Dövlət Statistika Komitəsinin sonuncu hesablamalarına görə, hazırda Azərbaycanda əhalisi ən çox olan kənd Masallı rayonununda yerləşir. Bu, Masallı rayonunda yerləşən Ərkivan qəsəbəsidir. Qəsəbədə 15 min 654 nəfər yaşayır.

Dövlət Statistika Komitəsinin hesabatında əhalisi ən az olan kəndin də adı açıqlanıb. Məlum olub ki, Şamaxı rayonunun Acıdərə kəndidir. Belə ki, həmin kənddə cəmi 1nəfər yaşayır. Əhali sayına görə sonrakı yerləri isə İsmayıllı rayonunun Pirqəm kəndi-2 nəfər, Gərzə kəndi-3 nəfər, Dahar kəndi- 5 nəfər tutur. Bəzi rayonlarda da əhalisi az olan kəndlər var. Nefçala rayonunun Qızqayıtdı kəndində 3, Siyəzən rayounun Əlməkolu kəndində 4, Qax rayonunun Bağtala kəndində 9, Yardımlı rayonunun Musa kəndində 8 nəfər yaşayır.

Komitənin məlumatına görə, Azərbaycanın bəzi rayonlarında müxtəlif səbəblərdən tamamilə boşalan və hazırda heç kimin yaşamadığı bir neçə kənd də var. Hazırda həmin ərazi kənd statusu daşısa da heç kim yaşamır. Məsələn, Balakən rayonunun Göyəmtala, Darvazbinə, Abjit, Mazımqarışan, Bərdə rayonunun Çərəlilər kəndi, Cəlilabad rayonunun Novoqolovka qəsəbəsi, Hacıqabul rayonunun Balıqçı qəsəbəsi, Meyniman kəndi, Xaçmaz rayonunun Xaraxoba, Üryənoba, Xızı rayonunun Yuxarı Əngilan, Qars kəndində heç kim yaşamır. Quba rayonunun İbrahimhaput, Gədik, Qobustan rayonunun Şıxlar, Damlamaca, Dağ Kolanı kəndində, Şamaxı rayonunun Yeni Qızmeydan, Zaqatala rayonunun isə Əzgili kəndi kənd statusu daşısa da hazırda orda heç kim yaşamır.

Qeyd edək ki, Azərbaycanda əhalinin sayı 10 milyona yaxınlaşır. Dövlət Statistika Komitəsinin məlumatına görə, hazırda ölkə əhalisinin 53 faizi şəhər, 47 faizi isə kənd yerlərində yaşayır. Azərbaycan Respublikasının tərkibinə 66 inzibati rayon, 77 şəhər, 258 qəsəbə və 4257 kənd yaşayış məntəqələri daxildir.

Ucarda güclü yanğın nəticəsində yanaraq ölən qadın barədə yeni məlumatlar yayılıb.

ANS PRESS-in məlumatına görə, hadisə Ucar şəhərinin Tofiq İsmayılov küçəsində qeydə alınıb.

Həmin küçədə yaşayan 1937-ci il təvəllüdlü Qənirə Həsənovanın mənzili yanaraq kül olub. Yanğın nəticəsində qadın evdə ölüb. İlkin ehtimalda hadisənin ehtiyatsızlıqdan baş verdiyi bildirlsə də, sonradan bunun qətl olduğu məlum olub.

Araşdırmalar zamanı məlum olub ki, Qənirə Həsənova bıçaq zərbələri ilə öldürülüb. Sonradan izi itirmək üçün evi yandırıblar.

Qeyd edək ki, qadın rayonda tək yaşayırmış. Onun iki qızı olsa da ərə köçüblər və qadın tək qalırmış. Qadının maddi durumu yaxşı olub. Bu sbəbdən də, ehtimal olunur ki, hadisə tamah məqsədilə törədilib.

Rayon Prokurorluğundan ANS PRESS-ə hadisənin həqiqətən də qətl olduğunu təsdiqlədilər. Ucar rayon prokurorunun köməkçisi Araz Əkbərov bildirdi ki, hazırda hadisə araşdırılır. Cinayətkar tezliklə müəyyən edilərək istintaqa cəlb ediləcək.

Faktla bağlı cinayət işi başlanıb, araşdırma aparılır.

İstirahət günü ölkə ərazisində soyuq hava şəraiti hökm sürəcək. Ekologiya və Təbii Sərvətlər Nazirliyinin Milli Hidrometeorologiya Departamentindən ANS PRESS-ə verilən məlumata görə, dekabrın 7-də Bakıda və Abşeron yarımadasında buludlu hava şəraiti üstünlük təşkil edəcək, bəzi yerlərdə yağıntılı olacağı ehtimalı var.

Cənub-qərb küləyinin güclənəcəyi gözlənilir. Havanın temperaturu gecə 2-4 dərəcəyə, gündüz 6-9 dərəcə isti olacaq.

Azərbaycanın rayonlarında dekabrın 7-də arabir yağış yağacaq. Dağlıq və dağətəyi rayonlarda sulu qar və qar yağacağı gözlənilir. Qərb küləyi əsəcək, ayrı-ayrı yerlərdə arabir güclənəcək. Havanın temperaturunun gecə 1 dərəcə şaxtadan 4 dərəcəyədək isti, gündüz 5-10 dərəcə isti, dağlarda gecə 5-10, bəzi yerlərdə 15 dərəcə şaxta, gündüz 2-6 dərəcə isti olacağı gözlənilir.

Qeyd edək ki, ötən gün gözlənilən ava ilə bağlı xəbərdarlıq yayılıb. Xəbərdarlıqda deyilir ki, dekabrın 6-7-də ölkə ərazisində güclü küləkli hava şəraiti gözlənilir. Dekabrın 6-da əsən güclü şimal-qərb küləyi dekabrın 7-si gündüz güclü cənub-qərb küləyi ilə əvəz olunacaq.

Abşeron yarımadasında atmosfer təzyiqinin kəskin tərəddüdü, güclü şimal-qərb küləyinin güclü cənub-qərb küləyi ilə əvəz olunması meteohəssas insanlar üçün əlverişsizdir.

“Dekabrın 7-də yenidən Almaniyaya gedirəm”.

Bunu AzNews.az-a açıqlamasında xalq şairi, Azərbaycan Aşıqlar Birliyinin sədri Zəlimxan Yaqub deyib.

O, Almaniya səfərinin məqsədini belə açıqlayıb: “Müayinə və müalicə olunmalıyam. Özümü hələ ki, yaxşı hiss edirəm. Amma yenə də müalicə lazımdır”.

Z.Yaqub bildirib ki, xəstə olduğu illər ərzində dəvət aldığı bütün tədbirlərdə iştirak edib: “Hətta mən Əfv Komissiyasının da bütün iclaslarında oluram”.

Qeyd edək ki, Zəlimxan Yaqub böyrək çatışmazlığı xəstəliyindən əziyyət çəkir. Şair uzun illərdir ki, xəstəliyi ilə bağlı Almaniyada müalicə kursu keçir.

Kürdəmir rayonunda azyaşlı uşaq odlu silahdan açılan atəş nəticəsində dünyasını dəyişib.

ANS PRESS-in məlumtına görə, Rayon Polis Şöbəsindən APA-ya verilən xəbərə görə, hadisə Carlı kəndində qeydə alınıb. Kənd sakini Elnur Məmmədovun 3 yaşlı oğlu Elgiz Məmmədov atasına məxsus ov tüfəngindən atəş açaraq iki yaşlı bacısı Heyran Məmmədovanı güllələyib. Başından aldığı güllə yarası səbəbindən Heyran Məmmədova hadisə yerində dünyasını dəyişib.

Uşaqların atası Elnur Məmmədov rayon Polis Şöbəsinə məlumat verib ki, həyətlərinə tez-tez çaqqal və canavarlar hücum çəkərək mal-qaraya, toyuq-cücəyə ziyan vurur. Növbəti dəfə çaqqalın həyətə girdiyini görən Elnur Məmmədov tüfəngini götürərək ona atmaq istəyib, lakin vura bilməyib. O, silahını hazır vəziyyətə gətirərək onu stolun üstünə qoyub, paltosunu geyinmək üçün evə girib və qəflətən bayırda atəş açıldığını eşidib.

O, ehtiyatsızlıq səbəbindən ailəsində baş verən bədbəxt hadisəni hüquq-mühafizə orqanlarından gizlətməyə çalışıb. Hazırda faktla bağlı Kürdəmir rayon Polis Şöbəsi tərəfindən araşdırma aparılır.

Qeyd edək ki, hazırda ailənin 2 azyaşlı övladı var.

World Music Awards və “Qızıl qrammafon” mükafatlarının sahibi tanınmış müğənni və bəstəkar Emin artıq 35 illik yubileyinə həsr edilmiş hədiyyələri qəbul etməyə başlayıb.

GSR.fm Oxu.az-a istinadən xəbər verir ki, məşhur müğənni-bəstəkar Emin Ağalarov İnstagram səhifəsində qeyd edib ki, ilk hədiyyəni ona dostu Murad Babayev təqdim edib:

“Mənim qardaşım mənim ilk “VAZ 2107” maşınımı tapıb, bu onun mənim 35 illiyimə hədiyyəsidir. 2001-ci ildə bu avtomobilin qiyməti 3200 dollar idi”, – Emin şəklin altında yazıb.

Qeyd edək ki, Eminin ad günü dekabrın 12-dir.