“Yer saatı” (“Earth Hour 2015”) beynəlxalq kampaniyası çərçivəsində martın 28-də dünyanın müxtəlif bölgələrində yaşayan bir milyarddan çox adam insan dəyişikliyinə qarşı həmrəylik nümayiş etdirmək üçün birləşəcək. Ümumdünya Vəhşi Təbiət Fondunun (WWF) keçirdiyi beynəlxalq tədbir hər il martın son şənbə günündə keçirilir. “Yer saatı” təbiətə qayğıkeş münasibətin, planetimizin məhdud resurslarına qayğının rəmzidir.

Bu, bəşəriyyət tarixində ən kütləvi ictimai aksiyadır. Bu il martın 28-nə təsadüf edən hadisə saat 20:30-a təsadüf edəcək. Aksiya çərçivəsində insanlar iqlim dəyişikliyi probleminə diqqəti artırmaq üçün bir saatlığa işığı və həmin vaxt vacib olmayan digər elektrik cihazlarını söndürür. “Yer saatı” zamanı aksiyada iştirak edən böyük şəhərlərin rəmzi olan binaların da işıqları söndürülür.

Bu aksiya ilk dəfə 2007-ci ildə Sidneydə keçirilib.

Ümumdünya Vəhşi Təbiət Fondunun məlumatına görə, bu il “Yer saatı” aksiyasında dünyanın 156 ölkəsinin sakinləri iştirak edəcəklər.

2011-ci il martın 26-da Bakının rəmzi olan Qız qalasında və “İçərişəhər” Dövlət Tarix-Memarlıq Qoruğunda bir saat ərzində işıqlar söndürülüb və beləliklə, Azərbaycan bu qlobal kampaniyanı dəstəkləyən ölkələrin sırasına daxil olub.

Bu il proqram çərçivəsində qlobal aksiyanın iştirakçıları özləri ilə fənər, alışqan götürərək saat 20:00-da Azadlıq meydanında toplaşacaqlar. Bir saat ərzində - saat 20:30-dan 21:30-dək Hökumət evinin və “Marriott Absheron” otelinin fasadının işıqlandırılması dayandırılacaq.

Bundan başqa, “Critical Mass Baku” veloturu keçiriləcək, habelə aksiyanın nümayəndələri müxtəlif moblarda iştirak edəcəklər.

Layihə saat 22:00-da başa çatacaq

"Məni döyə-döyə videoya çəkirdilər".

Rusiyanın paytaxtı Moskvada döyülərək 40 dərəcədə şaxtada küçəyə atılan Vüqar Muradov belə deyir.

ANS PRESS-in məlumatına görə, hazırda Moskvada olan ifaçı ANS TV-nin "Adam içində" verilişi ilə telefon bağlantısı yaradaraq başına gələnləri danışıb.

"Mən tək idim, onlar 7-8 nəfər idilər. Heç birini tanımırdım. Başıma tapança dirəmişdilər, yoxsa heç kim məni döyə bilməzdi. Məni döyə-döyə videoya çəkirdilər. Videonu çəkib özümə də göstərdilər. Dəfələrlə soruşdum, "Niyə?", cavab vermədilər. Üstümdə nə vardı götürdülər, çölün düzündə, 40-45 dərəcə şaxtada atıb getdilər məni. Özüm də güc toplayıb yola çıxdım, bir maşına əl elədim, sağ olsun məni polisə o apardı".

Vüqar Muradov soyundurularaq döyüldüyünü təkzib edir: "Bir söz demək istəyirəm. Yazırlar ki, günahım olmasaydı məni belə eləməzdilər. Dünəndən burada ürəyim partlayır. Qərib yerdəyəm, sizdən dəstək gözləyirdim, siz isə... Məni soyundurmayıblar, mənə qarşı belə hərəkət etsəydilər, mən özümü, boynumu sındırıb öldürərdim. Kişinin başına iş gələr. Mənim 2 metr boyum var, boyumu yerə soxa bilmərəm. Bu həyatda varım-dövlətim yoxdu, təkcə kişiliyim var".

Kvemo Kartli-Borçalı bölgəsinin –Marneuli, Bolnisi, Dmanisi rayonlarında və Tbilisidəki M.F.Axundzadə adına Azərbaycan Mədəniyyəti Muzeyində jurnalist-tədqiqatçı, Azərbaycan Aşıqlar Birliyinin katibi Musa Nəbioğlunun xalq şairi Zəlimxan Yaqub yaradıcılığına həsr etdiyi “Sözün Zəlimxan zirvəsi” kitabının təqdimat mərasimi keçirilib.

Muzeyin direktoru Leyla Əliyeva Zəlimxan Yaqubun anadan olmasının 65 illik yubileyi münasibətilə Gürcüstanda silsilə tədbirlərin keçirildiyini bildirib. Xalq şairinə həsr olunmuş kitabın təqdimatı bu tədbirlərdən biridir. Sonra Azərbaycan Yazıçılar Birliyinin Gürcüstan bölməsinin rəhbəri Rafiq Hümmət şairin yaradıcılığından söz açıb, onun əsərlərində Vətənə, xalqa, dövlətə və millətə bağlılığın əsas meyar olduğunu vurğulayıb. Musa Nəbioğlunun bu kitabını şairin 65 illik yubileyinə ən dəyərli töhfə kimi qiymətləndirib. Qeyd olunub ki, kitabın redaktoru və “Ön söz”ün müəllifi, professor Qəzənfər Paşayevin də vurğuladığı kimi, “Sözün Zəlimxan zirvəsi” əsəri şairin sahilsiz ümmana bənzər yaradıcılıq yoluna işıq tutan tədqiqat işi olmaqla bərabər, Zəlimxan Yaqubun poeziya aləminə uğurlu səyahətdir. Gürcüstanda yaşayıb-yaradan şair və yazıçıların, ictimaiyyət nümayəndələrinin iştirak etdiyi tədbirdə çıxış edənlər -“Gürcüstan” qəzetinin baş redaktoru İslam Əliyev, Əli Abbas, Nizami Saraçlı, Mahmud Kamaloğlu, Ramiz Bəkirov, Məmməd Hüseynov, Fərhad Musayev, Nəriman Səmədov və başqaları Zəlimxan Yaqub şəxsiyyətinə və yaradıcılığına böyük məhəbbətlərini ifadə ediblər. 

Çıxışlarda “Sözün Zəlimxan zirvəsi” kitabı son illərdə Zəlimxan Yaqub yaradıcılığına həsr olunmuş ən yaxşı tədqiqat əsəri kimi dəyərləndirilib, monoqrafiyanın gələcək tədqiqatçılar üçün də böyük əhəmiyyət daşıdığını vurğulanıb. Sonda müəllif Musa Nəbioğlu bu kitabın Zəlimxan Yaqub yaradıcılığına həsr olunmuş ilk kitab olmadığı kimi, sonuncu da olmayacağını, bu istiqamətdə tədqiqatlarını davam etdirəcəyini bildirib.

Azərbaycanlıların kompakt yaşadığı Marneulidə yaşayan 3 nəfər gənc Macarıstanda keçirilən beynəlxalq konfransda iştirak edib.

APA-nın Gürcüstan bürosunun məlumatına görə, bu barədə Marneulidəki Gənclər Mərkəzinin mətbuat xidmətinin rəhbəri Aynurə Əliyeva məlumat verib.

A. Əliyeva APA-ya açıqlamasında "Mərkəzi Avropada təhsil" adlı konfransda iştirak etdiklərini və Mərkəzi Avropa Universitetinin (MAU) rəhbərliyi tərəfindən Gürcüstandakı Azərbaycan dilli orta məktəb şagirdlərinin Macarıstanın ali məktəblərində təhsil almağa dəvət olunduğunu bildirib: "MAU-nun tələbələrlə iş üzrə assistenti Qabriella Emszt bizimlə görüşündə Gürcüstan və Azərbaycanı tanıdığını və azərbaycanlıların qonaqpərvər və sülhsevər bir xalq olduğunu bildirdi. Sonra bizə universitetin təhsil sisteminin necə qurulduğu və xaricdən gəlib bu təhsil ocağında oxuyan tələbələrə qayğı və diqqət barədə ətraflı məlumat verildi. Görüşdə universitet rəhbərliyi adından Gürcüstandan gələn Nilufer Qurbanovaya, Muradxan Huseynova və mənə hədiyyələr təqdim edildi".

A. Əliyeva martın 14-17-dək Çexiyaya səfər edəcəklərini və bu ölkənin paytaxtında keçiriləcək beynəlxalq konfransa qatılacaqlarını da bildirib.

Neft gəlirlərinin azalmazası Azərbaycan hökumətini çıxılmaz duruma salıb. Hökumətin valyita ehtiyatlarının çoxu virtual ehtiyatlardır - daşınmaz əmlakda və qiymətli kağızlarda yatırılıb. Hazırda hökumət azalan neft gəlirlərini kompensasiya etmək üçün təbii inhisarların xidmətlərini (işıq, qaz, su, yanacaq) artırmaq və manatı daha da ucuzlaşdırmaqdan başqa yolu qalmayıb. Bu barədə istiqlal.az-a hakimiyyətdəki mənbələrdən məlumat daxil olub.

Mənbə bildirir ki, yaxın vaxtlarda manatın kəskin ucuzlaşması gözlənilir: "Maya qədər 1 dollar 2 manata qədər bahalaşa bilər. Hökumətin başqa yolu yoxdur. Mərkəzi Bankın özəl banklarda valyuta limitlərinin ləğv edilməsi barədə qərarı da bununla bağlıdır. Hökumət böhrandan yalnız qiymətləri artırmaq və manatı ucuzlaşdırmaqla çıxmaq istəyir".

Yada salaq ki, valyuta mövqeyi limitləri tMərkəzi Bankın baş direktoru Rəşad Orucov martın 5-də banklara məktub göndərib ki, bu ilin sonunadək açıq vətbiq edilməyəcək. Başqa sözlə, bundan sonra Mərkəzi Bank bankların valyuta risklərini tənzimləməyəcək və onlara nəzarət etməyəcək. Bu barədə Əkrəm Həsənov adlı facebook istifadəçisi öz səhifəsində məlumat paylaşıb və Mərkəzi Bankın məktubunu şərh edib.

“Əsas məqsədinə (qiymətlərin sabitliyininin təmin edilməsinə) nail ola bilməyən Mərkəzi Bank manatın və bank sisteminin gələcək taleyinə görə məsuliyyəti üzərindən atmaq istəyir. Bundan sonra banklar istədiyini edə bilər və Mərkəzi Bank heç nəyə qarışmayacaq.

Maraqlıdır ki, bu cür taleyüklü məsələ barədə banklara məktubu Mərkəzi Bankın baş direktoru, yəni orta səviyyəli meneceri göndərib. Konstitusiya və Mərkəzi Bank haqqında Qanuna görə Mərkəzi Bankın rəhbərliyi onun İdarə Heyətidir. Mərkəzi Bankı da İdarə Heyətinin üzvləri təmsil edir. Deməli, Mərkəzi Bankın adından ictimaiyyətlə, o cümlədən banklarla məhz onlar danışmalıdır. Yoxsa səviyyəsi və səlahiyyəti məlum olmayan hansısa məmur yox. Bu baxımdan həmin məmurun banklara belə məktub yazması özbaşınalıqdır!

Yeri gəlmişkən, məktubda deyilir ki, Mərkəzi Bankın İdarə Heyəti bu barədə qərarını hələ fevralın 26-da qəbul edib. Bəs bu vaxta kimi niyə qərarını bəyan etməyib? Nəyi gözləyirdi?

Məsələnin iqtisadi tərəfinə yəqin ki, iqtisadçılar qiymət verəcək. Burada bilməyənlər üçün sadəcə yalnız onu deyim ki, açıq valyuta mövqeyi hər hansı valyutada tələblərin və öhdəliklərin fərqidir. Məsələn, tutaq ki, bankın avroda borcu 10 mln., verdiyi kreditlərin cəmi isə 8 mln.-dur. Yaxud əksinə, borcu 8 mln., verdiyi kreditləri isə 10 mln. Hər iki halda fərq var və bu fərq bankın məzənnə riskidir. Mərkəzi Bank da bu fərqin maksimal həddini, yəni limitini müəyyən edir. Mərkəzi Bank sözügedən limitləri “Banklar haqqında” Qanunun 34.1 və 34.2.11-ci maddələrinə əsasən müəyyən etməli, banklar da onlara riayət etməlidir. Yəni limitlərin müəyyən edilməsi Mərkəzi Bankın vəzifəsidir. Qanunda limitlərin tətbiqinin dayandırılması haqda heç nə deyilmir. Limitlər olmalıdır və onlara riayət edilməlidir. Mərkəzi Bank hələ 2001-ci ildə “Azərbaycan Respublikası müvəkkil banklarının açıq valyuta mövqeyi limitlərinin müəyyən edilməsi və tənzimlənməsi Qaydaları”nı qəbul edib, Ədliyyə Nazirliyi də həmin Qaydaları dövlət qeydiyyatına alıb. Qaydalar normativ xarakterli aktdır, yəni qanunvericiliyin tərkib hissəsidir. Qaydalarda limitlərin növləri təsbit edilib. Onların tətbiqinin dayandırılması haqda bu sənəddə də heç nə deyilmir. Deməli, Mərkəzi Bank nəinki Qanunun, həm də özünün qəbul etdiyi Qaydaların da tələblərini pozur.

Beləliklə, bir aydan az müddət ərzində biz aşağıdakıların şahidi olduq: 1) Mərkəzi Bankın sədri dedi ki, manatın devalvasiyası tədricən olacaq; 2) Bir neçə gün sonra Mərkəzi Bank kəskin devalvasiya haqqında qərar verdi; 3) On gün sonra Mərkəzi Bankın kimliyi məlum olmayan məmuru banklara məktub göndərdi ki, qanun-filan boş seydi, daha heç nəyə görə məsuliyyət daşımırıq, kim nə istəyir etsin.

Tovuzdakı N saylı hərbi hissədə komandiri tərəfindən güllələndiyi bildirilən 19 yaşlı əsgər Çingiz Tarverdiyev hadisə barədə danışıb. Qeyd edək ki, başından güllə ilə vururulan Çingiz Tarverdiyev komaya düşmüşdü. Bir müddət sonra komadan ayılsa da, danışa bilmirdi.

Əsgərin atası Aydın Tarverdiyev “Azadlıq”a bildirib ki, qüsurlu da olsa oğlunun nitq qabiliyyəti geri qayıdıb. Aydın Tarverdiyevin sözlərinə görə, oğlu hadisə barədə danışarkən bölük komandiri tərəfindən güllələndiyini deyib. Çingiz Tarverdiyevin danışdıqları videolentə alınıb. Aydın Tarverdiyev həmin videonu da redaksiyamıza təqdim edib. Çingiz Tarverdiyevin sözlərinə görə, bölük komandiri onu təhqir edib. O da komandirin cavabını verib. ”Məni söydü mən də cavab verdim. Üzümü çevirib gedəndə arxanad tapança ilə mənə atəş açdı. 3 güllə atdı. İkisi yan keçdi, biri isə başəmdan dəydi”,-deyə Çingiz Tarverdiyev bildirib.

Videodan görünür ki, güllə Çingiz Tarverdiyevin başının arxasından dəyib. Aydın Tarverdiyev bildirib ki, videomaterialı prokurorluğa təqdim edəcək.