Dövlət başçısı ali məktəbə rektor da təyin etdi.

Azərbaycan prezidenti İlham Əliyev Azərbaycan Dövlət Neft Akademiyasının adının dəyişdirilməsi haqqında sərəncam imzalayıb.

"DalğaTV" dövlət başçısının rəsmi saytına istinadla xəbər verir ki, sərəncama əsasən, Azərbaycan Dövlət Neft Akademiyası Azərbaycan Dövlət Neft və Sənaye Universiteti adlandırılıb.

Prezidentin digər sərəncamı ilə Mustafa Baba oğlu Babanlı Azərbaycan Dövlət Neft və Sənaye Universitetinin rektoru təyin olunub.

Gürcüstana iyun ayından avqust ayına qədər 2 milyon xarici vətəndaş səfər edib, bu isə keçən ilin göstəricisindən 10% çoxdur. Bu barədə Milli Turizm Administrasiyasının məlumatında deyilir

"DalğaTV" “Novosti-Qruziya”ya istinadən xəbər verir ki, Gürcüstanda bir sutka və daha çox olanların sayı 2,4% artıb.

Gürcüstana səfər edən xarici vətəndaşların ümumi sayından 917 min nəfər turist olub.

“Bu keçən il ilə müqayisədə çox uğurlu və ciddi inkişafdır. Belə ki, 2014-cü ildə turistlər və beynəlxalq səfərlər arasında rekord ili idi. Bu il isə biz regionda mövcud xarici şoklara baxmayaraq, yaxşı nəticələr göstərə bildik”, - Turizm Administrasiyasının rəhbəri Georgi Çoqovadze bildirib.

Məşhur "Kosmopolitan" (Cosmopolitan) jurnalı müxtəlif ölkələrin birinci xanımları barədə məqalə dərc edib.

Azərbaycanın birinci xanımı Mehriban Əliyevanın adı planetin ən gözəl və ən şık prezident xanımı kimi hallanıb.

"DalğaTV" xəbər verir ki, ANS PRESS-in məlumatına görə, məşhur "Kosmopolitan" (Cosmopolitan) jurnalı müxtəlif ölkələrin birinci xanımları barədə məqalə dərc edib. Məqalədə Azərbaycanın birinci xanımı Mehriban Əliyevanın da adı var.

Оnlar müğənni və ya aktrisa deyillər, lakin bu xanımların da öz pərəstişkarları var. Qadınlar onların stilini kopyalayırlar, kişilər isə onların həyat yoldaşlarının yerinə olmağı arzulayırlar. Bu qəhrəmanlar — onlar bütün planet üzrə ən parlaq və şık birinci ledilərdir.

Mişel Obama
Amerika Birləşmiş Ştatlarının prezidenti Barak Obamanın həyat yoldaşı Mişel Obama - onu sadəcə Amerika liderinin xanımı kimi tanımırlar. Missis Obama artıq fəal sosial həyat tərzi ilə artıq çoxdan öz ərini kölgədə qoyub: o, yumor şoularında iştirak edir, əla rəqs edir, rep oxuyur.

Valeri Triyerveyler
Fransa prezidenti Fransua Olandın keçmiş həyat yoldaşı. 2012-ci ildə madam Triyerveylerin üzərinə ağır missiya düşür — birinci xanım postunu ölkənin keçmiş birinci ledisi, model və müğənni Karla Brunidən qəbul etmək. Valeri model deyil, jurnalist və teleaparıcıdır, lakin ölkə vətəndaşlarının qəlbini dəb zövqü ilə və özünün şəxsi dramı ilə əla almağı bacarıb. İlyarım bundan əvvəl Valeri ərinin xəyanıtindən xəbər tutduqda xəstəxanaya düşür. Prezident Fransua Oland aktrisa Jüli Qayla eşq yaşayırdı... Nəticədə bu ilin yanvar ayının sonunda prezidentin vətəndaş nikahı pozulur.

Mehriban Əliyeva
Azərbaycan prezidenti İlham Əliyevin həyat yoldaşı - ağıllı və gözəl Mehriban. Birinci xanım ölkənin ən hörmətli, sayılıb-seçilən — yazıçı Mir Cəlal Paşayevin nəvəsi və Milli Aviasiya Akademiyasının rektoru Arif Paşayevin qızıdır. Mehriban xanım öz nəslini ləyaqətlə davam etdirir: Seçenov adına Moskva Tibb Universitetini qırmızı diplomla bitirib. Hələ tələbə ikən gələcək prezidentlə ailə həyatı qurur. Cütlüyün üç uşağı var.
Mehriban Əliyeva peşəsi üzrə Moskvada göz xəstəlikləri elmi-araşdırma institutunda işləyib, sonra isə xeyriyyəçiliklə məşğul olub. Bu fəaliyyətinin nəticəsi olaraq Heydər Əliyev Fondunu yaradır və hazırda Fondun prezidentidir. Azərbaycanın birinci xanımı hazırda BMT-nin və YUNESKO-nun xoşməramlı səfiridir. Və əlbəttə ki, ölkənin ən tərzli xanımıdır.

Əsma Əsəd
Suriya prezidenti Bəşər Əsədin xanımı Əsma Əsəd — etnik suriyalıdır, amma gələcək birinci xanım Londonda doğulub və böyüyüb. Əsmanın anası diplomatdır. Əsma sevgisi naminə Britaniya paytaxtını və beynəlxalq investisiya banklarındakı uğurlu karyerasını buraxıb Suriyaya gəlməyə razılaşır. 2000-ci ildə vətəninə qayıdaraq ölkəsinin birinci xanımı olur. Suriyanın birinci xanımının xarici görünüşü qərblilərdən seçilmir: dəbli kostyumlar geyinir və saçını qısa kəsdirir.

Anxelika Rivera
Aktrisa, meksikan seriallarının ulduzu olan bu xanımın real həyatı da ekranlarda olduğu kimi dəyişir. Anxelika Rivera 2010-cu ildə Mexiko şəhərinin qubernatoru Enrike Penyu Netoya ərə gedir və həyat yoldaşı iki il sonra ölkə prezidenti postunu tutur. Cütlük birlikdə hər birinin keçmiş nikahdan üçü olmaqla altı uşaq tərbiyə edirlər.

PKK terror təşkilatının hücumu bu dəfə 4 polisin ölümü ilə nəticələnib.

Türkiyənin Mardin vilayətinə hücum 4 əsgərin şəhid olması ilə nəticələnib.
ANS PRESS-in məlumatına görə, Mardinin Dargeçit mahalında, PKK terror təşkilatının yola döşənilən patlayıcının partlaması nəticəsində 4 polis şəhid olub. Ölənlərdən birinin komandir, digər üçünün isə sıravi polis məmuru olduğu deyilir.

Alınan məlumata görə, Bahçebaşı məhəlləsində polis zirehli maşının getdiyi yerdə daha əvvəllər də terroristlər yola partlayıcı maddə döşəyiblər.
Şəhidlərin cənazəsi, yarılma üçün Mardin Dövlət Xəstəxanasına aparılıb.

Bu barədə məlumat sosial şəbəkələrdə paylaşılıb.

Məlumatda bildirilir ki, Zaqatala icra başçısı Mübariz Əhmədzadə rayon tarixində ilk dəfə ali məktəbə keçirilən imtahanlarda 700 bal toplayan Asya Mamudovaya avtomobil hədiyyə edib.

Zaqatala İcra hakimiyyətindən verilən məlumata görə, icra baçısı bir neçə il əvvəl rayonu təmsil edən abituriyentlərə söz verib ki, kim 700 bal toplasa ona maşın hədiyyə olunacaq: "Bu gün həmin maşın 700 bal toplayan Asya Mamudovaya təqdim olundu". Qeyd edək ki, Mahmudova Asya İdris qızı Azərbaycan Tibb Universitetinin Müalicə işi ixtisasına qəbul olub.

Milli Təhlükəsizlik Nazirliyi (MTN) tərəfindən İŞİD terrorçu təşkilatının fəaliyyətində iştirak edən qrup zərərsizləşdirib.

Nazirliyin İctimaiyyətlə Əlaqələr İdarəsindən Trend-ə bildiriblər ki, həyata keçirilmiş anti-terror tədbirləri nəticəsində, Azərbaycan Respublikasının qanunvericiliyi ilə nəzərdə tutulmayan silahlı birləşmələr və ya qruplar yaratma, eləcə də onların yaradılmasında və fəaliyyətində iştirak etmə, onları silahla, döyüş sursatı ilə, partlayıcı maddələrlə, hərbi texnika ilə, yaxud əsgəri ləvazimatla təchiz etmə, həmçinin, terrorçuluq, yəni dövlət hakimiyyəti orqanları və ya beynəlxalq təşkilatlar tərəfindən qərar qəbul edilməsinə təsir göstərmək məqsədilə insanların həlak olması, onların sağlamlığına zərər vurulması, əhəmiyyətli əmlak ziyanının vurulması və ya başqa ictimai təhlükəli nəticələrin baş verməsi təhlükəsi yaradan partlayış, yanğın və ya digər hərəkətlər törətmə, habelə həmin məqsədlə bu cür hərəkətlərin törədiləcəyi ilə hədələmə, Azərbaycan Respublikası vətəndaşları və ya Azərbaycan Respublikasında daimi yaşayan vətəndaşlığı olmayan şəxsləri dini məzhəbləri yaymaq, dini ayinlərin icrası adı altında, dini düşmənçilik zəminində Azərbaycan Respublikasının hüdudlarından kənarda aparılan silahlı münaqişələrə cəlb etmə, yaxud bu məqsədlə döyüş təlimləri keçmə, yaxud həmin məqsədlə fəaliyyət göstərən sabit qrup yaratma, eləcə də həmin qruplarda, təlimlərdə və ya silahlı münaqişələrdə iştirak etmə və digər hüquqazidd əməllərinin törədilməsinə görə Azərbaycan Respublikasının vətəndaşları – Xasaylı Şirxan Elxan oğlu, Mikayılov Rövşən Baba oğlu, Adilov Elşən Sərdar oğlu, Hacıyev Vüqar Mehman oğlu və Eyyubov Azər Mətləb oğlu şübhəli şəxs qismində tutulublar.

Faktlarla bağlı Milli Təhlükəsizlik Nazirliyi İstintaq Baş İdarəsi tərəfindən AR Cinayət Məcəlləsinin 12.1,279.1-ci, 12.3,28,214.2.1, 12.3,28,214.2.3 və 12.1,218.2-ci və 283-1.3-cü maddələri ilə cinayət işləri başlanılmışdır. Xasaylı Şirxan Elxan oğlu, Mikayılov Rövşən Baba oğlu, Adilov Elşən Sərdar oğlu, Hacıyev Vüqar Mehman oğlu və Eyyubov Azər Mətləb oğlu təqsirləndirilən şəxs qismində cəlb olunaraq məhkəmənin qərarları ilə barələrində həbs qətimkan tədbirləri seçilib.

Onlardan Mikayılov Rövşən Baba oğlu barəsində istintaq tamamlanaraq Lənkəran Ağır Cinayətlər Məhkəməsinə göndərilmişdir. Həmin məhkəmənin 25 avqust 2015-ci il tarixli hökmü ilə Rövşən Mikayılov ittiham olunduğu cinayətlərdə təqsirli bilinərək 13 il azadlıqdan məhrumetmə cəzasına məhkum edilib.

Təqsirləndirilən şəxslər - Şirxan Xasaylı, Elşən Adilov, Vüqar Hacıyev və Azər Eyyubov barəsində, habelə cinayət işləri üzrə bütün halların araşdırılması, bu hüquqazidd əməllərin digər iştirakçılarının müəyyənləşdirilməsi istiqamətində istintaq-əməliyyat tədbirləri davam etdirilir.

Müəyyən edilmişdir ki, Şirxan Xasaylı, Rövşən Mikayılov, Elşən Adilov, Vüqar Hacıyev və Azər Eyyubov 2013-2015-ci illər ərzində müxtəlif vaxtlarda Suriya Ərəb Respublikasının və İraq Respublikasının ərazisində həmin dövlətlərin, habelə Azərbaycan Respublikasının qanunvericiliyi ilə nəzərdə tutulmayan ayrı-ayrı silahlı birləşmələrin, o cümlədən “İslam Dövləti (İŞİD)” terrorçu təşkilatının fəaliyyətində iştirak ediblər.

Məlumat üçün bir daha bildirilir ki, yuxarıda göstərilən cinayətlərin törədilməsinə görə Azərbaycan Respublikasının qanunvericiliyində nəzərdə tutulmuş cəza müddətləri artırılaraq 20 ilədək və ya ömürlük azadlıqdan məhrumetmə cəzaları müəyyən edilib.

Milli Təhlükəsizlik Nazirliyi Azərbaycan Respublikasının vətəndaşlarını ayıq-sayıq olmağa, milli təhlükəsizlik əleyhinə hüquqazidd əməllərdən və milli maraqlara yad təsirlərdən kənar durmağa çağırır.