Gürcüstanın birinci xanımı Maki Çiçuanın qardaşı Mixail Mqaloblişvili hüquq mühafizə orqanları tərəfindən saxlanılıb. APA-nın Gürcüstan bürosunun məlumatına görə, bu barədə Gürcüstan daxili işlər nazirliyinin mətbuat xidməti məlumat yayıb. Məlumata görə, Mixail Mqaloblişvili Gürcüstan CM-nin 236-cı maddəsinin 3-cü bəndinin 2-ci hissəsinə görə odlu silah əldəetmə, saxlama, gəzdirmə maddəsi ilə ittiham olunur. Saxlanılan şəxsi 6 ilədək azadlıqdan məhrum olma cəzası gözləyir.

Daxili işlər nazirliyindən verilən məlumata görə, Mixail Mqaloblişvili barəsində yanvarın 13-də məhkəmənin qərarına görə, qətimkan tədbiri seçilib. Gürcüstanın “İmedi” televiziyasının məlumatına görə, saxlanılan M. Mqaloblişvilinin vəkili hadisəyə şərh verməyib.

Nazirlikdən bildirilib ki, M. Mqaloblişvili üç dəfə məhkum olunub. O, 17 il həbs cəzasına məhkum edilib, lakin, üç ildən sonra, 2015-ci ildə Gürcüstan Prezidenti onu əfv edib. O, bir qrup şəxs tərəfindən qəsdən adam öldürmə ittihamı ilə həbs edilib. O, ilk dəfə 2008-ci ildə narkotik vasitədən istifadə və polisə müqavimət göstərdiyinə görə həbs edilib. Buna görə o, iki il müddətinə azadlıqdan məhrum edilib və 9 ay cəza çəkdikdən sonra amnistiya nəticəsində azad edilib. 2009-cu ildə isə o, yenidən narkotikdən istifadə etdiyi üçün həbs edilib.

Ermənilər Azərbaycanın işğal altındakı torpaqlarında infrastruktur layihələri gerçəkləşdirməkdə davam edir. Modern.az xəbər verir ki, növbəti layihə Kəlbəcərin İstisu qəsəbəsində gerçəkləşdirilib.

Daha çox mineral suları ilə məşhur olan qəsəbədə ermənilər “Cermacur-1” su eletrik stansiyasının tikintisini gerçəkləşdirirlər. Yüksək dağlıq şəraitdə yerləşən stansiya 12,6 MVt eletrik enerjisi istehsl ledəcək.

Qarabağ separatçıları gələcəkdə Laçının Hoçaz çayı üzərində də kiçik su eletrik stansiyası inşa etməyi planlaşdırır. VİDEO

Kaliforniya ştatında yaşayan 61 yaşlı Yazemeenah Rossi instaqramda fenomenə çevirilib.

“Qafqazinfo” xəbər verir ki, ABŞ-lı qadın şəxsi hesabından paylaşdığı fotolarla hər kəsi təəccübləndirir.

O, gözəlliyin yaşı olmadığını vurğulamağa çalışır.

Eks- model olan Rossi ölənə kimi peşəsi ilə məşğul olacağını deyir.

"Üç layihə çərçivəsində şəhərimizdə hündürmərtəbəli 150 yaşayış binası tikiləcək. İndi onlarla tikinti meydançasında işlər gedir. Beləliklə, biz inşaat sektorunu canlandıracağıq. Bu, bizə nə verəcək? İlk növbədə, mənzil fondu yeniləşir. Digər tərəfdən, şəhər daxmalardan, "naxalstroy" adlandırılan qanunsuz binalardan təmizlənəcək. Şəhərin görkəmi daha da yaxşılaşacaq".

APA-nın məlumatına görə, Azərbaycan prezidenti İlham Əliyev bunu Nazirlər Kabinetinin 2016-cı ilin sosial-iqtisadi inkişafının yekunlarına və qarşıda duran vəzifələrə həsr olunan iclasında söyləyib.

Dövlət başçısı tikinti materialları sektorunun canlanacağını qeyd edib: "Biz artıq böyük bir sənaye sahəsini yaratmışıq. İnşaat materiallarının bir çoxu Azərbaycanda istehsal olunur. Yəni, burada yerli materiallardan söhbət gedir. İdxaldan asılılıq böyük dərəcədə azalıb. Bu, tikinti materialları sektorunun da inkişafına xidmət göstərəcək. Təkcə sadaladığım layihələrin icrası nəticəsində minlərlə, on minlərlə yeni iş yeri yaradılacaq. Biz bilirik ki, keçən il bir neçə min iş yeri ixtisar olunub, xüsusilə inşaat sektorunda. Qeyd etdiyim kimi, inşaat sektorunda tənəzzül olub. Ona görə, biz bir neçə hədəfi güdmüş oluruq və şəhərimizin gözəlləşməsi, abadlaşması prosesi daha da sürətlə gedəcək".

"Mən istəyirəm ki, Bakının hər bir guşəsi, hər bir yeri, hər bir mikrorayonu şəhərin mərkəzində olan mənzərəyə uyğun olsun və biz buna nail olacağıq", - deyə prezident qeyd edib.

Dövlət başçısı digər inşaat layihələrinə toxunaraq, Azərbaycan Dövlət Akademik Milli Dram Teatrının arxasındakı ərazidə təmizlik, köçürmə işlərinin birinci mərhələsinin başa çatdırıldığını qeyd edib: "O yerlərdə yaşayış binaları tikilməyəcək. O yerlərdə ictimai yerlər yaradılacaq. Yeni yol infrastrukturu yaradılacaq. Bu il ərzində artıq təsdiqlənmiş layihə tam icra edilməlidir.

Biz yeni, böyük bir ictimai parkı şəhər sakinlərinə hədiyyə edəcəyik. Həmçinin ən müasir, geniş yol infrastrukturu da yaradılacaq. Eyni zamanda, bizim tarixi, dini abidəmiz olan Təzəpir məscidinin mənzərəsi tam fərqli olacaq. Təzəpir məscidinin qabağında böyük park yaradılacaq, ətrafı abadlaşdırılacaq. Beləliklə, həm məscidə giriş asanlaşacaq, eyni zamanda, kənardan da baxanda bizim tarixi, dini abidəmizin əzəməti daha da gözəl görünəcək".
Sosial səhifələrdə paylaş

Gürcüstanda saat 16.00 radələrində ağır yol-nəqliyyat qəzası baş verib. APA-nın Gürcüstan bürosunun məlumatına görə, hadisə Poniçala-Marneuli magistral yolunun 12 kilometrliyində yerləşən Kumisi kəndində baş verib. Hadisə şahidlərinin APA-ya verdiyi məlumata görə, sürətlə hərəkət edən avtomobil magistral yolun kənarındakı təndirxanaya çırpılıb.

Nəticədə avtomobilin içində olan 3 nəfər hadisə yerində ölüb. Milliyyətcə gürcü olan qadın sərnişin isə müxtəlif xəsarətlərlə Marneulidəki xəstəxanaya çatdırıldıqdan sonra ölüb.

Hadisə nəticəsində ölənlərdən ikisi gürcü millətindən olan yaşlı qadın və gənc qız olub. Qəzada Marneuli sakini, 19 yaşlı bir azərbaycanlı gənc də ölüb. Qəza nəticəsində erməni millətindən olan 26 yaşlı sürücü də həyatını itirib.

Məlumata görə, qəza törədən avtomobil Marneuli sakini 19 yaşlı azərbaycanlı Talıb Allahverdiyevə məxsus olub.

Hadisə yerinə polis patrul xidməti və təcili yardım avtomobili gəlib. Qəza ilə bağlı araşdırmalar aparılır.

 Dekabrın 24-də Batumidəki "TV 12" televiziyasında Azərbaycan Prezidenti İlham Əliyevin 55 illik yubileyinə həsr olunmuş sənədli yayımlanıb.

“Report”un Gürcüstan bürosu xəbər verir ki, Azərbaycanın Batumidəki Baş konsulluğunun təşəbbüsü ilə hazırlanan filmdə ölkəmizin müstəqillik illərində əldə etdiyi uğurlardan geniş bəhs olunur. 

Əsası ümummilli lider Heydər Əliyev tərəfindən qoyulmuş inkişaf konsepsiyasının Prezident İlham Əliyev tərəfindən uğurla həyata keçirildiyi filmdə xüsusi qeyd olunur. Bildirilir ki, İlham Əliyevin həyata keçirdiyi uğurlu xarici və daxili siyasət nəticəsində Azərbaycan inkişaf etmiş ölkələr sırasına çıxıb, dünya miqyasındakı mövqelərini daha da möhkəmləndirib.

Bu gün Azərbaycanda mövcud olan tolerantlıq, multikultural dəyərlər bir sıra dövlətlər üçün nümunədir.

Filmdə Acarıstan Muxtar Respublikası Hökumətinin sədri Zurab Pataradze, muxtar respublika Ali Sovetinin sədri David Qabaidze, Azərbaycanın Batumi şəhərindəki baş konsulu Rəşad İsmayılov, Batumi Dövlet Universitetinin professoru Rostom Quntaishvili, elm, mədəniyyət və ictimaiyyət xadimləri Prezident İlham Əliyev ilə bağlı fikirlərini bölüşür, Azərbaycan-Gürcüstan dostluğunun inkişafındakı xidmətlərindən danışıblar.