Tiflisdə qəbristanlığa gedəndə döyülən və yaralanan gürcü müxalifətinin lideri və keçmiş nazir bu gün ikinci dəfə əməliyyata alınıb.

"Dalğa TV" Publika.az-a istinadən xəbər verir ki, Azad Demokrat Partiyasının rəhbəri Aleksi Petriashvili fevralın 26-da naməlum şəxslərin hücumuna məruz qalıb. 2012-2014-cü ildə Avropa və Avro-Atlantik İnteqrasiya naziri işləmiş 45 yaşlı Petriashvilinin silahlı şəxslərin hücumundan əvvəl təhqir olunduğu deyilir.

Petriashvilinin arvadı Ekaterine Mishveladzenin sözlərinə görə, o, ayağından və qarnından üç güllə yarası alıb. O, hücumun sui-qəsd olduğu qənaətindədir. Hücumla bağlı cinayət işi açılıb.

Şimali Kipr Türk Cümhuriyyətində baş verən yol qəzası nəticəsində iki azərbaycanlı tələbə Nicat Hacızadə və Yunus Ərəbov həlak olublar.

"Dalğa TV" xəbər verir ki, bu barədə xəbəri Şimali Kipr mətbuatı məlumat yayıb.

Ölkənin paytaxtı Lefkoşada "Gənc TV"nin qarşısındakı yolda baş verən ağır yol nəqliyyat hadisəsində həmçinin 2 nəfər də yaralanıb.

Qəza nəticəsində həyatını itirən azərbaycanlı tələbə Nicat Hacızadənin E-23 ZLP 335 nömrəli avtomobili şəhərin içərisində həddindən artıq sürətlə idarə etdiyi bildirilib.

Sürətin qarşısını ala bilməyən azərbaycanlı tələbənin idarə etdiyi maşın sol istiqamətdə yoldan çıxaraq ";Gənc TV”nin qarşısındakı bardura çırpılaraq, əzilib.

Maşında olan azərbaycanlı tələbə Nicat Hacızadə ilə yanaşı, Yunus Əkbərov da aldığı ağır xəsarətlərdən həyatını itirib.

Qeyd edək ki, xəstəxanaya çatdırılan digər şəxslər Mehdi Laamyeminin vəziyyətinin ağır olduğu bildirilib. Maşında olan digər azərbaycanlı tələbə Anar Süleymanovun isə həyatı təhlükəsinin olmadığı deyilib.

Faktla bağlı Lefkoşa şəhər polisində cinayət işi açılıb.

Fevralın 26-da SOCAR-ın Gürcüstan nümayəndəliyinin Batumi şəhərindəki ofisində gürcü dilinə tərcümə olunmuş “Müharibə cinayətinin Xocalı şahidi. Ermənistan müttəhim kürsüsündə” kitabının təqdimat mərasimi keçirilib.

"Dalga TV"nin APA-nın Gürcüstan bürosuna istinadən məlumatına görə, bu barədə Azərbaycanın Batumidəki baş konsulluğundan bildirilib.

Mərasimdə konsulluğun və SOCAR-ın əməkdaşları, Azərbaycan və gürcü ictimaiyyətinin nümayəndələri, elm xadimləri iştirak ediblər. Baş konsul Rəşad İsmayılov bildirib ki, Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” beynəlxalq kampaniyası çərçivəsində nəşr olunan “Müharibə cinayətinin Xocalı şahidi: Ermənistan müttəhim kürsüsündə” kitabı ilk dəfə 2014-cü ildə ingilis dilində Londonda işıq üzü görüb. Sonra rus və fransız dillərinə tərcümə olunan bu kitabda Xocalı faciəsi ilə bağlı Qərb və Rusiya mətbuatında dərc olunmuş məqalələr, fotoşəkillər və digər çoxsaylı araşdırma materialları toplanıb. Baş konsulluğun təşəbbüsü ilə gürcü dilinə tərcümə olunan bu kitab Gürcüstan ictimaiyyətinin ermənilərin Azərbaycan torpaqlarında törətdikləri vəhşiliklər barədə məlumat almalarında mühüm vasitə olacaq. Xocalı həqiqətlərinin dünya ictimaiyyətinə çatdırılması istiqamətində Azərbaycan prezidenti İlham Əliyevin həyata keçirdiyi məqsədyönlü siyasət barədə məlumat verən diplomat deyib ki, dövlətimizin başçısının səyi nəticəsində torpaqlarımız tezliklə işğaldan azad olunacaq, cinayətkarlar layiqli cəzalarını alacaqlar.

Kitabın gürcü dilinə tərcüməçisi, tarix elmləri doktoru Quram Marxuliya deyib ki, uzun illər Azərbaycan və gürcü xalqlarına qarşı ərazi iddiası ilə çıxış edən ermənilər öz çirkin niyyətlərinə çatmaq üçün ən ağır vasitələrə əl atıblar. Hələ sovetlər dövründən də qabaq başlamış bu iddialar barədə yazılı məlumatlar yalnız arxivlərdə olduğu üçün geniş ictimaiyyətin bundan xəbəri yoxdur. Ona görə də bu cür kitablar çoxaldılmalı və mənfur qonşularımızın iç üzü dünya ictimaiyyətinə çatdırılmalıdır. Müəllif vurğulayıb ki, Gürcüstan parlamenti də Xocalı faciəsini əsl soyqırımını kimi tanımalı, bu hadisələrə lazımi hüquqi-siyasi qiymət verilməli, cinayətkarlar ən ağır cəza almalıdırlar.

Tanınmış tarixçi alim Rostom Quntaişvili Xocalı soyqırımı ilə 1921-ci il fevralın 25-də Gürcüstan ərazisində törədilmiş qırğınları təhlil edib. O, hər iki faciənin eyni qüvvələr tərəfindən törədildiyini vurğulayıb. Bildirib ki, dünyada hökm sürən ikili standartlara son qoyulmalı, Xocalı faciəsini törədən, dövlətlərin beynəlxalq hüquq tərəfindən təsbit edilmiş sərhədlərini silah gücünə dəyişmək istəyən və bununla da Helsinki razılaşmasının məlum müddəalarını kobud şəkildə pozan Ermənistan hakimiyyəti, erməni siyasətçiləri və onların havadarları layiq olduqları cəzanı almalıdırlar. O, Xocalı faciəsinin səbəb və nəticələrini daha dərindən öyrənmək və günahkarların cəzalandırılmasına nail olmaq üçün BMT-nin xüsusi komissiyasının yaradılmasının vacibliyini vurğulayıb.

Sonra Batumidəki Azərbaycan İcmasının sədri Vidadi Axundov, “Adjara.PS” qəzetinin redaktoru Cemal Meqrelidze və başqaları çıxış edərək Xocalı faciəsi və erməni millətçilərinin Azərbaycan və gürcü xalqlarına qarşı törətdikləri ağır cinayətlər barədə danışıblar.

Qadın əsəb xəstəliyindən əziyyət çəkirdi.

Zaqatalada 50 yaşlı qadın intihar edib

"Dalga TV" xəbər verir ki, hüquq-mühafizə orqanlarından APA-nın Şəki-Zaqatala bürosuna verilən məlumata görə, hadisə fevralın 27-i günorta saat 15 radələrində rayonun Mazıx kəndində qeydə alınıb.

Kənd sakini 1966-cı il təvəllüdlü Məhəbbət Umarxan qızı Səfərovanın meyiti yaşadığı evin həyətyanı sahəsində tikilmiş talvardan asılı vəziyyətdə mərhumun həyat yoldaşının qardaşı tərəfindən aşkar edilib.

Hadisə yerinə cəlb edilmiş hüquq-mühafizə orqan əməkdaşlarının apardıqları araşdırma zamanı 50 yaşlı M. Səfərovanın intihar etdiyi məlum olub.

Məlumatda o da bildirilir ki, evli və iki övlad anası olan M. Səfərova son zamanlar əsəb xəstəliyindən əziyyət çəkirdi. Qadın intihar edən zaman evdə tək olub.

Faktla bağlı Zaqatala rayon prokurorluğunda CM-nin 125-ci (özünü öldürmə həddinə çatdırma) maddəsi ilə cinayət işi başlayıb, araşdırma aparılır.

Gürcüstanda polisə tabe olmamaq və onları təhqir etməkdə təqsirləndirilən iki azərbaycanlı saxlanılıb.

Bu barədə "Dalğa TV"nin Gürcüstan bürosuna Gürcüstanın Daxili İşlər Nazirliyinin mətbuat xidmətindən bildirilib. Məlumata görə, Poniçala (Soğanlıq) kənd sakinləri - 1977-ci il təvəllüdlü Rita B. və 1968-ci il təvəllüdlü Vüqar Q. İsani-Samqori Polis İdarəsinin Poniçala (Soğanlıq) kəndindəki polis məntəqəsinə gedərək, orada polis əməkdaşlarını təhqir ediblər, polisin məntəqəni tərk etmələri barədə əmrinə tabe olmayıblar.

Saxlanılan şəxslər haqqında cinayət işi başlanıb.

Gürcüstan polisi ona bu işdə yardım edəni axtarır.

Tbilisi Polis Departamentinin və İsani-Samqorsk idarəsinin əməkdaşları müştərək əməliyyat-axtarış və istintaq tədbirləri nəticəsində Tbilisidə Rusiya vətəndaşı, 1999-cu il təvəllüdlü Elçin İ. saxlayıblar.

"Dalğa TV" Gürcüstan KİV-nə istinadən xəbər verir.

"İstintaq müəyyən edib ki, Elçin İ. öz yoldaşları ilə birgə 19 fevral tarixində 1998-ci il təvəllüdlü Samirə Bayramovanı qaçırmaqda təqsirli bilinir. O, Samirəni evlənmək məqsədilə qaçırıb", - DİN yaydığı məlumatda deyilir.

İstintaq Gürcüstan CM 143-cü maddəsinin 3-cü bəndinin "a" və "b" hissələri (qanunsuz azadlıqdan məhrum etmə, əvvəlcədən razılaşdırılaraq bir qrup tərəfindən azyaşlıya qarşı törədilən cinayət) üzrə aparılır.