Rusiyanın tanınmış idman müxbiri və şərhçisi Vasili Utkin Belarusun prezidenti Aleksandr Lukaşenko haqqında fikirləri ilə gündəmə gəlib. 
Telekonfrans zamanı V.Utkin hər yeni gününü Belarus liderinin başını unitaza soxmaqla başlamaq istədiyini bildirib.

O bu cavabı tamaşaçılardan birinin Lukaşenkoya münasibəti barədə verdiyi sualın cavabında deyib: “Mən hər yeni günü onun başını unitaza soxmaqla başlamaq istərdim. Bu gün üçün yaxşı əhval-ruhiyyə olardı”. 

Azərbaycan prezidenti İlham Əliyev MDB Dövlət Başçıları Şurasının iclasında iştirak edir. Oktyabrın 25-də Belarusun paytaxtı Minsk şəhərində MDB Dövlət Başçıları Şurasının növbəti iclası keçirilir. Azərbaycan prezidenti İlham Əliyev iclasda iştirak edir. Belarus prezidenti Aleksandr Lukaşenko iclasda iştirak edən dövlət başçılarını “Müstəqillik sarayı”nda qarşılayıb. Dövlət başçıları xatirə şəkli çəkdiriblər. Əvvəlcə MDB Dövlət Başçıları Şurasının məhdud tərkibdə iclası keçirilib. Prezident Aleksandr Lukaşenko dövlət başçılarını iclasın gündəliyi ilə tanış etməzdən əvvəl prezidenti İlham Əliyevi seçkilərdə inamlı qələbəsi münasibətilə təbrik etdi, ona ali dövləti vəzifəsində uğurlar arzulayıb. A.Lukaşenko deyib ki, MDB dövlət başçılarının növbəti iclasının gündəliyində müxtəlif sahələrdə əməkdaşlığı əhatə edən 14 sənəd layihəsi müzakirə olunacaq. Humanitar sahədə əməkdaşlıq üzrə müzakirə olunacaq əsas məsələ sovet xalqlarının faşizm üzərində qələbəsinin 70-ci ildönümü münasibətilə keçiriləcək təntənəli mərasimə hazırlıq, 2015-ci ilin MDB ölkələri üçün “1941-1945-ci illərin Böyük Vətən Müharibəsi veteranlarının ili” elan edilməsi və vahid yubileyə mükafatının təsis edilməsi olacaq. Digər müzakirələrdə ötən il ərzində görülmüş işlərə nəzər salınacaq, bəzi məsələlər barədə fikir mübadiləsi aparılacaq, müxtəlif yanaşmalar olan sənədlərlə bağlı cavab layihələri müzakirə ediləcək. Gündəliyə iqtisadi və humanitar sahələrdə əməkdaşlığa dair, eləcə də insan və maliyyə təhlükəsizliyinin təmin olunmasında və Birliyin fəaliyyətinin digər istiqamətlərində inteqrasiya proseslərinin sürətləndirilməsinə yönəlmiş layihələr ətrafında fikir mübadiləsi aparılacaq. Daha sonra MDB İcraiyyə Komitəsinin sədri – icra katibi Sergey Lebedev iclasın gündəliyi barədə qısa məlumat verib. Məhdud tərkibdəki iclasda çıxış edən prezident İlham Əliyev səmimi təbrikə görə Belarusun prezidenti Aleksandr Lukaşenkoya təşəkkürünü bildirib. Dövlətimizin başçısı bundan sonra da ölkələrimiz arasında əməkdaşlığın və dostluğun, sülh və əmin-amanlığın möhkəmləndirilməsi istiqamətində fəaliyyətini davam etdirəcəyini diqqətə çatdırıb. Azərbaycan Prezidenti bildirib ki, MDB ölkələrini bir-birinə tarixi köklər bağlayır, xalqlarımız Böyük Vətən müharibəsində faşizm üzərində birgə qələbə çalıblar. İndi də ölkələrimiz arasında çox səmərəli siyasi-iqtisadi münasibətlər mövcuddur. İ.Əliyev bir neçə gündən sonra Bakıda keçiriləcək Humanitar Forum barədə də məlumat verib. Daha sonra digər dövlətlərin başçılarının çıxışları dinlənilib. Rusiya Prezidenti Vladimir Putin birlik ölkələri arasında iqtisadi əməkdaşlıq və inteqrasiya proseslərinin inkişaf etdirilməsinin, terrorizmlə mübarizədə birgə səylərin zəruriliyini önə çəkib, 2014-ci ilin “Turizm ili”, Almatı və Oş şəhərlərinin MDB-nin mədəniyyət paytaxtları elan olunmasını dəstəkləyib. 

Digər dövlət başçıları da müzakirə olunan məsələlərlə bağlı fikirlərini söylədilər, gündəliyi dəstəklədiklərini bildirdilər. İclas öz işini geniş formatda davam etdirəcək. 

Azərbaycan prezidenti İlham Əliyev MDB Dövlət Başçıları Şurasının iclasında iştirak etmək üçün Belarusun paytaxtı Minskə gəlib. 

MDB-nin üzvü olan ölkələrin dövlət bayraqlarının dalğalandığı Minsk Milli Aeroportunda Azərbaycan prezidentini Belarusun yüksək vəzifəli dövlət və hökumət nümayəndələri qarşılayıblar.

Oktyabrın 25-də Azərbaycan Respublikasının Prezidenti İlham Əliyev MDB Dövlət Başçıları Şurasının iclasında iştirak etmək üçün Belarus Respublikasının paytaxtı Minskə yola düşüb.

Dövlətimizin başçısını Heydər Əliyev Beynəlxalq Aeroportundan Baş nazir Artur Rasizadə, Prezident Administrasiyasının rəhbəri Ramiz Mehdiyev və Bakı Şəhəri İcra Hakimiyyətinin başçısı Hacıbala Abutalıbov yola salıblar.

Azərbaycan müdafiə nazirinin yeni müavini təyin olunub. 

Yeni nazir müavini və Hərbi Hava Qüvvələrinin komandanı, general-mayor Ramiz Tahirovdur.

R. Tahirov Hava Hücumundan Müdafiə Qoşunlarında xidmət edib. O, bu təyinata qədər Azərbaycan Prezidentinin hərbi məsələlər üzrə köməkçisinin müavini vəzifəsində çalışıb.

Qeyd edək ki, bu gün müdafiə nazirinin müavini, Hərbi Hava Qüvvələrinin komandanı, general-mayor Altay Mehdiyev vəzifəsindən azad olunub.

Azərbaycanda oktyabrın 9-da keçirilmiş prezident seçkiləri AŞPA Daimi Komitəsinin noyabrın 22-də Vyanada keçiriləcək iclasında müzakirə olunacaq.

Bu məsələ iclasına gündəminə daxil edilib. Toplantıda AŞPA-nın Azərbaycandakı seçkilərin müşahidəsi üzrə missiyasının rəhbəri Robert Valterin öz hesabatını təqdim edəcəyi gözlənilir. 

Daimi Komitədə Gürcüstanda keçiriləcək prezident seçkiləri, Avropada miqrasiya, qaçqınlar və daimi yaşayış yerlərini dəyişmiş insanların məsələsi, narkotrafik və digər məsələlər də müzakirə olunacaq.

Xatırladaq ki, AŞPA missiyası oktyabrın 10-da Bakıda açıqladığı ilkin rəyində seçkilərin ümumən azad, ədalətli və şəffaf keçirildiyini bildirib.