Bakıda ikimərtəbəli yaşayış binasında yanğın baş verib.  

Dalga tv Report-a istinadən xəbər verir ki, hadisə Yasamal rayonunda, “Sovetski” kimi tanınan ərazidə, üçotaqlı mənzildə qeydə alınıb. 

Hadisə yerinə Fövqəladə Hallar Nazirliyinin (FHN) Dövlət Yanğından Mühafizə Xidmətinin canlı qüvvəsi və texnikası cəlb olunub. Yanğın söndürülüb, alovun digər mənzillərə keçməsinin qarşısı alınıb. 

Üçotaqlı mənzilin bir otağı tamamilə yanıb. 

Yanğının başvermə səbəbləri araşdırılır.

Bakıda beşmərtəbəli binanın dam örtüyü uçub.

Dalga tv report-a istinadən xəbər verir ki, hadisə Biləcəri qəsəbəsi, Qalib Süleymanov küçəsi 38 ünvanında qeydə alınıb.

Belə ki, güclü külək binanın dam örtüyünü uçuraraq yerə salıb.

Dəmir konstruksiyadan ibarət olan dam örtüyünün altında binanın sakinlərinə məxsus 10-a yaxın maşın qalaraq yararsız vəziyyətə düşüb. 

Hələ dahi Hippokrat və Parasels elmi əsərlərində havanın insan sağlamlığına ciddi təsirini qeyd edirdilər.

Müasir tibb də havanın insan sağlamlığına olan təsirini təsdiq edir. Yağış, güclü külək, hava temperaturunun və atmosfer təzyiqinin kəskin dəyişilməsi əksər insanların sağlamlığına təsir edir.

Müasir elmi araşdırmalar güclü küləyin sağlamlığımıza olan mənfi təsirini sübut edir.

1. Alimlərin fikrinə görə, güclü külək insanın sinir sisteminə və psixikasına olduqca ciddi təsir edir, müxtəlif pozulmaların və xəstəliklərin kəskinləşməsinə səbəb olur. Belə ki, güclü külək baş ağrılarına, başgicəllənməsinə, miqrenə, depressiyanın kəskinləşməsinə səbəb ola bilər. Küləkli hava ruhi xəstələrin vəziyyətini ağırlaşdırır, belə havada intiharların sayı artır.

2. Küləkli hava insanın yuxusuna da təsir edir - gecə vaxtı insan yuxusuzluqdan əziyyət çəkir, günorta yuxulu, süst olur.

3. Güclü külək ürək-damar sisteminin normal fəaliyyətini də pozur. Nəticədə ciddi ürək-damar sistemi xəstəlikləri olan insanlarda ürək tutmalarının və infarktın riski artır.

Lakin hətta sağlam insanlar küləkli havada ürək nahiyəsində narahatçılıq, nəbzin artması kimi simptomlları qeyd edirlər.

4. Külək həmçinin mədə-bağırsaq sisteminə də təsir edir - köp, qarın ağrısı kimi simptomlar əmələ gələ bilər.

5. Tənəffüs sitemi xəstəliklərindən əziyyət çəkən insanlarda xəstəliyin kəskinləşməsi mümkündür. Yaponiya alimləri araşdırmalar nəticəsində aşkar ediblər ki, güclü külək astma tutmalarının riskini artırır.

6. Oynaqlar da küləyə reaksiya verir - oynaqlarda ağrılar əmələ gələ bilər.

7. Güclü külək insanın əhvalına da mənfi təsir edir - insan daha əsəbi və səbirsiz olur, əhvalı tez-tez dəyişir.

Azərbaycanın Gürcüstandakı səfirliyində 31 mart - Azərbaycanlıların soyqırımı günü ilə əlaqədar anım mərasimi keçirilib.

APA-nın Gürcüstan bürosunun məlumatına görə, diplomatik korpus nümayəndələrinin, ziyalıların iştirak etdiyi tədbiri səfir Dursun Həsənov açıb. Səfir erməni-bolşevik birləşmələri tərəfindən törədilən soyqırımı haqqında danışaraq deyib ki, 1918-ci ilin 31 mart və 1-2 aprel 1918-ci il tarixlərində Bakıda və Azərbaycanın demək olar ki, bir çox yaşayış məntəqələrində, o cümlədən , Şamaxı, Quba, Kürdəmir, Salyan, Qarabağ, Zəngəzur, Naxçıvan və Lənkəranda əliyalın insanlar kütləvi şəkildə amansızcasına öldürülüb: “Bu, əsl soyqırımı idi. Bu barədə tarixi mənbələrdə qeyd edilib. Tarix göstərir ki, erməni-bolşevik dəstələri əvvəlcədən Şamaxıda yerləşdirilib və 2000 erməni əsgəri və 60 yük maşınına doldurulmuş silah-sursat əvvəlcədən müəyyənləşdirilən yerə gətirilmişdi”.

Səfir Ermənistandan 200 mindən çox soydaşımızın öz ata-baba torpaqlarından qovulduğunu da bildirib.

D. Həsənov çıxışında 1998-ci il martın 26-da prezident Heydər Əliyevin imzaladığı “Azərbaycanlıların soyqırımı haqqında” fərman ilə azərbaycanlıların soyqırımına əsl hüquqi və siyasi qiymət verildiyini bildirib.

Tədbirdə çıxış edən Azərbaycanın dövlət müşaviri Kamal Abdullayev erməni terrorçularının azərbaycanlıları, gürcüləri, həmçinin ermənilərin özünü də qətlə yetirdiyini bildirib: “Biz hər il bu soyqırımı hadisələrinin qurbanlarını anırıq. Bu, soyqırımı Azərbaycan xalqının qan yaddaşına yazılan hadisədir”.

K. Abdullayev Azərbaycan və Gürcüstan arasında multikulturalizmin inkişafından da danışıb: “Bu gün mən Gürcüstan və Azərbaycan gənclərinə multikulturalizm fənni ilə bağlı mühazirə oxudum və gürcü və azərbaycanlı gənclərin bu mövzuya maraqlarının olduğunu gördüm. Azərbaycan və Gürcüstan dostluğu bizə həmişə əzizdir”.

Terrorizm və Problemlər Araşdırmalar Mərkəzinin sədri Badri Naçkebia hələ M. Lomonosov adına Moskva Dövlət Universitetində terrorizmlə əlaqədar diplom müdafiəsində ermənilərin onun müdafiəsinə mane olduqlarını bildirib. O, terrorizmlə bağlı diplom işində yazdıqlarının həqiqət olduğunu bildirib: “Azərbaycan xalqı soyqırımı qurbanı olub. Bu, tarixi həqiqətdir. Bu gün qardaş Azərbaycan xalqı üçün ağrılı bir gündür. Mən Azərbaycan xalqına başsağlığı verirəm”.

Tədbirdə Suxumi Dövlət Universitetinin professoru Quram Marxuliya hər gün tələbələrlə soyqırımı haqqında faktları sadaladığını bildirib: “Ermənistanın yerləşdiyi torpaqlar Azərbaycanın tarixi torpaqlarıdır. Ermənilər 1918-ci ildə Gürcüstana da hücum edib. Tiflisdə yaşayan ermənilər onlara kömək edib. Ermənilər sovet dövründə də Abxaziyada Baqramyan adına alay yaradaraq gürcülərə qarşı vuruşublar. Belə bir hadisə 1905-1906-cı illərdə də baş verib. Bu illərdə ermənilər tərəfindən həm gürcülər, həm də azərbaycanlılar öldürülüb”.

Çıxışçılar artıq 31 mart soyqırımından 100 ilə yaxın zaman keçdiyini və hələ də soyqırımı aktının insanların zehnindən silinmədiyini, ermənilərin azərbaycanlılara qarşı törətdikləri vəhşiliklərin hələ də davam etdiyini bildiriblər.

Sonda soyqırımı haqqında film nümayiş etdirilib. Səfirliyin binasının foyesində erməni terrorundan bəhs edən kitabların sərgisi təşkil olunub.

Ekologiya və Sərvətlər Nazirliyi Azərbaycanda ən güclü küləyin qeydə alındığı tarixi açıqlayıb. 

Nazirlikdən APA-ya verilən xəbərə görə, Azərbaycanda ən güclü külək Bakıda və Abşeron yarımadasında 2007-ci il 24-25 fevral tarixlərində qeydə alınıb.

İki gün davam edən şimal-qərb küləyinin maksimal sürəti 35-40 

Bir yandan inkişaf edən texnologiya ilə göz xəstəliklərinin həllini tapmağa çalışırıq, digər yandan da bu texnologiya fərqli göz problemlərinin ortaya çıxmasına səbəb olur.

Özəlliklə ofis işçilərinin və gənclərin kompüter arxasında çox vaxt keçirməsi göz sağlamlığı ilə bağlı problemlərə, Kompüter görmə sindromuna yol açır.
Kompüter görmə sindromu (KGS) adlandırılan bu problem kompüter və ya televizor ekranına fasiləsiz baxarkən gözlərdə diqqəti təmin edən əzələlərin yorulması ilə yaranır.
 
Gündə ən az 7-8 saat kompüterə baxılır
 
Dalga tv lent.az-a istinadən xəbər verir ki, gərgin iş həyatı, sürətli texnoloji inkişaf təxminən 7-8 saat kompüter arxasında vaxt keçirməyə səbəb olur. Gün ərzində saatlarla kompüter qarşısında oturmaq göz sağlamlığına zərər verir.
 
KGS son illərdə ortaya çıxmış və adı çox az eşidilən bir xəstəlikdir. Gözlərdə diqqəti təmin edən əzələlərin yorulması, kompüter istifadəsi zamanı göz qırpma sayının azalması nəticəsində yaşanan göz quruması KGS-nın yaranmasına səbəb olur.
 
Yanlış işıqlandırma gözlərə zərər verir
 
Yanlış işıqlandırılan və havalandırılan otaq xəstəliyin əlamətlərinin şiddətlənməsinə səbəb olur. KGS-nın əlamətləri sırasında baş ağrıları, bulanıq görmə, boyun ağrısı, yorğunluq, göz yorğunluğu və quruluğu, ikigörmə, baş gicəllənmə, polyopia və diqqəti cəmləşdirməkdə çətinlik yer alır. Gündə kompüter arxasında 3 saat və daha çox vaxt keçirən insanların 90%-də bu problem görülür.
Əlamətlər sırasında ən çox diqqət çəkən isə baş ağrıları və göz quruluğudur. Bu problemin diaqnozu üçün isə göz müayinəsindən keçmək lazımdır.
 
KGS-nın qarşısını almaq üçün isə gözləri tez-tez açıb bağlamaq, göz yaşlarının tam göz ətrafına axaraq göz quruluğunun qarşısını almasını təmin etmək lazımdır. Düzgün işıqlandırılmış yerlərdə oturmaq və hər 20 dəqiqədən bir ən az 20 saniyə boyunca 6-7 metr uzağa baxmaq lazımdır.
Kompüter ekranında yarım metr uzaqda oturun. Eynək istifadəsi də sindrom əlamətlərini minimuma endirəcək.