Daxili İşlər Nazirliyi (DİN) Bakıda “nurçu”lara qarşı keçirilən əməliyyatla bağlı rəsmi məlumat yayıb.

“Dalğa TV”-nin DİN-in saytına istinadən verdiyi məlumata görə, sentyabrın 19-da Yasamal Rayon Polis İdarəsinin (RPİ) 29-cu Polis Bölməsi (PB) və MTN-in Yasamal rayon şöbəsi əməkdaşlarının həyata keçirdikləri əməliyyat-axtarış tədbirləri nəticəsində Mübariz Əsədovun X.Mustafayev küçəsindəki evində “Nurçu” dini təriqətini təbliğ etdikləri üçün 85 nəfər saxlanılıb.

Azərbaycan Respublikasının Prezidenti İlham Əliyev Malta Respublikasının Prezidenti xanım Mari-Luiz Koleyro Prekaya təbrik məktubu göndərib. “Report”un xəbərinə görə, təbrik mətnində deyilir:

“Malta Respublikasının milli bayramı – Müstəqillik günü münasibətilə Sizi və bütün xalqınızı şəxsən öz adımdan və Azərbaycan xalqı adından ürəkdən təbrik edirəm.

Bakıda qadın sürücü avtomobillə qəsdən adam vurub.

Xətai rayon Polis İdarəsindən APA-ya verilən məlumata görə, Bakı şəhər sakini İlkin Şahbazov ərizə ilə polis idarəsinə müraciət edərək bildirib ki, sentyabrın 11-də Məhəmməd Hadi küçəsində avtomobillə hərəkət edən zaman eyni istiqamətdə hərəkətdə olan 1985-ci il təvəllüdlü Günel Mahmudova idarə etdiyi “Hyundai Sonata” markalı 90 SF 136 dövlət nömrə nişanlı avtomobillə qəza şəraiti yaratdığı üçün ona iradını bildirib. Bu zaman onların arasında mübahisə baş verib və G. Mahmudova xuliqanlıq zəminində avtomobili İ. Şahbazovun üzərinə sürərək onu vurub.

Azərbaycan prezidenti İlham Əliyev IV İslam Həmrəyliyi Oyunlarının 2017-ci ildə Bakı şəhərində keçirilməsi üzrə Təşkilat Komitəsinin yaradılması haqqında sərəncam imzalayıb.

AzNews.az xəbər verir ki, sərəncama əsasən, 2017-ci ilin may ayında Bakı şəhərində IV İslam Həmrəyliyi Oyunlarının keçirilməsi üzrə aşağıdakı tərkibdə Təşkilat Komitəsi yaradılıb:

Təşkilat Komitəsinin sədri

Mehriban Əliyeva – Heydər Əliyev Fondunun prezidenti, Azərbaycan Respublikası Milli Olimpiya Komitəsi İcraiyyə Komitəsinin üzvü, UNESCO-nun və İSESCO-nun xoşməramlı səfiri

Göygöl rayonunda orta məktəbdə baş vermiş ölüm hadisəsi ilə bağlı cinayət işi başlanıb.

 Baş Prokurorluğun mətbuat xidmətindən APA-ya verilən məlumatagörə, sentyabrın 18-də saat 12 radələrində Göygöl rayonunun Çaykənd kənd orta məktəbinin 9-cu sinif şagirdi, 2001-ci il təvəllüdlü Eldənizli Xanəli Niyazi oğlunun məktəbin futbol meydançasında 125 mm-lik dəmir borulardan düzəldilmiş qapının dirəyindən sallaşan zaman əlləri sürüşərək yerə yıxılması və dəmir dirəyin üzərinə düşməsi nəticəsində bədən xəsarətləri alaraq Gəncə şəhər Təcili Tibbi Yardım Xəstəxanasına yerləşdirilməsi və orada vəfat etməsi faktı ilə bağlı rayon prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsi ilə cinayət işi başlanıb.

Əvvəllər Azərbaycanda əkiz və ya üçəm uşaqların dünyaya gəlməsi xəbərləri maraqla qarşılanırdı. Lakin sonralar doğuş zamanı 4 və ya 5 uşağın dünyaya gəlməsi xəbərlərinin çoxalması əkiz və üçəmlər haqqında məlumatları kölgədə qoydu. Son illər, Azərbaycanda da doğum zamanı 4 və ya 5 uşağın dünyaya gəlməsi halları artıb.

Dövlət Statistika Komitəsindən doğulan uşaqların sayı haqqında Modern.az-ın sorğusuna cavab olaraq bildirilib ki, 2015-ci ilin ilk altı ayı ərzində Azərbaycanda 78,4 min körpə doğulub. Bu körpələrin 1370-i əkiz, 48-i üçəmdirlər. Bu ilin altı ayı ərzində dünyaya gələn uşaqlardan yalnız 8-i dördəm doğulanlardır.

Statistika Komitəsindən bildirilib ki, onlarda beşəm və daha yuxarı sayda uşaq doğumu halları qeydə alınmadığı üçün bu haqda məlumat yoxdur.