"Tapança rəsmən qeydiyyatdan keçirilib".

Üçyaşlı uşaq atasına məxsus tapança ilə özünü vurdu.

"Dalğa TV" Rusiya KİV-nə istinadən xəbər verir ki, hadisə Vsevolojsk rayonunun Zanevka kəndində baş verib. Oğlan travmatik tapançanı atasının “Leksus”unda tapıb və boynuna atəş açıb.

"Təcili tibbi yardım” həkimləri odlu silahdan yaralanmış uşağı xəstəxanaya yatırmaq qərarına gəliblər.

"Xəsarət alan uşaq Sankt-Peterburqun pediatrik tibbi akademiyasına aparılıb. O, reanimasiya şöbəsindədir", - hüquq-mühafizə orqanlarıda olan mənbə bildirib.

Oğlanın atası maşından 15 dəqiqəlik ayrıldığını, qayıtdıqda isə oğlunun qan içində olduğunu görüb.

“Biz şəhərətrafında olan evimizə gəldik. Mən bir müddətlik içəri girib, sonradan geri qayıtmağı düşünürdüm. Oğlumu maşında qoydum. On beş dəqiqəlik getmişdim, qayıdanda isə onu qan içində gördüm və xəstəxanaya apardım”, - xəsarət alan uşağın atası Salavat "47news"a bildirib.

Oğlanın atası 20 ildən artıqdır ki, Peterburqda yaşayır, əslən Azərbaycandandır. Onun dörd yetkinlik yaşına çatmayan övladı var, kommersiya şirkətində sürücü işləyir. Salavatın sözlərinə görə, tapança rəsmən qeydiyyatdan keçirilib.

Gürcüstanda qanunsuz radioaktiv maddələrin alqı-satqısı ilə məşğul olan 6 nəfər saxlanılıb.

"Dalga TV" Gürcüstan bürosunun məlumatına görə, bu barədə Gürcüstan Dövlət Mühafizə Departamentindən bildiriblər.

Hüquq-mühafizə orqanlarının keçirdiyi əməliyyat nəticəsində 3 nəfər Ermənistan vətəndaşı və 3 nəfər Gürcüstan vətəndaşı saxlanılıb. Onlar radioaktiv maddəni Tiflisdə satmaq niyyəti ilə əldə etdiklərini bildiriblər. Saxlanılan şəxslər radioaktiv maddəni 200 milyon dollara satmaq istədiklərini deyiblər.

Rəsmi məlumata görə, cinayət qrupunun üzvlərindən birinin yaşadığı evdə zavod üsulu ilə yığılan və göndərilmək üçün konteynerə yüklənmiş 238 U (uran -238) nüvə materialı aşkarlanıb. Nüvə materialının radiasiya dərəcəsi insan sağlamlığı üçün zərərlidir.

Saxlanılan şəxsləri 5 ildən 10 ilədək həbs cəzası gözləyir. Faktla bağlı Gürcüstanın Dövlət Təhlükəsizlik Əks Kəşfiyyat Xidmətində istintaq aparılır.

Aprelin 16-da əsən güclü külək Gürcüstanda, həmçinin paytaxt Tiflis şəhərində fəsadlar törədib.
"Dalga TV"nin Gürcüstan bürosunun gürcü mətbuatına istinadən məlumatına görə, Tiflis şəhərindəki “Didube plaza” biznes-mərkəzin yanında taksi sürücüsünün üstünə ağac düşüb. Tiflis şəhərindəki Saburtalo 61 küçəsində də güclü külək 4 mərtəbəli yaşayış korpusun damının bir hissəsini qaldıraraq həyətə atıb və xoşbəxtlikdən heç kim xəsarət almayıb. Bina sakinləri damın ikinci hissəsinin də yola düşə biləcəyindən ehtiyatlanırlar.

Tiflisdəki “Axmeteli Teatrı” metrosunun yaxınlığında dayanan avtomobilin üstünə də ağac düşüb. Hadisə nəticəsində yolda tıxac yaranıb.

Məlumata görə, Tiflis Fövqəladə Hallar Xidmətinin əməkdaşları şəhərdə küləyin fəsadlarının aradan qaldırılması istiqamətində tədbirlər görür.

Sinoptiklərin verdiyi məlumata görə, aprelin 18-dən 21-dək Gürcüstanda havalar mülayimləşəcək və havanın temperaturu 27 dərəcəyədək yüksələcək. Aprelin 16-da əsən güclü külək Gürcüstanda, həmçinin paytaxt Tiflis şəhərində fəsadlar törədib.

APA-nın Gürcüstan bürosunun gürcü mətbuatına istinadən məlumatına görə, Tiflis şəhərindəki “Didube plaza” biznes-mərkəzin yanında taksi sürücüsünün üstünə ağac düşüb. Tiflis şəhərindəki Saburtalo 61 küçəsində də güclü külək 4 mərtəbəli yaşayış korpusun damının bir hissəsini qaldıraraq həyətə atıb və xoşbəxtlikdən heç kim xəsarət almayıb. Bina sakinləri damın ikinci hissəsinin də yola düşə biləcəyindən ehtiyatlanırlar.

Tiflisdəki “Axmeteli Teatrı” metrosunun yaxınlığında dayanan avtomobilin üstünə də ağac düşüb. Hadisə nəticəsində yolda tıxac yaranıb.

Məlumata görə, Tiflis Fövqəladə Hallar Xidmətinin əməkdaşları şəhərdə küləyin fəsadlarının aradan qaldırılması istiqamətində tədbirlər görür.

Sinoptiklərin verdiyi məlumata görə, aprelin 18-dən 21-dək Gürcüstanda havalar mülayimləşəcək və havanın temperaturu 27 dərəcəyədək yüksələcək.

Mətbuat konfransı 2001-ci ildə keçirilib.

Sosial şəbəkələrdə Ermənistan prezidenti Serj Sarkisyanın mətbuat konfranslarının birindən görüntülər yayılıb.

"Dalğa TV" xəbər verir ki, video "Bizim ökə" səhifəsində yerləşdirilib.

Qeyd edək ki, mətbuat konfransı 2001-ci ildə keçirilib.

Azərbaycanlı jurnalist Murad Hüseynov həmin vaxt Ermənistan Müdafiə naziri vəzifəsində çalışan Serj Sarkisyana Ermənistan vətəndaşlarının heç kimin tanımadığı "DQR"də xidmət etməkləri ilə bağlı sual verib.

Videodan da görünür ki, həmyerlimizin dəqiq və aydın sualları Sarkisyanı özündən çıxarır.

Həmin vaxt Müdafiə naziri olan Sarkisyan sadə sullara adekvat cavab tapmayınca özünəməxsus şəkildə azərbaycanlı jurnalisti onunla mübahisə etməkdə cəhddə ittiham edib.

Gürcüstan prezidenti Giorgi Marqvelaşvili azərbaycanlıların kompakt yaşadığı Qardabani rayonuna səfər edib.

"Dalğa TV"nin Gürcüstan bürosunun məlumatına görə, prezident azərbaycanlıların təhsil aldığı Qaracalar kənd orta məktəbində olub. O, öncə birincilər oxuyan sinifə daxil olub və onların gürcü dilini necə öyrənmələri ilə maraqlanıb. Sonra dövlət başçısı məktəblilərin özfəaliyyət rəqs qrupunun nümayiş etdirdiyi rəqslərə baxıb. G. Marqvelaşvili artıq 3 aydır məktəbdə həyata keçirilən dövlət dilinin öyrədilməsi layihəsi ilə maraqlanıb. Layihə prezidentin dəstəyi və İvane Cavaxişvili adına Tiflis Dövlət Universitetinin, Təhsil Nazirliyinin təşkilatçılığı ilə həyata keçirilir. Hazırda kursda yaşından asılı olmayaraq, 60-dək kənd sakini dövlət dilini öyrənir.

“Bu, bizim dövlət dilimizdir. Bu barədə Gürcüstan Konstitusiyasında da yazılıb. Qafqaz tarixində azərbaycanlılar dostluğa sadiq insanlar kimi tanınıb. Mən çox şadam ki, onlar dövlətimizi dəstəkləyir və onun dilini öyrənirlər", - deyə G. Marqvelaşvili bildirib.

Qaracalar kənd orta məktəbində 662 şagirdə 54 müəllim dərs deyir. Məktəb 3 mərtəbə və 30 sinif otağından ibarətdir.\

Azərbaycanın İnsan Hüquqları üzrə Müvəkkili (Ombudsman) Elmira Süleymanova ölkədə qeydiyyatsız nikahlarının sayının artmasından ciddi narahat olduğunu deyib.

"Dalga TV"nin məlumatına görə, bu gün Milli Məclisdə keçirilən “Ailə institutunun formalaşmasında adət-ənənələrimizin rolu” adlı tədbirdə çıxış edən E. Süleymanova bildirib ki, Azərbaycanda qeydiyyata alınmayan nikahların sayı getdikcə artır: “Bu hal kəndlərdə və rayonlarda daha çox olur. Kimisə zorla ərə verirlər, nəticədə ortaq məxrəcə gələ bilmirlər, ciddi problemlər ortaya çıxır. Bütün bunlar ailə institutunun formalaşmasına əngəl olur”.

Onun sözlərinə görə, ailələrin dağılması ilə nəticələnən səbəblərdən biri də narkomaniya və qumar aludəçiliyidir: “Son vaxtlar bizə ərizələrlə müraciət edirlər ki, qumar oyununda qızını uduzan atalar peyda olub”.

Ombudsman Azərbaycanda əxlaqsızlıq yuvalarının çoxluğundan da şikayətlənib: "Ailə institutunun dağılmasında bunun da xüsusi rolu var. Qızlara ailədə ayrı-seçkilik çox qoyulur. Nə qədər bunu inkar etsək də, reallıq belədir. Ana bətnində olanda dölün cinsini müəyyən etmək mümkündür. Ailə övladın qız olduğunu biləndə onu tələf etdirir. Statistik rəqəmlərə nəzər yetirdikdə görərik ki, dünyaya gələn körpələr arasında qızların göstəricisi 46, oğlanların sayı isə 54 faiz təşkil edir. Bu da böyük demoqrafik dəyişikliklərə səbəb olur".