Gürcüstanda keçirilən prezident seçkilərində müşahidəçi qismində iştirak edən GUAM Parlament Assambleyasının müşahidəçilər qrupunun rəhbəri, Azərbaycan Milli Məclisinin deputatı Elton Məmmədov demişdir ki, müşahidə etdiyimiz seçki məntəqələrində seçkilər demokratik, şəffaf, Gürcüstanın Seçki Məcəlləsinə və qanunvericiliyinə uyğun keçir, xırda texniki qüsurlara baxmayaraq hələlik elə bir pozuntuya yol verilməmişdir.
Bildirilmişdir ki, seçki məntəqlərində müşahidəçilər və sçicilər üçün lazımi şərait yaradılmışdır.
Elton Məmmədov Gürcüstan azərbaycanlılarının yığcam yaşadıqları Kvemo Kartli-Borçalı bölgəsində də seçkilərin gedişini müşahidə etmək üçün bölgəyə gedəcəyini vurğulamışdır.
Gürcüstan Mərkəzi Seçki Komissiyasından verilən məlumata görə saat 17:00 dək 1,2 milyon seçici öz seçimini etmiş və hələlik seçkilər dinc, normal şəraitdə keçir.

 

APA-nın məlumatına görə, bu gün yerli vaxtla saat 8.00-da bütün ölkə üzrə 3700 məntəqədə səsverməyə start verilib.

Səsvermə saat 20.00-da başa çatacaq.

Ölkə üzrə 3,5 milyon seçici səsvermə hüququndan istifadə edə bilər. Xaricdə isə 52 məntəqədə 48,5 Gürcüstan vətəndaşı səs verə biləcək.

Prezidentlik postu uğrunda 21 nəfər mübarizə aparır. Əsas mübarizənin isə baş nazir Bidzina İvanişvilinin rəhbəri olduğu hakim “Gürcü arzusu” koalisiyasının namizədi Georgi Marqvelaşvili, parlamentin sabiq spikeri Nino Burcanadze və prezident Mixail Saakaşvilinin lideri olduğu Vahid Milli Hərəkatın namizədi David Bakradze arasında gedəcəyini proqnozlaşdırılır.

Seçkiləri çoxsaylı yerli və xarici müşahidəçilər izləyir.

İlkin nəticələrin oktyabrın 28-də, rəsmi nəticələrin isə səsvermə günündən 20 gün ərzində açıqlanacağı gözlənilir.

Qeyd edək ki, Gürcüstanın Azərbaycandakı səfirliyində də seçki məntəqəsi yaradılıb.

 

Bu gün Gürcüstanda keçirilən prezident seçkilərində Gürcüstanın dövlət və hökumət rəhbərləri səs veriblər.
APA-nın Gürcüstan bürosunun məlumatına görə, baş nazir Bidzina İvanişvili, prezidentliyə namizədlərdən Georgi Marqvelaşvili, David Bakradze, Nino Burcanadze və başqaları ailə üzvləri ilə seçki məntəqələrinə gələrək səs veriblər.

Baş nazirin və prezidentliyə namizədlərin səsvermədə iştirakını yerli və beynəlxalq müşahidəçilər izləyiblər.

Gürcüstan müstəqillik qazandıqdan sonra ölkədə 6-cı dəfə prezident seçkiləri keçirilir. Bu ölkənin vətəndaşları Zviad Qamsaxurdia(1 dəfə), Eduard Şevardnadze (2 dəfə), Mixeil Saakaşvilidən (2 dəfə) sonra 4-cü prezidenti seçirlər.
Cari seçkilərdə 23 nəfər prezidentliyə namizəd və 3.537.719 nəfər seçici qeydə alınmışdır. Onlar 84 seçki dairəsinin 3.689 seçki məntəqəsində səs verəcəklər.
Gürcüstan Mərkəzi Seçki Komissiyasından (MSK) verilən məlumata görə, seçkiləri 60 yerli və 65 beynəlxalq təşkilatdan 20.987 nümayəndə müşahidə edir. Seçkilərin gedişini 152 (onlardan 84-ü xarici ölkələrdəndir) kütləvi informasiya vasitələrinin 1.381 nəfər əməkdaşı işıqlandırır.

Gürcüstan Baş Naziri Bidzina İvanişvili ailəsi ilə birlikdə seçki məntəqəsinə qedib Georgi Margvelaşvili üçün səs verdi.
"Əlbətdə, bütün ailə Georgi Margvelaşvilinin lehinə səs verdi. Səsləndirmək olmazmı? O zaman, niyə soruşursunuz?" - İvanişvili bildirib.
İvanişvilinin öz qərarının səsləndirməsi nə MSK, nə də QHT-ları tərəfindən qanunun pozulması kimi hesab edilməyib.