Yanvarın 22-də Gürcüstanın Elm və Təhsil Naziri Tamar Sanikidze azərbaycanlıların kompakt yaşadığı Qardabaniyə səfər edib.

"Dalğa TV"nin APA-ya istinadən verdiyi məlumata görə, Qardabanidə ümumtəhsil məktəblərin müəllimləri ilə nazirin görüşü keçirilib. Görüş zamanı Qardabanidəki azərbaycandilli məktəblərin müəllimləri nazirin diqqətinə məktəblərin vəziyyəti və problemləri haqqında fikir və təkliflərini çatdırıblar.

Gürcüstanın elm və təhsil naziri qarşısında əsasən rayonun azərbaycandilli Candar, Birlik, Vaxtanqisi ictimai məktəblərin problemləri ilə bağlı məsələlər qaldırılıb. Görüşdə həmçinin Kosalı ictimai məktəbində idman və akt zallarının olmadığı nazirin diqqətinə çatdırılıb. Eyni zamanda Qardabaninin azərbaycandilli Sarticala-Muğanlı məktəbinin təhsil və tədris üçün yaramadığı haqqında nazirə məlumat verilib.

T. Sanikidze çıxışında Gürcüstanda məktəblərin mərhələli şəkildə təmir olunacağını və yeni məktəblərin də tikiləcəyini qeyd edib. Tamar Sanikidze 2016-2019-c tədris illərində 10 bal toplayaraq sertifikat alan müəllimlərin növbəti imtahan mərhələsində baş müəllim statusuna sahib olacaqlarını bildirib. Onun sözlərinə görə, sertifikat alacaq milli azlıq nümayəndələri olan müəllimlər internet vasitəsi ilə öz ana dillərində imtahan verəcəklər.

Qardabanidə səfərdə olan elm və təhsil naziri Azərbaycan təhsil nazirliyindən azərbaycandilli məktəblərə dərslik və tədris vəsaitlərin gətirildiyini qeyd edib. O, yaxın günlərdə dərsliklərin siyahı üzrə məktəblərə paylanacağını bildirib. Görüşdə Tamar Sanikidze ilə birgə Kvemo Kartli bölgəsinin qubernatoru Paata Xizanaşvili, rayon rəhbərləri və digər rəsmi şəxslər iştirak edib.

Tiflisdə gənc ailə (ər-arvad) qaz sızmasından boğulub.

"Dalğa TV"nin məlumatına görə, hadisə Tiflisdəki Nadzaladev rayonunun Xornobuci küçəsində qeydə alınıb. Məlumata görə, gənc ailə kirayə tutduqları evdə yaşayıblar. Ailə ilə əlaqə olmadığını görən qonşular Xilasedici Xidmətə müraciət ediblər. Nəticədə xilasedicilər gənc ailəni evdə ölmüş halda aşkar edib.

Faktla bağlı Gürcüstan CM-nin 240-cı maddəsi ilə (obyektlərdə istilik enerjisi, qaz, neft və neft məhsullarından istifadə qaydalarının pozulması) cinayət işi qaldırılıb, araşdırma aparılır.

Gürcüstanda H1N1 virusundan daha bir nəfər ölüb.

"Dalğa TV"nin məlumatına görə, bu barədə Xəstəliklərə Nəzarət və İctimai Səhiyyə Milli Mərkəzinin Elmi Şurasının rəhbəri Paata İmnadze bildirib. Onun sözlərinə görə, ölən şəxs Abxaziyadan Zuqdidiyə gələn orta yaşlı qadın olub. Xəstədə keçici xroniki xəstəlik aşkar edilib.

Məlumata görə, Gürcüstanda donuz qripindən artıq üç nəfər ölüb.

Azərbaycanın İstanbuldakı baş konsulunun keçmiş müavini Fəxrəddin Əliyev özünü güllələyərək intihar edib.

"Dalğa TV" Virtualaz.org-a istinadən xəbər verir ki, hadisə ötən gün yanvarın 22-də İstanbulda baş verib.

Diplomat saat 15 radələrində sürücüsü ilə birlikdə İstanbulun Şəfaköy səmtindəki atıcılıq poliqonuna gedib. Hazırda İslam Konfransı Təşkilatının Gənclik Forumunun təmsilçsi və kadr əməkdaşı olan Əliyev silahı ilə hədəfə 90 dəfə atəş açıb.

Daha sonra o, sonuncu 10 patronu darağa yerləşdirib və dalbadal tətiyə basaraq atəş açmağa başlayıb. Tək patronu qalan Əliyev daha sonra silahı başına dayayıb və tətiyə basıb. Diplomat hadisə yerində ölüb.

İstanbul Əmniyyətinin Asayiş Şöbə Müdirliyi hadisə ilə bağlı təhqiqat başladıb. Cinayət axtarışı şöbəsinin polisləri hadisə yerinə gediblər, poliqon və ətrafdakı videomüşahidə kameralarının görüntüləri izlənilib.

Şahidlərin ifadəsi alınıb. Ancaq Əliyevin intihar etməsindən başqa hər hansı dəlilə rast gəlinməyib.

Seyf universitetin əməkdaşlarından birinin yardımı ilə oğurlanıb.

< span style="font-size: 12pt;">Bir neçə gün bundan əvvəl "Odlar yurdu" universitetindən içərisində 500 min manat pul olan seyf oğurlanıb.

"Dalğa TV" xəbər verir ki, Virtualaz.org saytına Nərimanov Rayon Polis İdarəsindən verilən məlumata görə, bHələlik ancaq o məlumdur ki, polis işçiləri cinayəti törətməkdə şübhəli bilinən şəxsin izinə düşüblər. Məlumatda vurğulanır ki, şübhəli kənar şəxsdir və universitetə heç bir aidiyyatı yoxdur.

Seyf universitetin əməkdaşlarından birinin yardımı ilə oğurlanıb.

Fakt üzrə araşdırma davam etdirilir.

Gürcüstandakı səfirliyinin təşkilatçılığı ilə Saqareco (Qaraçöp) bölgəsinin Qaraçöp kəndində 20 Yanvar faciəsinin 26-cı ildönümünə həsr olunan anım tədbiri keçirilib.

"Dalğa TV"nin APA-ya istiinadən xəbərinə görə, səfirliyin əməkdaşları və bölgə ziyalıları, məktəb müəllimləri və şagirdlər Qaraçöp kəndində 9 Aprel və 20 Yanvar şəhidlərinin xatirəsinə ucaldılmış abidənin önünə gül dəstələri qoyaraq 20 Yanvar şəhidlərini anıblar. Anım mərasimində şəhidlərin ruhu bir dəqiqəlik sükutla yad edilib. Tədbiri Azərbaycan səfirinin müavini Dursun Həsənov açaraq 20 Yanvar faciəsinin Azərbaycan tarixinə şanlı səhifələrlə yazıldığını və bu tarixi gün həm faciə, həm də Azərbaycan xalqının qəhrəmanlıq günü olduğunu bildirib.

D. Həsənov Qaraçöp kəndindən olan Ələsgər Qayıbovun, eləcə də Gürcüstanın digər bölgələrindən olan gənclərin Azərbaycanın azadlığı uğrunda həlak olduğunu qeyd edib və onlara rəhmət diləyib. Tədbirdə şəhid Ələsgər Qayıbovun böyük qardaşı Yusif Qayıbov və Qaraçöp orta məktəbinin müəllimi İsmayıl İsayev, Saqareco rayon bələdiyyəsinin üzvü Qəzənfər Məmmədov və başqaları çıxış edərək sovet ordusunun vəhşiliyindən, 20 Yanvar faciəsinə hələ də beynəlxalq hüquqi qiymət verilmədiyindən danışıblar.

Tədbirdən sonra Azərbaycan səfirliyinin əməkdaşları 20 Yanvar şəhidi, Qaraçöp kənd sakini Ələsgər Qayıbovun ailəsinə də baş çəkiblər.
Azərbaycan səfirinin müavini Dursun Həsənov kənd sakinlərinin problemləri ilə tanış olub. Sonda ehsan verilib.