Şəki sakini özünü tövlədə asıb

Hüquq-mühafizə orqanlarından APA-nın Şəki-Zaqatala bürosuna verilən məlumata görə, hadisə martın 8-də saat 06 radələrində rayonun Kiş kəndində qeydə alınıb.

Kiş kənd sakini, 1954-cü il təvəllüdlü Ələsgər Əsgər oğlu Niyzarovun meyiti yaşadığı evin həyətindəki mal tövləsində ailə üzvləri tərəfindən aşkar edilib.

İntiharın səbəbləri hələlik məlum deyil.

Faktla bağlı Şəki rayon prokurorluğunda CM-nin 125-ci (özünü öldürmə həddinə çatdırma) maddəsi ilə cinayət işi başlayıb, araşdırma aparılır.

Martın 6-da Gürcüstan Silahlı Qüvvələrinin müsəlman əsgərlərin xidmət etdiyi Kutaisidəki 3-cü Piyada Briqadasında ibadət otağının açılışı olub.

"Dalğa TV"nin məlumatına görə, açılışda müdafiə nazirinin müavini Besik Loladze, Baş Qərargah rəisinin müavini Omar Beqoidze, Qərbi Gürcüstanın müftisi Beqlar Kamaşidze, briqada komandiri, polkovnik Şalva Cabaxidze və digər yüksək çinli hərbçilər iştirak ediblər.

Müdafiə naziri Tina Xidaşeli orduda xidmət edən müsəlman əsgərlərə öz dini inanclarını və ibadətlərini yerinə yetirmək üçün tam azadlıq verildiyini bildirib: "Onlar demokratik ölkənin əsgərləridir. Mart ayından sonra daha iki hərbi hissədə belə ibadət otağı açılacaq. Müdafiə Nazirliyinin zəmanəti ilə hər bir müsəlman əsgər öz dini inancını və ibadətini həyata keçirəcək".

Qeyd edək ki, III Piyada Briqadasında 103 hərbi qulluqçu xidmət edir.

Gürcüstan Müsəlmanları İdarəsinin şeyxi Hacı Ramin İgidov APA-ya açıqlamasında azərbaycanlıların kompakt yaşadığı bölgələrdə olan hərbi hissələrdə də ibadət otaqları açılacağını bildirib: "Biz bu məsələ barədə üç ay əvvəl Gürcüstanın Müdafiə Nazirinə müraciət etmişdik və fevralın axırında bizə rəsmi olaraq müsbət cavab verildi. Martın 6-da nazirlik verdiyi sözə əməl edib. Bizdə olan məlumata görə, azərbaycanlıların kompakt yaşadığı bölgələrdə də belə ibadət otaqlarının açılması nəzərdə tutulub".

Təhsil Nazirliyinin "Təhsil" Respublika İdman Mərkəzinin Sumqayıt filialının vəzifəli şəxslərinin qanunsuz əməlləri barədə Maliyyə Nazirliyinin Dövlət Maliyyə Nəzarəti Xidmətindən daxil olmuş material Baş prokuror yanında Korrupsiyaya qarşı Mübarizə Baş İdarəsində araşdırılıb.

Baş Prokurorluğun mətbuat xidmətindən  verilən məlumata görə, araşdırmalar zamanı mərkəzin Sumqayıt filialının vəzifəli şəxsləri tərəfindən 2012-2014-cü illərdə vəzifə səlahiyyətlərindən sui-istifadə edilərək özləri və ya üçüncü şəxslər üçün qanunsuz olaraq maddi və sair nemətlər əldə etmək məqsədi ilə faktiki olaraq idman tədbirlərinin keçirilmədiyi və müxtəlif fənlərin tədris edilmədiyi halda, həmin tədbirlərin keçirilməsi və fənlərin tədris edilməsi, habelə qeyd olunan tədbirlərlə əlaqədar ezamiyyələrin verilməsi adı ilə məlumatların saxtalaşdırılaraq ümumilikdə 170 min manat məbləğində vəsaitin məşqçi müəllimlərin adlarına rəsmiləşdirilməsinə şübhələr üçün əsaslar olduğundan fakta görə Cinayət Məcəlləsinin 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanıb.

Hazırda iş üzrə zəruri istintaq-əməliyyat tədbirləri davam etdirilir.

Yerli müsəlman icmasına qəbiristanlıq üçün yer ayrılıb.

Gürcüstanın Samsxe-Cavaxeti bölgəsinin Adigeni rayon mərkəzində xristian və müsəlman gürcülər qarşıdurma baş verib.

"Dalğa TV" "Qruizya Online" istinadən xəbər verir ki, bir neçə nəfər xəsarət alıb.

Bu gün Adigeniyə Dini Məsələlər üzrə Dövlət Agentliyinin nümayəndələri səfər edərək, yerli ssakinlərlə görüşlər keçirəcəklər.

30 il öncə Adigeniyə Acarıstandan torpaq uçqunu nəticəsində evsiz qalan onlarla ailə köçürülüb. İslam dininə sitayiş edən köçkünlərin yerli əhali ilə problemləri olmayıb.

Lakin bu yaxınlarda Dini Məsələlər üzrə Dövlət Agentliyinin yerli müsəlman icmasına qəbiristanlıq üçün yer ayrılması haqqında qərarından sonra müəyyən narazılıq yaranıb.

Yerli xristianlar jurnalistlərə açıqlamasında müsəlmanların bundan sonra məscid tikintisini tələb edəcəyindən, ardınca isə Adigenidən köçürüləcəklərindən ehtiyat etdiklərini açıqlayıblar. Əlavə edək ki, son illərdə Adigenidə xristian ailəsində doğulmuş bir uşağa 3 müsəlman uşaq düşür.

Sabah Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən  verilən məlumata görə, sabah paytaxt və yarımadanın bəzi yerlərində zəif duman olacağı ehtimalı var. Mülayim şimal küləyi gündüz cənub küləyi ilə əvəz olunacaq.
Havanın temperaturu Abşeron yarımadasında gecə 5-8, gündüz 9-14 dərəcə isti, Bakıda gecə 6-8, gündüz 10-12 dərəcə isti olacaq.
Azərbaycan rayonlarında sabah hava şəraiti əsasən yağmursuz keçəcək. Gecə və səhər bəzi yerlərdə duman, çiskin olacağı, Böyük Qafqazın bəzi yerlərində yağış yağacağı gözlənilir.
Şərq küləyi əsəcək, gündüz arabir güclənəcək.
Havanın temperaturu gecə 5-10, gündüz 12-17 dərəcə isti, dağlarda gecə 0-5 dərəcə, gündüz 9-14 dərəcə isti olacaq.

Bir neçə gün öncə Bakıda yol polisi inspektoru ilə sürücü arasında gərgin anlar yaşanıb.

Hadisəni əks etdirən video saytımıza dünən daxil olub. Avtosfer.az xəbər verir ki, görüntüləri hadisə şahidlərindən biri qeydə alıb. Polisin əmrinə tabe olmayan 99 FH 475 nömrə nişanlı avtomobilin sürücüsü - qadın onu inadla avtomobilindən kənarlaşdırmağa cəhd edib. Videodan 99 YP 497 nömrə nişanlı YPX ekipajının əməkdaşı olduğu bilinən Əlövsət adlı polis sürücü qadına qarşı kobudluq edərək onu yerə yıxır. Daha sonra öz avtomobilinə pəncərədən minən qadının ardınca polis də pəncərədən maşına daxil olur. Baxmayaraq ki, onların daxil olduğu qabaq oturacaqda sərnişin də əyləşib.
Qəribəsi budur ki, çox acınacaqlı olan bu mənzərədə təqsirkar təkcə sürücü və ya ona qarşı kobudluq edən polis əməkdaşı deyil, hamıdır. Sürücü qadın təcrübəsizlikdən, cərimə məbləğindən ehtiyat etdiyindən belə edə bilər. Polis əməkdaşı isə əsəbi ola bilər. Lakin onun inspektorun ekipaj yoldaşlarının, qadın sürücünün avtomobilində əyləşmiş kişinin və yolda gülərək olayı seyr edənlərin müdaxilə etməməsi, onları sakitləşdirməməsi təəssüf doğuran mənzərə yaradır.

Qeyd edək ki, şahidlər hadisənin Xətai rayonu, Süleyman Vəzirov küçəsində baş verdiyini bildiriblər.