Misir Ərəb Respublikasının paytaxtı Qahirə şəhərində Misir Mədəniyyət Nazirliyi tərəfindən Beynəlxalq Tolerantlıq Gününə həsr olunmuş "VI Beynəlxalq Səmaa Dini Musiqi Festival"-ında Azərbaycanın da iştirak etdiyi 12 ölkə təmsil olunub.

Diasporla İş üzrə Dövlət Komitəsindən daxil olan məlumata görə, festivalın açılış günüdə 3 nəfərdən 2-i erməni olmaqla Rusiyanı təmsil edən iştirakçıların çıxışı azərbaycanlılar tərəfindən ciddi narazılıqla qarşılanıb.

Buna səbəb, Avetis Manukyan tərəfindən ifa olunan milli musiqi alətimiz olan balabanın Ermənistanın nəfəs musiqi aləti kimi təqdim edilməsi olub. Bununla yanaşı, Misir Mədəniyyət Nazirliyi tərəfindən paylanılan xüsusi proqram kitabçasında Rusiya Federasiyasını təmsil edən iştirakçıdan birinin doğulduğu yer kimi Xankəndinin Ermənistan ərazisi kimi qeyd olunması Azərbaycanı təmsil edən nümayəndə heyətinin kəskin etirazına səbəb olub.

Diaspor nümayəndələri bu barədə misirli festival təşkilatçılarına və iştirakçılara məlumat verib, bu məsələ ilə bağlı öz etiraz və iradlarını bildiriblər. Nəticədə ermənilərin yekun bağlanış konsertində iştirakı qadağan olunub.

Azərbaycan Xarici İşlər Nazirliyinin mətbuat xidmətinin rəhbəri Elman Abdullayev İran İslam Respublikası və altılıq arasında İranın nüvə proqramı ilə bağlı Cenevrədə keçirilmiş son danışıqlara münasibət bildirib.

Abdullayev bildirib ki,Azərbaycan Respublikası İran İslam Respublikası və altılıq arasında İranın nüvə proqramı ilə bağlı Cenevrədə keçirilmiş son danışıqların müsbət məcraya doğru yönəlməsini məmnunluq hissi ilə qarşılayır müsbət məcraya doğru yönəlməsini məmnunluq hissi ilə qarşılayır.

Azərbaycan Prezidenti İlham Əliyev “Fəxri adlara görə aylıq təqaüdün verilməsi haqqında” Azərbaycan Respublikası Prezidentinin 2005-ci il 4 iyul tarixli 878 nömrəli sərəncamında dəyişiklik edilməsi barədə sərəncam imzalayıb.

“Qafqazinfo” xəbər verir ki, sərəncama əsasən, “Fəxri adlara görə aylıq təqaüdün verilməsi haqqında” Azərbaycan Respublikası Prezidentinin 2005-ci il 4 iyul tarixli 878 nömrəli Sərəncamının (Azərbaycan Respublikasının Qanunvericilik Toplusu, 2005, № 7, maddə 609, № 11, maddə 1013; 2007, № 4, maddə 361; 2013, № 8, maddə 975) 1-ci hissəsinin birinci abzasında “və əməkdar hüquqşünas” sözləri “, əməkdar hüquqşünas, əməkdar kənd təsərrüfatı işçisi, əməkdar pilot, əməkdar tibb işçisi” sözləri ilə əvəz edilsin.

Azərbaycanda səfərdə olan Amerika Birləşmiş Ştatları Konqresinin nümayəndə heyəti noyabrın 24-də Fəxri xiyabana gələrək xalqımızın ümummilli lideri, müasir müstəqil dövlətimizin memarı və qurucusu Heydər Əliyevin xatirəsini ehtiramla yad etmiş, məzarı önünə gül dəstələri qoymuşlar.
Sonra nümayəndə heyəti Xətai rayonunda Xocalı faciəsi qurbanlarının xatirəsinə ucaldılmış abidəni ziyarət etmişdir.
Qonaqlara erməni silahlı qüvvələri tərəfindən Azərbaycan torpaqlarının işğal edilməsi, törədilən qanlı hadisələr, o cümlədən Xocalı soyqırımı barədə ətraflı məlumat verilmişdir.

Bu gün Prezident İlham Əliyevə "Mətbuatın dostu" mükafatının təqdim edilməsi mərasimi keçirilib. Tədbirdə Mətbuat Şurasının üzvləri, Azərbaycan Prezidenti yanında KİV-lərə Dövlət Dəstəyi Fondunun nümayəndələri, bir sıra kütləvi informasiya vasitələrinin rəhbərləri iştirak ediblər.

Mərasimdə çıxış edən Mətbuat Şurasının sədri Əflatun Amaşov sorğunun keçirilmə prinsipləri barədə məlumat verib və İlham Əliyevi qalib olduğu üçün təbrik edib.

Bundan sonra Bakı Dövlət Universitetinin müəllimi, professor Şirməmməd Hüseynov, millət vəkili Aqil Abbas, “Yeni Müsavat” qəzetinin baş redaktoru Rauf Arifoğlu, qocaman jurnalist Yusif Kərimov, “525-ci qəzet”in baş redaktoru Rəşad Məcid çıxışlarında Azərbaycan prezidentini təbrik edib, medianın inkişafı ilə bağlı fikirlərini söyləyiblər.

Rauf Arifoğlu metroda qəzet satışı ilə bağlı yaranmış problemi qaldırıb.
Dövlət başçısı bütün problemləri dinlədikdən sonra onların həlli istiqamətində tapşırıqlar verib.
Daha sonra prezident Azərbaycan mediasının durumu ilə bağlı öz düşüncələrini açıqlayıb. İlham Əliyev bildirib ki, Azərbaycanda digər hüquq və azadlıqlar kimi söz və mətbuat azadlıqları da qorunur. Azərbaycanda əhalinin 70 faizdən çoxunun internet istifadəçisi olduğunu və internetdə heç bir məhdudiyyətin olmadığını diqqətə çatdırıb: “Mediaya qarşı heç bir ayrı-seçkilik yoxdur. Ola da bilməz. Qəzet satışı ilə bağlı da heç bir məhdudiyyət yoxdur. Azərbaycanda azad internet məkanı var, bütün ölkə boyu genişzolaqlı internet xətləri çəkilir, insanlar azad şəkildə internetdən istifadə edirlər. Belə olan halda qəzet satışının məhdudlaşdırılmasından söhbət gedə bilməz”.
.
Azərbaycan prezidenti İlham Əliyev çıxışında ölkədə görülən işlərdən, aparılan islahatlardan da danışıb. Ölkə başçısı Azərbaycanda demokratik dəyərlərin, azad söz və medianın mövcud olduğunu qeyd edib. Prezident medianın siyasi qütbləşmədən və xarici dəstəkdən asılı olmaması üçün dövlətin addımlar atmağa hazır olduğunu da bildirib: “Azərbaycanda azad media var. Biz onun daha da inkişaf etməsində maraqlıyıq”.