yüksək əməl olunur. Azərbaycanda Nazirlər Kabineti, Həmkarlar İttifaqları Konfederasiyası və Sahibkarlar Milli Konfederasiyası arasında baş saziş imzalanıb. Bu sazişdə də hökumətin, həmkarların və sahibkarların öhdəlikləri öz əksini tapıb. Avropa təşkilatları da bunu bilir və yüksək qiymətləndirirlər.

İstintaq qrupuna baş prokurorun birinci müavini Rüstəm Usubov rəhbərlik edir.

"Dalğa TV" xəbər verir ki, faktla bağlı Xüsusi Dövlət Mühafizə Xidməti və Baş Prokurorluğun əməkdaşlarından ibarət istintaq qrupu yaradılıb.

İstintaqın gedişində MTN-nin bir neçə yüksək rütbəli əməkdaşının saxlanıldığı da bildirilir. Onlardan bir neçəsi barədə Səbayil rayon Məhkəməsi tərəfindən artıq həbs qətimkan tədbiri seçilib.

Mənbə onu da qeyd edib ki, həbs olunanlar Cinayət Məcəlləsinin 308-ci (vəzifə səlahiyyətlərindən sui-istifadə) və 309-cu (vəzifə səlahiyyətlərini aşma) maddələri ilə ittiham olunurlar.

Araşdırmalar nəticəsində onların əməllərində müxtəlif cinayət tərkibi aşkar edilib. Bunlara sahibkarlardan "haqq tələb edilməsi", onların yersiz incidilməsi, MTN-nin səlahiyyətinə daxil olmayan yoxlamalar aparılması, istintaqa cəlb olunmaları və digər əməllər daxildir.

Sabiq nazir Eldar Mahmudovun saxlanması barədə məlumat isə təsdiqlənmir.

APA-nın əldə etdiyi digər məlumata görə, sahibkarlardan daxil olmuş şikayətlər prezident İlham Əliyevin xüsusi tapşırığı ilə Prezident Administrasiyasında araşdırılıb. Araşdırma nəticəsində bəlli olub ki, sahibkarların şikayətçi olduqları qurumlar arasında ilk yeri Milli Təhlükəsizlik Nazirliyi tutur.

Xatırladaq ki, prezident İlham Əliyev Nazirlər Kabinetinin son iclasında yerli icra hakimiyyəti orqanları, o cümlədən hüquq-mühafizə orqanlarının sahibkarlara problemlər yaratması, bəzi hallarda onlardan pul tələb etməsi, sahibkarların boğulması, soyulması, incidilməsi barədə danışaraq, bütün qurumlara bu halların aradan qaldırılması barədə son xəbərdarlıq etmişdi.

"Azərbaycanla Gürcüstan arasında nümunəvi əməkdaşlığı yüksək dəyərləndirirəm".

"Dalğa TV"nin məlumatına görə, bu sözləri Azərbaycanda səfərdə olan Gürcüstanın xarici işlər naziri Georgi Kvirikaşvili azərbaycanlı həmkarı ilə görüşdən sonra keçirilən mətbuat konfransında deyib. O bildirib ki, xalqlar arasında əlaqələr yüksək qardaşlıq münasibətləri əsasında davam edir:

“Nazir Elmar Məmmədyarovla görüşdə ikitərəfli əlaqələrin ətraflı müzakirəsini apardıq. Görüşdə bir daha hər iki ölkənin ərazi bütövlüyü və suverenliyinə qarşılıqlı hörməti qeyd etdik. Siyasi dialoqun davam etdirilməsi prosesinə və strateji əməkdaşlığa sadiqliyimizi bildirdik. İkitərəfli münasibətlərdə əsas sahələrdən biri kimi enerji sahəsində əməkdaşlığı qeyd etməliyik. Gürcüstan Azərbaycanın əsas enerji istehlakçılardan biridir. Biz dəhliz rolunu oynayırıq. Cənub Qaz Dəhlizinin inkişafı etdirilməsinə sadiqliyimizi bəyan etmişik. Nəqliyyat sahəsində əməkdaşlıqla nəqliyyat koridorunun daha nümunəvi işləməsi üçün səylərimizi əsirgəməyəcəyik. Bakı-Tbilisi-Qars dəmir yolu xəttinin inkişafında maraqlıyıq. Hazırda iki ölkə arasında biznes üçün mühitin inkişafına çalışırıq. Çalışırıq ki, bu sahədə əlaqələrimizi genişləndirək. Çünki potensial tam istifadə olunmayıb”.

Qonaq Gürcüstan-Azərbaycan-Türkiyə xarici işlər nazirləri formatını yüksək qiymətləndirdiklərini söyləyib: “Bu, beynəlxalq əməkdaşlıqda mühüm mexanizmə çevrilib”.

Yaxın günlərdə Bakı şəhərində müntəzəm sərnişin daşımalarını yerinə yetirən avtobusların və operativ nəqliyyat vasitələrinin hərəkəti üçün Nəqliyyat Nazirliyi "Azəryolservis" ASC tərəfindən xüsusi hərəkət zolaqlarının çəkilişi işlərinə başlanılacaq. İşlər aidiyyəti qurumlarla, Bakı Şəhər İcra Hakimiyyəti və Daxili İşlər Nazirliyinin Baş Dövlət Yol Polisi İdarəsi ilə razılaşdırılmış şəkildə aparılacaq.

"Azəryolservis2 ASC-nin mətbuat katibliyindən "Report"a daxil olan xəbərə görə, xüsusi hərəkət zolaqlarının çəkilişi işlərinin yolun hərəkət hissəsi 3 və daha çox zolaqlardan ibarət olan yollarda aparılması nəzərdə tutulub. Bunun üçün ilkin olaraq 6 avtomobil yolu seçilib. Bu Bibiheybət yolu, Nobel prospekti, Yusif Səfərov, Salatın Əsgərova, Rəşid Behbudov və Əhməd Rəcəbli küçələridir. Hələlik sınaq məqsədi ilə adı çəkilən yollardan 4-də işlər həyata keçiriləcək. Bu istiqamətdə atılan addımlar özünü doğrultsa, işlərin digər bu kimi küçə və prospektlərdə də aparılması planlaşdırılır.

Sınaq məqsədi ilə xüsusi zolaqların çəkilişi Bibiheybət məscidindən Bakı Su İdman Sarayına qədər olan yolda, Yusif Səfərov küçəsinin hər iki istiqaməti üzrə, daha dəqiqi Xocalı prospekti ilə kəsişmədən Babək prospekti ilə kəsişməyədək və Baş Polis İdarəsinin binasının önündən Mehdi Mehdizadə küçəsi ilə kəsişməyədək olan hissələrdə, bundan başqa Salatın Əsgərova küçəsinin Ceyhun Hacıbəyli küçəsi ilə kəsişməsindən Azadlıq prospektinin kəsişməsinədək olan hissəsində, həmçinin Rəşid Behbudov küçəsinin Zərifə Əliyeva və Bakıxanov küçələrinin kəsişmələri arasında olan hissəsində aparılacaq.

Qeyd edək ki, Bakı şəhərində nəqliyyatın hərəkətinin normallaşdırılması üzrə əlavə tədbirlər barədə Nazirlər Kabinetinin Yol Hərəkətinin Təhlükəsizliyi Komissiyasının 2015-ci il 30 iyun tarixli, 1 nömrəli protokoluna əsasən Nəqliyyat Nazirliyi "Azəryolservis" ASC və digər aidiyyəti qurumlar tərəfindən ümumilikdə 50-yə yaxın küçə və prospektlərdə müntəzəm sərnişin daşımalarını yerinə yetirən avtobusların və operativ nəqliyyat vasitələrinin hərəkəti üçün xüsusi hərəkət zolaqlarının çəkilişi ilə bağlı təkliflər hazırlanaraq, komissiyaya təqdim olunub.

Əlibəyli sakinləri millət vəkili Q.Paşayeva ön cəbhə kəndləri hər zaman yanınızdadır dedilər.

Millət vəkili Qənirə Paşayeva təbliğat-təşviqat kampaniyası çərçivəsində Tovuzun Ermənistanla ön cəbhədə yerləşən Əlibəyli kəndində seçicilərlə görüşüb.

"Dalğa TV" xəbər verir ki, görüşdə çıxış edən millət vəkili Qənirə Paşayeva müstəqilliyimizin bərpasının ilk illərində Ermənistan silahlı qüvvələrinin Tovuz istiqamətində hücumlarının qarşısının alınmasında Əlibəyli kəndinin, onun qorxmaz və cəsarətli insanlarının böyük rolu olduğunu vurğulayıb.

"Mən demək olar ki, hər ay bu kəndə gəlmişəm, insanlarla görüşmüşəm, onların problemlərinin həlli istiqamətində əlimdən gələni əsirgəməmişəm" - deyən millət vəkili xarici ölkə səfirlərinin onun dəvəti ilə bu kənddə olduğunu və Ermənistan silahlı qüvvələrinin atəşkəs rejimini tez-tez pozaraq törətdiyi vandalizm aktlarını diplomatların yerində gördüklərini deyib.

Qənirə Paşayeva ötən 10 illik deputat fəaliyyəti barədə danışaraq deyib ki, o, bu illər ərzində Tovuz və tovuzluları Milli Məclisdə layiqincə və ləyaqətlə təmsil etmək üçün var qüvvəsilə çalışıb. O, Əlibəyli sakinləri qarşısında 10 illik fəaliyyəti ilə bağlı hesabat verib və seçiciləri bu istiqamətdə maraqlandıran suallara da cavab verib.

Görüşdən sonra millət vəkili kənd sakinlərini narahat edən bəzi şəxsi problemlərin həlli istiqamətində onları dinləyib, müzakirələr aparıb və qaldırılan məsələlərin bir hissəsini yerində həll edən Qənirə Paşayeva bəzi problem və təkliflərlə bağlı isə müvafiq qurumlara müraciət edəcəyinə söz verib.

Əlibəyli sakinləri millət vəkili Q.Paşayeva ön cəbhə kəndləri hər zaman yanınızdadır dedilər.

Millət vəkili Qənirə Paşayeva təbliğat-təşviqat kampaniyası çərçivəsində Tovuzun Ermənistanla ön cəbhədə yerləşən Əlibəyli kəndində seçicilərlə görüşüb.

AzNews.az Qafqazinfo-ya istinadən xəbər verir ki, görüşdə çıxış edən millət vəkili Qənirə Paşayeva müstəqilliyimizin bərpasının ilk illərində Ermənistan silahlı qüvvələrinin Tovuz istiqamətində hücumlarının qarşısının alınmasında Əlibəyli kəndinin, onun qorxmaz və cəsarətli insanlarının böyük rolu olduğunu vurğulayıb.

"Mən demək olar ki, hər ay bu kəndə gəlmişəm, insanlarla görüşmüşəm, onların problemlərinin həlli istiqamətində əlimdən gələni əsirgəməmişəm" - deyən millət vəkili xarici ölkə səfirlərinin onun dəvəti ilə bu kənddə olduğunu və Ermənistan silahlı qüvvələrinin atəşkəs rejimini tez-tez pozaraq törətdiyi vandalizm aktlarını diplomatların yerində gördüklərini deyib.

Qənirə Paşayeva ötən 10 illik deputat fəaliyyəti barədə danışaraq deyib ki, o, bu illər ərzində Tovuz və tovuzluları Milli Məclisdə layiqincə və ləyaqətlə təmsil etmək üçün var qüvvəsilə çalışıb. O, Əlibəyli sakinləri qarşısında 10 illik fəaliyyəti ilə bağlı hesabat verib və seçiciləri bu istiqamətdə maraqlandıran suallara da cavab verib.

Görüşdən sonra millət vəkili kənd sakinlərini narahat edən bəzi şəxsi problemlərin həlli istiqamətində onları dinləyib, müzakirələr aparıb və qaldırılan məsələlərin bir hissəsini yerində həll edən Qənirə Paşayeva bəzi problem və təkliflərlə bağlı isə müvafiq qurumlara müraciət edəcəyinə söz verib.

Temperatur mənfi 2 dərəcəyədək düşüb.

Ötən gün axşam saatlarından başlayaraq Quba rayonunun iki yaşayış məntəqəsinə qar yağıb.

APA-nın məlumatına görə, qarın qeydə alındığı yaşayış məntəqələri Xınaqlıq və Qırız kəndləridir.

Quba Regional Hidrometerologiya müəssisəsindən verilən məlumata görə, Qırıza 1 sm, Xınalığa isə 3 sm qalınlığında qar yağıb.

Temperatur mənfi 2 dərəcəyədək düşüb.