Ukraynanın Lvov vilayətinin erməni diasporunun nümayəndələri şəhərdə baş verən davaya görə azərbaycanlılardan üzr istəyiblər.

AzNews.az xəbər verir ki, bu barədə ans press-ə Ukrayna Azərbaycanlılarının Birləşmiş Diasporunun (UABD) sədrinin birinci müavini Murad Cəfərov məlumat verib.

Lvov vilayətinin polis idarəsinin akt zalında keçirilən brifinqdə Ukraynadakı Azərbaycan və Ermənistan diasporalarının nümayəndələri iştirak ediblər. Brifinq Lvov vilayətinin polis idarəsinin rəis əvəzi general Dmitri Zagariyanın idarəçiliyi ilə keçib.

Brifinqdə iştirak edən Lvov vilayəti üzrə UABD -nin nümayəndəsi Məcid Nuxiyev deyib ki, erməni diasporunun sədri Nikolay Koçaryan rəsmi şəkildə azərbaycanlılardan üzr istəyib.

"Nikolay Koçaryan bir daha belə hallar baş verməyəcəyini deyib", - deyə Məcid Nuxiyev bildirib.

Azərbaycan nümayəndəsi isə deyib ki, Ukrayna bizim ikinci vətənimizdir."Burada bizim övladlarımız yaşayır. Etnik zəmində provakasiya qurmağa nə ehtiyac, nə də zərurət var".

Görüşün keçirildiyini Ermənistan nümayəndələri də təsdiqləyib. Ermənistanın "news.am" saytına açıqlama verən icmanın rəhbəri Nikolay Koçaryan deyib ki, görüş ermənilər və azərbaycanlılar arasında davanın müzakirə edilməsi məqsədi ilə keçirilib. Koçaryan üzr istəmələri barədə heç bir məlumat verməyib.

"İcma üzvüləri görüşdülər, barışdılar. Onlar gələn həftə də problemləri müzakirə etmək üçün görüşmək niyyətindədirlər. Hal-hazırda hər şey yaxşıdır", - deyə Nikolay Koçaryan bildirib.

Mayın 14-də Lvov şəhərində keçirilən Kunq fu və Uşu üzrə Avropa çempionatında ermənilər təxribata əl atıb. Çempionatda baş verən qalmaqala səbəb separatçı rejimin bayrağının arenaya gətirilməsi və uduzduğunu görən erməni idmançının rinqdən kənarda dayanan nümayəndə heyətinin üzvünə hücumu olub.

Bundan sonra iki ölkəni təmsil edənlərlə yanaşı, çox sayda insan da davaya qoşulub. Yuxarıda adıçəkilən idmançılarımız ermənilərin əlindən qondarma rejimin "bayrağını" əllərindən alaraq cırıb ayaq altına atıblar. Dava isə emənilərin hamısının yarış keçirilən stadiondan qaçması ilə başa çatıb. Yarışmanın təşkilatçıları Azərbaycan və Ermənistan yığmasını Avropa çempionatından kənarlaşdırıb.

Daha sonra mayın 16-da ermənilər və azərbaycanlılar arasında yenidən gərginlik yaşanıb.

Şəhərdə yaşayan ermənilər Lvovun mərkəzi küçələrində ticarətlə məşğul olan azərbaycanlılara dəstə halında hücum ediblər. Ermənilər hücum zamanı travmatik silahlardan istifadə ediblər. Həmyerlilərimiz arasında 6 nəfər xəsarət alıb.

Ukrayna Daxili İşlər Nazirliyi də Lvov şəhərində ermənilərin azərbaycanlılara hücumuna rəsmi reaksiya vermişdi. Açıqlamada davada 25-45 yaşda təxminən iyirmi nəfər iştirak etdiyi bildirilirdi.

"Azərbaycan torpaqları yalnız hərbi yolla düşməndən azad oluna bilər".

Qarabağ Azadlıq Təşkilatının (QAT) üzvləri və ictimaiyyət nümayəndələri Laçın rayonun Ermənistan silahlı qüvvələri tərəfindən işğalının 24 illiyi ilə bağlı Şəhidlər xiyabanını ziyarət ediblər.

"Dalğa TV"nin məlumatına görə, ziyarət zamanı şəhidlərin məzarı üzərinə gül qoyulub, ruhlarına dualar oxunub.

QAT sədri Akif Nağı bildirib ki, Azərbaycan torpaqları yalnız hərbi yolla düşməndən azad oluna bilər:

“Vyana görüşləri bu həqiqəti bir daha ortaya çıxardı. Azərbaycan danışıqlardan imtina edib, müharibəni başlamalıdır. Minlərlə qurbanın hesabına olsa da, torpaqlarımızı azad etməliyik”.

Sonra aksiya iştirakçıları Ermənistan bayrağını tapdalayıb və yandırıblar.

Gürcüstan azərbaycanlıları adından ölkə prezidentinə və baş nazirə müraciət ünvanlanıb.

"Dalğa TV"nin Gürcüstan bürosunun məlumatına görə, QHT rəhbərlərinin imzaladığı müraciət Gürcüstanda erməni separatçılığının təbliğ olunmasına etiraz məqsədi daşıyır.

Sənəddə deyilir: "Aprelin 23-24-də Gürcüstanın Axalkalaki, Axaltsixe və Batumi bölgələrində qondarma "Artsax" və "Kürdüstan" bayraqları, mayın 9-da isə Tiflisin mərkəzində yenə Dağlıq Qarabağ separatçılarının bayraqları və digər simvolları qaldırılıb. Mayın 9-da Gürcüstan vətəndaşı olan bir qrup erməni Qələbə Günü əvəzinə, Azərbaycanın Şuşa şəhərinin işğal gününü qeyd edib. Gürcüstan hökuməti dəfələrlə bəyan edib ki, ölkədə separatizmə hər hansı dəstək verilmir və şərait yaradılmır. Buna baxmayaraq, Gürcüstanda daxilindəki ekstremist qüvvələrin hərəkətləri cavabsız qalır".

Müraciətdə qeyd olunub ki, hakimiyyət orqanları bu üzdəniraq hərəkətlərə göz yumur və heç bir ölçü götürmür: "Nə üçün separatizmdən əziyyət çəkən Gürcüstan ölkənin paytaxtında belə simvolların yayılmasına imkan yaradır?! Bu, həm Gürcüstan dövlətinə, həm də dost Azərbaycana hörmətsizlikdir. Əgər indi bu ekstremist qüvvələrə qarşı ölçü götürülməsə, həmin qüvvələr Gürcüstanda öz mövqelərini daha da gücləndirəcəklər. Bu addımlar Gürcüstan xalqının marağında deyil və Gürcüstan dövlətçiliyini təhlükə altında qoyur".

Müraciət müəllifləri prezidentdən və baş nazirdən separatçı addımlara qarşı ölçü götürülməsini istəyiblər.

Avtomobil Şərifzadə küçəsində hərəkətdə olarkən aşkar edilib.

Bakıda qadına məxsus avtomobil qaçırılıb.

"Dalğa TV" xəbər verir ki, Xətai rayon Polis İdarəsindən APA-ya verilən məlumata görə, hadisə Bayramov küçəsində qeydə alınıb.

Bakı şəhər sakini Sevda Rəfiyeva "Kia" markalı avtomobilinə oturarkən naməlum şəxs bıçaqla onu hədələyib nəqliyyat vasitəsini ondan alaraq hadisə yerini tərk edib.

Avtomobil Şərifzadə küçəsində hərəkətdə olarkən aşkar edilib və görülmüş tədbirlərlə saxlanılıb.

Hadisəni törədən Bakı şəhər sakinləri Orxan Xıdırov və Aleksandr Semyonov tutulublar.

Azərbaycanlılar Gürcüstan prezidentindən ölçü götürülməsini istəyiblər.

Gürcüstan azərbaycanlıları adından ölkə prezidentinə və baş nazirə müraciət ünvanlanıb.

"Dalğa TV" Virtualaz.org-a istinadən xəbər verir ki, QHT rəhbərlərinin imzaladığı müraciət Gürcüstanda erməni separatçılığının təbliğ olunmasına etiraz məqsədi daşıyır.

“Aprelin 23-24-də Gürcüstanın Axalkalaki, Axaltsixe və Batumi bölgələrində qondarma “Artsax” və “Kürdüstan” bayraqları, mayın 9-da isə Tiflisin mərkəzində yenə Dağlıq Qarabağ separatçılarının bayraqları və digər simvolları qaldırılıb.

Mayın 9-da Gürcüstan vətəndaşı olan bir qrup erməni Qələbə Günü əvəzinə, Azərbaycanın Şuşa şəhərinin işğal gününü qeyd edib. Gürcüstan hökuməti dəfələrlə bəyan edib ki, ölkədə separatizmə hər hansı dəstək verilmir və şərait yaradılmır. Buna baxmayaraq, Gürcüstanda daxilindəki ekstremist qüvvələrin hərəkətləri cavabsız qalır”, - deyə sənəddə bildirilir.

Sürücü jurnalistlərə hücum edib.

Bakıda sərxoş sürücü küçənin ortasında yatdı.

"Dalğa TV" xəbər verir ki, ANS TV-nin məlumatına görə, hadisə Bakı-Qazax yolunun 6-cı kilometrliyində, yəni Yasamal rayonu ərazisinə düşən hissəsində baş verib.

"Mercedes" markalı avtomobilin qarşısında 1 nəfər yerə uzanmış vəziyyətdə olub.

İlk baxışdan bu, sürət həddi 110 km saat olan yolda piyadanın vurulmasına bənzəyib. Lakin vəziyyət göründüyündən daha fərqli olub. Avtomobil işlək vəziyyətdə olsa da içərisində sürücü olmayıb.

Özünə yatmaq üçün yumşaq yatağı deyil, asfaltın üzərini seçən şəxsi oyatmaq o qədər də asan olmayıb. Məlum olub ki, yerdə yatan şəxs maşının sürücüsü olub.

Çəkiliş qrupu sürücüyə kömək etmək istəsə də o, əlbəyaxa çıxmağa çalışıb. Sərxoş sürücü kortəbii olaraq avtomobili idarə etməyə çalışıb. Lakin buna imkan verilməyib və əraziyə dərhal polis çağırılıb.

Yol patrul xidmətinin əməkdaşlarınıın köməyi ilə sürücünün şəxsiyyəti müəyyən edilib - Şərif Nuriyev. Polisin ilkin müayinəsi zamanı sürücünün sərxoş olduğu ortaya çıxıb.

Sürücü sərxoşluğun dərəcəsinin müəyyən edilməsi üçün məntəqəyə, maşını isə cərimə meydançasına aparılıb.