Mütəxəssislər qeyd edir ki, insanın yuxu zamanı aldığı poza onun sağlamlığına ciddi təsir edə bilər.

Dalga tv xəbər verir ki, sol böyürü üstə yatmaq insanın mədə-bağırsaq sisteminin fəaliyyətinə (xüsusilə mədə və mədəaltı vəzinə) və həmçinin immun sisteminə müsbət təsir edir. Bu vəziyyətdə bütün orqanizmin fəaliyyəti yaxşılaşır, limfa sisteminin orqanizmdən toksinlər və s. ziyanlı maddələrin çıxarılması ilə bağlı fəaliyyəti güclənir.

Sağ böyürü üstə yatan insanlarda isə əksinə həzm və limfa sisteminin fəaliyyəti pisləşir.

Bel üstə yatmaq da ziyanlı sayılır. Belə vəziyyətdə yatan insanda nəfəsalma çətinləşir ki, nəticədə qanda oksigenin səviyyəsi azalır, tənəffüs sistemi xəstəliklərinin riski artır.

Gürcüstanda qanunsuz narkotik satışı ilə məşğul olan şəxslər saxlanılıb. Onların arasında azərbaycanlılar da var.

Dalga tv-nin APA-ya istinadən məlumatına görə, bunu Gürcüstan Daxili İşlər Nazirliyinin rəsmisi Mixeil Caqnidze keçirdiyi xüsusi brifinqdə bildirib.

Onun sözlərinə görə, azərbaycanlıların yaşadığı Poniçala kəndində (Soğanlıq), habelə Qurcaani rayonunda keçirilən əməliyyat nəticəsində saxlanılan şəxslərin dördü Gürcüstan, biri isə Rusiya vətəndaşıdır.

26 yaşlı Azər A.-nın evində axtarış zamanı 24 paket heroin, əvvəllər məhkumluq həyatı yaşamış 27 yaşlı Nizadil Q.-dan 3,9872 qram 23 paket heroin, 34 yaşlı Elməddin M.-in evində 3,2181 qram heroin, 29 yaşlı Ruslan. İ.-nin evində isə 1,5 qram psixotrop maddə aşkar edilib. Aşkarlanan narkotik maddənin ümumi miqdarı 13 qramdır.

Qeyd edək ki, Ruslan. İ adlı şəxs Rusiya vətəndaşıdır. Ona ömürlük, yaxud 20 illik həbs cəzası verilə bilər. Digərləri isə 11 illik həbs cəzasına məhkum edilə bilər.

Kalori - orqanizmdə gedən bütün proseslər üçün əsas enerji mənbəyi sayılır. Onlar üç əsas növ qida maddələrindən əldə edilir: Zülal, yağ və karbohidratlar. Orqanizmə ziyan vurmamaq, normal bədən çəkisini saxlamaq üçün gündəlik kalori miqdarına nəzarət etmək vacibdir.

Artıq çәkinin әsas sәbәbi ehtiyacınız olandan artıq yemәkdir. Çox qida qәbulu ürәyә artıq yük verir, hәzm prosesi yavaşlayır vә bağırsaq sistemin şlaklanmasına gәtirib çıxarır. Günә nә qәdәr qida yeyilmәsini bilmәk üçün kalori normasını hesablamaq lazımdır.

Bu yazıda kalorini düzgün hesablamaq və tez arıqlamaqdan bəhs edirik.

Niyə kiməsə gündə 1500 kalori kifayət etdiyi halda, başqası 2000 kalori qəbul edir?

Gündəlik kalori normasının əsası hissəsi orqanizmdə daxili proseslərin dəstəklənməsinə sərf olunur. Məlumdur ki, orqanizm bədən dincələn zaman, məsələn, yuxu zamanı da, müəyyən miqdarda enerji yandırır. Axı orqan və sistemlərin fəaliyyəti bir an belə dayanmır, bədən qəfəsinin hər birində daim müxtəlif proseslər baş verir. Hətta gün ərzində qəbul etdiyimiz kalorinin 20 faizi beynin fəaliyyətinə sərf edilir.

Gündəlik kalori qəbulu nə qədər olmalıdır?

Bu sual pəhriz saxlayan, bədən formasına diqqət edən bir çoxlarını maraqlandırır. Kişi və qadınlarda gündəlik kalori qəbulu fərqlidir. Kalori qəbulu yaş, cins, həyat tərzi, xəstəlik, dərman qəbuluna görə dəyişir.

Bir qayda olaraq, qadınların gündəlik kalori qəbulu 1200-1500 kaloridir. Kişilərin gündəlik kalori qəbulu orta hesabla 2300-dür. Amma verilən rəqəmlər insandan asılı olaraq dəyişir.

Kalori qəbulu ətraf mühitin təsirindən asılı olaraq da dəyişir. Məsələn, soyuq, şaxtalı havada bədənin enerjisini artırmaq lazımdır, yaz və yayda isə bu tələbat azalır. Kalori normasını düstur yardımı ilә hesablamaq olar, orada yaş, cins, çәki vә boy nәzәrә alınır. Bu düsturun yardımı ilә siz әsas maddә mübadilәsinin (ӘMM) ölçüsünü hesablaya bilərsiniz.

Qadınlar üçün ƏMM hesablanma üsulu:

10 х çəki (kq) + 6,25 х boy (sm) – 5 х yaş (il) – 161.

Kişilərin üçün ƏMM hesablanma üsulu:

10 х çəki (kq) + 6,25 х boy (sm) – 5 х yaş (il) + 5.

Yaş illә, boy santimetirlә, çәki kiloqramla ölçülür. Әvvәl mötәrzәdә olanları vurun, sonra alınan rәqәmlәri üst-üstә gәlin. Nәticәdә, lazım olan gündәlik kalorini alacaqsız. Hesablanmış ӘMM ölçüsündә fiziki aktivliyinizin intensivliyi də nəzərə alınır. Aktivlik artarsa, kalori miqdarı da artmalıdır.

Orqanizmə xələl gətirməmək, piylənmədən əziyyət çəkməmək üçün kalori miqdarına mütləq nəzarət edin. Bu hesablama qarşıya qoyduğunuz məqsədlərə tez çatmağınıza yardım edəcək.

European Journal of Preventive Cardiology jurnalında dərc olunmuş araşdırmada göstərilib ki, yuxusuzluq ürəyin işemik xəstəliyi, ürək çatışmazlığı, infarkt və insultun riskini xeyli artırır.

Yuxusuzluq metabolik proseslərə və endokrin sisteminin fəaliyyətinə təsir edir, simpatik sinir sistemini aktivləşdirir, qan təziyiqini və qanda sitokinlərin səviyyəsini artırır. Bütün bu faktorlar isə ürək-damar sistemi xəstəliklərinin risk faktorları sayılır.

Araşdırmanın müəllifləri qeyd edirlər ki, yuxu orqanizmin bərpası üçün həyati vacibdir. Lakin müasir cəmiyyətdə bir çox insanlar yuxusuzluqdan əziyyət çəkir. Belə ki, məsələn, Almaniya əhalisinin 1/3 hissəsi müxtəlif yuxu pozulmalarından  şikayətlənir.

Araşdırmada 160 mindən çox insan iştirak edib.

Maraqlıdır ki, qadınların sağlamlığına kişilərlə müqayisədə yuxusuzluq daha pis təsir edir.

Alimlər qeyd edir ki, yuxusuzluqdan əziyyət çəkən insanlar heç bir halda bu vəziyyətlə barışmamalı və vaxtında mütəxəssislərə müraciət etməlidir.

Bakıda ötən gün iki qadın intihara cəhd edib.

Dalga tv Xəzər TV-yə istinadən xəbər verir ki, intihara cəhd 20 Yanvar körpüsündə baş verib.

İki qadın özünü körpüdən aşağı atmaq istəyib. Lakin polis əməkdaşları onları fikirlərindən daşındırmağa müvəffəq ola biliblər.

Belə ki, qadınlarla söhbət edən polislər onları bu yoldan çəkindiriblər. Bir müddət sonra hər iki qadın polislərin köməyi ilə körpüdən uzaqlaşdırılıb.

Bu ilin yanvar-mart aylarında Gürcüstana 368 min Azərbaycan vətəndaşı səfər edib. Bu da ötən ilin eyni dövrü ilə müqayisədə 4,2% çoxdur.

Dalga tv Report-a istinadən xəbər verir ki, bu göstərici ilə Azərbaycan vətəndaşları bu ilin ilk üç ayında Gürcüstana səfər edən xarici ölkə vətəndaşları sırasında birinci yerdədirlər.

İkinci yerdə 264 min nəfərlə (+15,3% çox) Ermənistan, üçüncü yerdə isə 236 min nəfərlə (-13,7%) Türkiyə gəlir. Rusiya 185 min nəfərlə 4-cü, İran isə 55 min nəfərlə 5-ci yerdədir.

Ümumilikdə bu ilin yanvar-mart aylarında Gürcüstana 1,26 milyon nəfər xarici ölkə vətəndaşı səfər edib. Bu da 2016-cı ilin eyni dövrü ilə müqayisədə 11,4% çoxdur.

İki ayın göstəricilərinə görə, xarici qonaqlar ödəniş kartları vasitəsi ilə 293 milyon lari həcmində pul xərcləyiblər.