Gürcüstan Müsəlmanlar İttifaqı ölkənin Dini İşlər üzrə Dövlət Agentliyinin ləğvini tələb edir.

“Report” Gürcüstan KİV-inə istinadən xəbər verir ki, bunu ittifaqın sədri Tariel Nakaidze bildirib.

Onun sözlərinə görə, agentlik dini azlıqların inkişafına mane olur: “Ölkədəki müsəlman icmasının vəziyyəti acınacaqlıdır. Biz özümüzü ikinci növ vətəndaşlar kimi hiss edirik. Bunun səbəbkarı Dini İşlər üzrə Dövlət Agentliyidir. Bu qurum bizə çox ciddi problemlər yaradır. Əslində isə agentlik dini qurumlarla, icmalarla dövlət arasında əlaqələndirici olmalıdır. Ancaq agentlik yeri gəldi-gəlmədi bizim işlərə müdaxilə edir, bizi daimi nəzarətdə saxlamağa çalışır. Bu isə dövlətimiz üçün ciddi problemdir”.

Bakıda qayınanasını döyüb, qaynını bıçaqlamaqda təqsirləndirilən Rövşən Əhədovun cinayət işi üzrə məhkəmə prosesi başa çatıb.

Lent.az-ın məlumatına görə, Bakı Ağır Cinayətlər Məhkəməsində hakim Əlövsət Abbasovun sədrliyi ilə keçirilən prosesdə hökm oxunub. Hakimlər kollegiyasının hökmünə əsasən, R. Əhədov 8 il müddətinə azadlıqdan məhrum edilib.

Qeyd edək ki, Suraxanı Rayon Polis İdarəsinin 30-cu Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində aprelin 3-də Bakı şəhər sakini Rəfiqə Həsənovanı döyüb və oğlu Vitalikə bıçaqla xəsarət yetirməklə sağlamlığına ağır zərər vuran Rövşən Əhədov saxlanılıb. Belə ki, R.Əhədov 3 aprel 2016-cı ildə övladlarını görmək üçün qayınanasının evinə gəlib. Lakin qayınanası onu evə buraxmayıb. Belə olan halda onların arasında mübahisə yaranıb və R. Əhədov Rəfiqə Həsənovaya yüngül bədən xəsarətləri yetirib, onun oğlunu isə bıçaqlayıb.

Gürcüstanda fəaliyyət göstərən “Vakedə klinika” adlı səhiyyə müəssisəsi dekabrın 4-də azərbaycanlıların yığcam yaşadıqları Marneuli rayonunda pulsuz müayinə aksiyası keçirib.

“Report”un Gürcüstan bürosu xəbər verir ki, aksiya Azərbaycan xalqının ümummilli lideri, Azərbaycan-Gürcüstan dostluq əlaqələrinin inkişafında misilsiz xidmətləri olan Heydər Əliyevin anım gününə həsr olunub.

Aksiyada 100-dən çox azərbaycanlı, eləcə də gürcü və digər millətlərin nümayəndələri pulsuz olaraq həkim müayinəsindən keçiblər.

“Vakedə klinika”nın 20-dən çox yüksək ixtisaslı həkimi müasir texniki avadanlığın köməyi ilə insanları müayinə edib, müalicələri ilə bağlı tövsiyələrini veriblər.

Klinikanın baş direktoru və təsisçisi, professor Zinaida Vaşakidze "Report"a müsahibəsində deyib: “Bir neçə gündən sonra Azərbaycanda və Gürcüstanda dünyanın məşhur siyasi xadimlərindən biri, gürcü xalqının böyük dostu Heydər Əliyevin anım günü qeyd olunacaq. Bilirsiniz ki, Heydər Əliyev təkcə azərbaycanlıların deyil, bizim də sevdiyimiz şəxsiyyətlərdən biridir. O, Gürcüstanın da inkişafında, insanların sağlamlığının qorunmasında mühüm rol oynayıb. Belə bir dahi şəxsiyyətin anım günü ərəfəsində azərbaycanlılar yaşayan bölgələrdə pulsuz müayinələr təşkil etmək bizim üçün şərəfdir. Heydər Əliyev gürcü xalqının xatirəsində əbədi yaşayacaq”.

Klinikanın baş həkiminin azərbaycanlılarla iş üzrə köməkçisi Aysel Məmmədova isə bildirib ki, bu cür aksiyalar azərbaycanlıların yığcam yaşadıqları Bolnisi, Qardabani, Dmanisi və digər bölgələrdə də təşkil edəcəyik. Məqsəd ulu öndər Heydər Əliyevi yad etməklə yanaşı, insanların sağlamlığına diqqəti artırmaq, onlara lazımı tibbi yardım göstərməkdir.

Kvemo Kartli-Borçalı bölgəsinin qubernatoru Paata Xzinaşvili deyib ki, Heydər Əliyev kimi dahi şəxsiyyətin, siyasi xadimin xatirəsi Gürcüstanda ehtiramla yad olunur. “Vakedə klinika”nın həkimlərinin Marneulidə belə bir aksiya keçirməsi bütün gürcülərin ürəyincədir. Gürcüstan dövləti və hökuməti klinikanın həkimlərinin bu addımını alqışlayır və müdafiə edir.

Qeyd edək ki, müayinə üçün Marneuliyə qonşu rayonlardan gələnlər var. Dmanisi rayonundan gəlmiş Oysandıq Həsənova bu cür aksiyaların təşkilini yüksək qiymətləndirib: “Bəzi insanların rayon mərkəzinə və paytaxta həkimə getməyə imkanı yoxdur. Müayinə üçün xeyli pul lazımdır. Həkimlərin bizə belə bir imkan yaratması hamımızın ürəyincədir. Mən müayinə olundum və müalicə üçün çox səmərəli məsləhətlər aldım. Çox razıyam və minnətdarlığımı bildirirəm”.

Azərbaycanlılar Gürcüstanda təhsil almaq üçün istədikləri sahəni və ali təhsil müəssisəsini seçə bilərlər.

APA-nın xəbərinə görə, Gürcüstanın keçmiş elm və təhsil naziri, Təhsilin keyfiyyətinin yaxşılaşdırılması üzrə Milli Mərkəzin direktoru Tamar Sanikidze bildirib ki, təhsil sahəsində mövcud olan “4+1” adlı xüsusi proqram azərbaycanlılar da daxil olmaqla, etnik azlıqlara yalnız bir imtahan verməklə ali məktəbə daxil olmağa imkan verir. T. Sanikidzenin sözlərinə görə, qəbuldan sonra onlara bir illik intensiv gürcü dili kursu keçilir: “Hökumətin maliyyələşdirməsi ilə kursun müddəti uzadıla bilər. Bizim artıq ilk məzunlarımız var, onlardan yararlanırıq”.

Keçmiş nazir əlavə edib ki, bütün etnik xalqlar kimi, azərbaycanlıların da öz dillərində təhsil almaq hüquqları var. Mərkəz direktorunun sözlərinə görə, onlar öz dilləri ilə yanaşı, gürcü dilində də təhsil alırlar: “Çünki bu, həm ölkənin marağı, həm də cəmiyyətə inteqrasiya baxımından vacibdir. Hazırda etnik azlıqlar üçün yeni  təhsil siyasəti üzərində işləyirik. Məktəblərdən gələn nəticələri dəyərləndirdikdə gördük ki, bu sistemi təkmilləşdirməliyik. Hesab edirik ki, gələcəkdə onlara daha yaxşı sistem təklif edə bilərik”. 

Azərbaycanlılar Gürcüstanda təhsil almaq üçün istədikləri sahəni və ali təhsil müəssisəsini seçə bilərlər.

APA-nın xəbərinə görə, Gürcüstanın keçmiş elm və təhsil naziri, Təhsilin keyfiyyətinin yaxşılaşdırılması üzrə Milli Mərkəzin direktoru Tamar Sanikidze bildirib ki, təhsil sahəsində mövcud olan “4+1” adlı xüsusi proqram azərbaycanlılar da daxil olmaqla, etnik azlıqlara yalnız bir imtahan verməklə ali məktəbə daxil olmağa imkan verir. T. Sanikidzenin sözlərinə görə, qəbuldan sonra onlara bir illik intensiv gürcü dili kursu keçilir: “Hökumətin maliyyələşdirməsi ilə kursun müddəti uzadıla bilər. Bizim artıq ilk məzunlarımız var, onlardan yararlanırıq”.

Keçmiş nazir əlavə edib ki, bütün etnik xalqlar kimi, azərbaycanlıların da öz dillərində təhsil almaq hüquqları var. Mərkəz direktorunun sözlərinə görə, onlar öz dilləri ilə yanaşı, gürcü dilində də təhsil alırlar: “Çünki bu, həm ölkənin marağı, həm də cəmiyyətə inteqrasiya baxımından vacibdir. Hazırda etnik azlıqlar üçün yeni  təhsil siyasəti üzərində işləyirik. Məktəblərdən gələn nəticələri dəyərləndirdikdə gördük ki, bu sistemi təkmilləşdirməliyik. Hesab edirik ki, gələcəkdə onlara daha yaxşı sistem təklif edə bilərik”. 

Dövlət Təhlükəsizliyi Xidmətinin (DTX) həyata keçirdiyi əməliyyat-axtarış tədbirləri nəticəsində daha bir terrorçu məhv edilib.

DTX-nin İctimai əlaqələr şöbəsindən “Qafqazinfo”ya verilən məlumata görə, 1978-cı il təvəllüdlü, Azərbaycan Respublikasının vətəndaşı, 2007-ci ildə zərərsizləşdirilmiş “Əbu Cəfər” ləqəbli Naif əl-Bədəvinin rəhbərlik etdiyi terrorçu təşkilatın tərkibində fəaliyyət göstərdiyinə görə məhkum olunmuş Cami Emin Əzizağa oğlunun cari ilin əvvəlində azadlığa çıxdıqdan sonra yenidən ölkə hüdudlarından kənarda aparılan silahlı münaqişələrdə iştirak edən qanunsuz silahlı birləşmələrin və beynəlxalq terrorçu təşkilatların nümayəndələrinin tabeçiliyini qəbul edərək əlaqəli fəaliyyət göstərməsinə, habelə Azərbaycan Respublikasının ərazisində odlu silahdan və partlayıcı qurğulardan istifadə etməklə terror-təxribat törədilməsini planlaşdırmasına əsaslı şübhələr müəyyən edilib.

Bununla əlaqədar, 2016-cı il dekabrın 3-də Bakıda Emin Caminin saxlanılması üzrə əməliyyat tədbiri həyata keçirilərkən, sonuncu müqavimət göstərərək üzərində olan “şəhid kəməri”ni partlatmağa cəhd edib, cavab tədbiri olaraq xüsusi əməliyyat qrupu tərəfindən məhv edilib.

Hazırda istintaq-əməliyyat tədbirləri davam etdirilir.