Qədim zamanlarda balqabaq yağı müalicəvi məhsul kimi çox yüksək qiymətləndirilir və geniş istifadə olunurdu.

Avropada kiçik balqabaq yağı butulkasının qiyməti qızıl üzüyün qiymətinə bərabər idi. Avropada balqabaq yağı yalnız müalicəvi vasitə kimi istifadə olunurdu.

Balqabaq yağı balqabaq tumlarından hazırlanır. Onun tərkibində bir çox vitaminlər (A, B1, В2, В6, C, E, K, P, PP), fosfolipidlər, flavonoidlər, minerallar (dəmir, maqnezium, sink, selen, kalsium, kalium və s.), Omeqa-3 və Omeqa-6 yağlı turşular var.

Belə zəngin tərkib balqabaq yağını insan orqanizmi üçün çox faydalı edir.

- Balqabaq yağı çox güclü qurdqovucu təsirə malikdir. Bu xüsusilə uşaqlar üçün vacibdir. Qurd əleyhinə dərmanlarla müqayisədə balqabaq yağının heç bir toksiki və s. ziyanlı yanaşı təsiri yoxdur.

- Balqabaq yağının digər qiymətli xüsusiyyəti qaraciyərin fəaliyyətini yaxşılaşdırmaq, qaraciyəri bərpa etmək xüsusiyyətidir.

- A vitamini ilə zəngin balqabaq yağı görmə üçün də çox faydalıdır.

- İmmun sisteminə müsbət təsir edir.

- Damarların sağlamlığını qoruyur, aterosklerozun inkişafını ləngidir.

- Bağırsaqların fəaliyyətini yaxşılaşdırır.

- Orqanizmdə qocalma prosesləri ləngidir.

- Dərini cavanlaşdırır.

Naturopat həkimləri (təbii vasitələrlə müalicə edən mütəxəssislər) balqabaq yağını hər axşam yeməkdən 30-40 dəqiqə sonra 1 ç.q. olmaqla qəbul etməyi tövsiyə edirlər.

Tbilisi-Bakı-Tbilisi reysi ilə uçuşlar həyata keçirəcək Gürcüstanın "Aviator" şirkətinin aviataksi xidmətlərinin qiyməti sərnişin sayından asılı olmayaraq 6930 dollar təşkil edəcək.

 Dalga tv-nin Xəbər.ge-yə istinadən xəbərinə görə, uçuşlar "Beechcraft KingAir C90GTX" təyyarəsi ilə həyata keçiriləcək. Bu təyyarə beş sərnişin tutumuna malikdir.

"Aviator" şirkəti Tbilisi beynəlxalq hava limanından Gürcüstanın və Cənubi Qafqazın bütün hava limanlarına, eləcə də Bakı, İstanbul, Trabzon və digər şəhərlərə uçuşlar həyata keçirəcək.

Qeyd edək ki, "Adjara Group Hospitality" şirkəti Gürcüstanın hotel sektorunda ən iri holdinqdir.

"Aviator" 2016-cı ilin sonunda "Adjara Group Hospitality" tərəfindən yaradılıb və daxili beynəlxalq sərnişin daşımaları üçün aviataksi xidmətləri göstərən ilk Gürcüstan şirkətidir.

Bakı-Qazax magistralının Goranboy rayonundan keçən hissəsində, Borsunlu kəndi ərazisində mikroavtobus qəzaya uğrayıb.Dalga tv-nin 

APA-ya istinadən məlumata görə, eyni istiqamətdə hərəkətdə olan “Mersedes” markalı mikroavtobus və “Mersedes” markalı minik avtomobili toqquşub.

Gəncə-Yevlax marşrutunda fəaliyyət göstərən mikroavtobus yolun kənarına aşıb. Qəza zamanı sürücü 1974-cü il təvəllüdlü Bayramov Vüqar Faiz oğlu ağır yaralanıb.

Sərnişinlərdən 1960-cı il təvəllüdlü Nəcibə Şirinova və 1957-ci il təvəllüdlü Məhruzə Tağıyeva müxtəlif bədən xəsarətləri ilə Gəncə şəhər Təcili Yardım Xəstəxanasına yerləşdirilib.

Faktla bağlı Baş Dövlət Yol Polis İdarəsində araşdırma aparılır. 

Antibiotiklərin 15 gün və bundan daha uzun müddət ərzində qəbulu bağırsaq xərçənginin riskini 73%-ə qədər artırır.

Antibiotiklərə görə bağırsaqlarda polip və digər törəmələr əmələ gələ bilər ki, onların xərçəngə çevrilməsi riski yüksək olur.

The Daily Mail xəbər verir ki, yaş artdıqca antibiotiklərin qəbulu ilə bağlı təhlükə daha da artır. Belə ki, 40-50 yaşlı insanlar üçün antibiotiklərin uzunmüddətli qəbulu 20-30 yaşlı insanlarla müqayisədə daha risklidir.

Tədqiqatçılar qeyd edirlər ki, antibiotiklərin uzunmüddətli qəbulu bağırsaqların mikroflorasını pozur ki, bu da xərçəngin inkişafına bilavasitə təsir edir.

Çay bizim ən çox sevilən ənənəvi içkimizdir. Çay çox faydalıdır.

Güclü antioksidant xüsusiyyətlərinə görə çay orqanizmdə gedən qocalma proseslərini ləngidir, ürək-damar sistemini qoruyur, bir çox xəstəliklərin, o cümlədən xərçəngin inkişafının qarşısını alır.

Lakin bəzən çay orqanizmə ziyan da vura bilər. Bu hansı hallarda mümkündür?

1. Yüksək hərarət zamanı isti tünd çay ziyanlıdır və hərarətin daha da artmasına səbəb ola bilər.

2. Çox isti, qaynar çay içmək olmaz. Belə çayın daim istehlakı boğaz, qida borusu və mədə xərçənginə səbəb ola bilər. Mütəxəssislərdən tövsiyə - çay dodaqlarınızı yandırmırsa, içə bilərsiniz. Əks halda soyumasını gözləyin.

3. Yatmazdan bilavasitə əvvəl çay içməyin. Çayın tərkibində olan kofein sinir sistemini "oyadır" və bu da yuxuya getməyə mane olur. Digər tərəfdən çay sidikqovucu təsirə malikdir ki, bu da gecə rahat yatmağa əngəl ola bilər.

4. Qida qəbulundan dərhal sonra çay içməyin. Bu zülalların və dəmirin mənimsənilməsini pisləşdirir.

5. Spirtli içkilərdən sonra çay içmək olmaz. Bu böyrəklər üçün çox ziyanlıdır.

6. Axşamdan qalan çayı içməyin. Belə çayda artıq faydalı maddələr qalmayıb, mikrobların sayı isə əksinə çoxalıb.

7. Dərmanın üstündən çay içməyin. Bu dərmanların mənimsənilməsinə mane olur.

Gürcüstanın Marneuli rayonundakı Baydar və Kürtlər kəndlərinin sakinləri etiraz aksiyası keçiriblər.

APA-nın Gürcüstan bürosunun məlumatına görə, aksiyanın keçirilməsində məqsəd suvarma suyunun çatışmamasıdır. Sakinlər Baydar kəndinin mərkəzinə toplaşdıqdan sonra əkin sahələrinin suvarıldığı su kanalının vəziyyəti ilə tanış olmaları üçün rayon rəhbərliyini ora dəvət ediblər. Sonra aksiya kanalın ətrafında davam edib. Sakinlər su idarəsi ilə müqavilə bağladıqlarını, lakin suyu bölüşdürən cuvarların adı çəkilən kəndlərə su vermədiklərini bildiriblər. Onlar kiçik əkin sahələrinin, həyətyanı sahələrin suvarma su ilə təmin olunmadığını, lakin 50-60 və daha çox torpaq sahələrinin suvarma suyu ilə təmin olunduğunu söyləyiblər.

Aksiyadan xəbər tutan rayon su idarəsinin rəhbərliyi idarənin baş mühəndisi və digər mütəxəssisləri suvarma kanalı ilə tanış olmaq üçün sakinlərin toplaşdığı sahəyə yollayıb. Sakinlər və baş mühəndis arasında danışıqdan məlum olub ki, su idarəsinin rəhbərliyi iki kanalın ayrıcına su şlyüzü qoymağı planlaşdırır.

Baş mühəndis Vladimir Xarçiladze APA-ya açıqlamasında iştirakçıların tələbləri ilə çoxdan tanış olduğunu bildirib. O, hazırkı vəziyyətdə şlyüzün qoyulmasının çətin olacağını, lakin suvarma kanalını təmizlədikdən və bu yay mövsümünü başa vurduqdan sonra payızda kanala şlyüzlərin qoyulmasının mümkün olacağını deyib. Onun sözlərinə görə, hazırda kanalda iş başlayıb: “Biz kanalın içindəki zibili və otları təmizlədikdən sonra hələlik suvarma suyunu qrafiklə verəcəyik. Düşünürəm ki, hələlik problemin çıxış yolu budur. Problemin həlli isə payızda olacaq”.

Marneuli rayon bələdiyyəsinin sədri Nəbi Abdullayev iki kəndin su problemindən xəbərdar olduğunu və su idarəsinə müvafiq göstərişlər verdiyini, problemin yaxın günlərdə həll olunacağını vurğulayıb.

Gürcüstan parlamentinin deputatı Ruslan Hacıyev isə seçiciləri olan Baydar və Kürtlər kənd sakinlərinin ona da müraciət etdiklərini və suvarma suyu çatışmazlığı barədə ətraflı məlumat aldığını bildirib: “Kənd Təsərrüfatı Nazirliyi tezliklə tədbirlər görəcək. Bu gün parlamentdə, sessiyadayam. Sabah sakinlərlə görüşüb, problemin həlli barədə onlara ətraflı məlumat verəcəyəm”.