Mətbuat üçün qapalı keçirilən görüşdən sonra səfir jurnalistlərə məlumat verib ki, Gürcüstanın yeni seçilmiş dövlət başçısına Azərbaycan Respublikasının Prezidenti İlham Əliyevin xoş arzularını çatdırıb. Georgi Marqvelaşvili ölkələrimiz arasında mövcud əməkdaşlıq, dostluq, strateji tərəfdaşlıq münasibətlərinin daha da inkişaf etdirilməsində israrlı olduğunu bildirib. Hər iki tərəf tarixi dostluq ənənələrinin, əməkdaşlığın davam etdirilməsində maraqlı olduğunu bir daha təsdiqləyib.

Yeni seçilmiş prezident Georgi Marqvelaşvili Azərbaycanın Gürcüstandakı səfiri ilə çox maraqlı görüşün baş tutduğunu qeyd edib və deyib ki, dost Azərbaycandan aldığımız təbriklər bizi çox sevindirir. G.Marqvelaşvili əmin olduğunu bildirib ki, Azərbaycan Respublikasının prezidenti ilə birgə münasibətləri strateji tərəfdaşlıq səviyyəsinə yüksəlmiş ölkələrimiz arasında əməkdaşlığın daha da dərinləşdirilməsi, yaxşı ənənələrin davam etdirilməsi təmin olunacaq.

Bu barədə kənd təsərrüfatı naziri Heydər Əsədovun açıqlamasında bildirib. Nazir bildirib ki, bunlar öz xahişləri ilə işdən çıxmaq haqda ərizə yazan Aparat rəhbəri Tofiq Hüseynov və Hüquq, kadr və yerli orqanlarla iş şöbəsinin müdiri İlqar Həsənovdur.

“Mən heç kimi işdən kənarlaşdırmamışam. Onlar öz xahişləri ilə ərizə yazıb işdən uzaqlaşdılar”.

Qeyd edək ki, Heydər Əsədovun kənd təsərrüfatı naziri postuna gəlişindən az sonra iki nazir müavini – Aslan Aslanov və Bəhram Əliyev prezidentin sərəncamı ilə işdən çıxarılıblar. Heydər Əsədov bildirib ki, nazir müavini vəzifəsinə yeni təyinat gerçəkləşdirmək prezidentin səlahiyyətlərinə aiddir.

“Nazirin özünə müavin təyin etmək səlahiyyəti yoxdur. Bu səlahiyyət prezidentə məxsusdur. İki nazir müavini postu hələ ki boşdur. Bir müavinim var, mən də hələlik onunla işləyirəm. Aparatın rəhbəri öz xahişi ilə işdən gedib. Burada digər qurumların rəhbərləri yerindədir. Onlarla işləyirəm”-deyə Heydər Əsədov qeyd edib.

Heydər Əsədov bu il oktyabrın 22-də formalaşdırılan yeni hökumətdə kənd təsərrüfatı naziri təyin edilib.

Söhbət zamanı Türkiyə hökumətinin başçısına bu il noyabrın 12-13-də Azərbaycan Prezidenti İlham Əliyevin Türkiyəyə rəsmi səfərinin yekunlarını, həmin səfərin Azərbaycan liderinin bu vəzifəyə yenidən seçilməsindən sonra ilk xarici səfəri olmasını nəzərə alaraq necə qiymətləndirməsi barədə sual verilib. Ərdoğan deyib: 

“Əlbəttə, İlham Əliyevin ölkəmizə səfərləri bizim üçün artıq ənənəyə çevrilmişdir. Bizdə də seçkilər başa çatandan sonra ilk xarici səfərimiz Azərbaycana olur. Onlar da belə edirlər. İlham Əliyevin budəfəki iki günlük səfəri həqiqətən açıq və səmimi şəraitdə keçmişdir. Səfər çox səmərəli olmuşdur. Bildiyiniz kimi, bizdə həm Rusiya ilə, həm də Azərbaycanla Yüksək Səviyyəli Əməkdaşlıq Şurası yaradılmışdır və bu Şura fəaliyyətdədir. Biz hərbi, siyasi, iqtisadi sahələrdə, ticarət və mədəniyyət sahələrində çoxsaylı ikitərəfli sazişlər bağlamışıq. Bilirəm ki, Azərbaycan-Rusiya münasibətləri də müsbət istiqamətdə inkişaf edir. Bununla əlaqədar, bir məsələ mənim üçün xüsusilə əhəmiyyətlidir. Bu, həmsədri Rusiya, ABŞ və Fransa olan ATƏT-in Minsk qrupunun işi məsələsidir. Bu ölkələr Dağlıq Qarabağ problemi ilə əlaqədar onlara həvalə edilmiş öhdəlikləri yerinə yetirməlidirlər. Əgər münaqişə nizamlansa, yekunda Azərbaycan da qazanar, Ermənistan da, Türkiyə, Rusiya və İran da”. 

Bu barədə Müdafiə Nazirliyinin mətbuat xidmətindən məlumat verilib.

Səfir müdafiə nazirini yeni vəzifəyə təyin edilməsi münasibəti ilə təbrik edib və ona gələcək işlərində uğurlar arzulayıb. Müdafiə naziri Z. Həsənov isə Prezident, Silahlı Qüvvələrin Ali Baş Komandanı İlham Əliyevin Türkiyəyə rəsmi səfərinin iki ölkə arasında əlaqələrin daha da möhkəmlənməsinə töhfə verəcəyini, Azərbaycan ilə Türkiyə arasında hərbi əməkdaşlığın dostluq və qardaşlıq münasibətləri üzərində qurulduğunu qeyd edib.

Silahlı Qüvvələrin inkişafı istiqamətində həyata keçirilən fəaliyyətləri diqqətə çatdıran müdafiə naziri, Ermənistan tərəfindən işğal edilmiş torpaqların azad edilməsinin region üçün vacibliyini vurğulayıb və Azərbaycan tərəfinin işğal faktı ilə barışmayacağını bildirib.
Daha sonra regional və ikitərəfli əməkdaşlıqla bağlı digər məsələlər barədə də fikir mübadiləsi aparılıb.

Görüşdə Türkiyə Silahlı Qüvvələrinin Azərbaycandakı hərbi attaşesi briqada generalı Hasan Nevzat Taşdeler də iştirak edib.

Azərbaycan Müdafiə Nazirliyindən verilən məlumata görə, NATO ekspertləri tərəfindən Azərbaycan Silahlı Qüvvələrinin heyəti üçün müxtəlif mövzularda bir neçə təlim kursları təşkil olunacaq. Həmçinin hərbi təhsil sahəsində əməkdaşlıq imkanları müzakirə ediləcək.

Qeyd edək ki, noyabrın 25-dən 29-dək Azərbaycan Silahlı Qüvvələrində NATO günlərinin keçirilməsi də planlaşdırılır.