Oktyabrın 26-da yerli vaxtla saat 5.00-da Azərbaycan ərazisində saatlar bir saat geri çəkilməklə qış vaxtına keçiləcək.

ANS PRESS-in məlumatına görə, qış vaxtı mart ayınadək davam edəcək.

Azərbaycan Respublikasının Nazirlər Kabinetinin “Azərbaycan Respublikası ərazisində yay vaxtının tətbiq edilməsi haqqında” 17 mart 1997-ci il tarixli, 21 nömrəli qərarına əsasən, hər il mart ayının son bazar günü əqrəblərin bir saat qabağa çəkilməsi ilə yay vaxtına keçilir.

ATV-nin “Səni axtarıram” verilişinin aparıcısı Xoşqədəm Hidayətqızı türkiyəli müğənni Doğuşla ailə həyatı qurması haqda yayılan xəbərlərə bu həftənin bazar günü aydınlıq gətirəcək.

Modern.az saytı xəbər verir ki, bu barədə aparıcının özü yeni açıqlama verib:

“Əzizlərim, sizlər üçün darıxdım. 3 gün mənim üçün 3 əsr kimi oldu. Mən “Səni axtarıram”sız qala bilmərəm. Amma elə bilməyin, bu 3 gündə axtarışları unutdum, yox, əksinə 3 ildir aparılan axtarışları yekunlaşdırdım. Bir anaya verəcəyim o xoş xəbər üçün bilsəniz Bakıya necə tələsirəm. Və bir məlumatı da verim. Ailə qurmağımla bağlı bütün xəbərlərə bu bazar 22:00-dakı buraxılışımızda münasibət bildirəcəyəm. Allah hər kəsə kömək olsun. O cümlədən “Sənir axtarıram”a ümid yeri kimi baxan hər həsə ”.

Bakıda bacısının başını kəsdiyini deyilən qızın görüntülərini ANS eksklüziv olaraq lentə alıb. Qız bacısının başını kəsdiyini səmimi etiraf edib.

Pərvanə Nuriyeva dindirilərkən bacısını öldürdüyünü səmimi etiraf edib. Hadisənin təfərrüatları ilə bağlı bir neçə versiya var. Amma polis və prokurorluq orqanları hələ ki, bu haqda heç nə demək istəmirlər.

Qeyd edək ki, Xətai rayonu Xudu Məmmədov küçəsi 18 ünvanında əslən Şəkidən olan 20 yaşlı Nuriyeva Günel Etibar qızının başını doğma bacısı Pərvanə Nuriyeva kəsib.

Təhsil ilə bağlı paytaxta gələn Günel Nuriyeva həmin ünvanda iki bacısı ilə birgə yaşayırmış. Onların hər ikisinində Konservatoriyada təhsil aldığı deyilir.

Oktyabrın 22-də Azərbaycanın birinci xanımı, Heydər Əliyev Fondunun prezidenti Mehriban Əliyevanın Rusiya Federasiyası Həştərxan vilayətinin qubernatoru Aleksandr Jilkinlə görüşü olub.

Heydər Əliyev Fondunun prezidenti Mehriban Əliyevaya “Həştərxan vilayəti qarşısındakı xidmətlərinə görə” ordeni təqdim olunub.

Azərbaycanın birinci xanımı Mehriban Əliyeva qubernator Aleksandr Jilkini Heydər Əliyev Fondunda salamlayaraq, Fond ilə Həştərxan vilayətini səmərəli əməkdaşlıq əlaqələrinin birləşdirdiyini dedi. Mehriban Əliyeva rəhbərlik etdiyi Heydər Əliyev Fondunun Həştərxanda bir sıra iri layihələr reallaşdırdığını qeyd etdi. Fondun təşəbbüsü və dəstəyi ilə Həştərxanda ümummilli lider Heydər Əliyevin adını daşıyan 11 saylı məktəb, uşaq bağçası, “Dostluq” körpüsü, uşaq əyləncə şəhərciyi, knyaz Vladimir abidəsi açılıb. Heydər Əliyev Fondunun prezidenti əməkdaşlığın davam edəcəyinə əminliyini ifadə edərək, Azərbaycan və Rusiyanı möhkəm dostluq əlaqələrinin birləşdirdiyini söylədi. Qeyd edildi ki, siyasi, iqtisadi əlaqələrlə yanaşı, mədəniyyət və təhsil sahəsində də münasibətlərin genişləndirilməsinə böyük diqqət yetirilir. Birinci xanım Mehriban Əliyeva Fondun layihələrinin Həştərxan vilayətinin qubernatorunun rəhbərliyi ilə həyata keçirildiyini bildirərək, Aleksandr Jilkinə təşəkkür etdi.

Heydər Əliyev Fondunda təşkil edilən görüşə görə minnətdarlığını bildirən Aleksandr Jilkin Fondun Həştərxanda reallaşdırdığı layihələrin istiqamətinin düzgün seçildiyini vurğuladı. Qubernator qeyd etdi ki, bu layihələrin hamısı Həştərxan sakinləri tərəfindən böyük rəğbətlə qarşılanır.

Həştərxan vilayətinin qubernatoru Azərbaycan diasporunun fəaliyyətindən danışdı, bunun ölkələrimiz arasında mövcud dostluq əlaqələrini bir daha təsdiq etdiyini söylədi.

Görüşdə Azərbaycan ilə Həştərxan arasında birbaşa aviareysin açılmasının vacibliyinə toxunuldu, Həştərxan sakinlərinin Azərbaycanı turist kimi ziyarət etmək arzuları qeyd edildi, Şahdağ, Naftalan kimi kurortların böyük maraq doğurduğu vurğulandı.

Görüşdə Avropa Oyunlarına hazırlıq məsələləri də müzakirə edildi, Oyunların yüksək səviyyədə keçiriləcəyinə əminlik ifadə olundu. Oyunları izləmək üçün Həştərxandan ölkəmizə çoxlu sayda insanların gələcəyi bildirildi. Heydər Əliyev Fondunun xətti ilə Həştərxanda mədəni tədbirlərin keçirilməsinin mümkünlüyü qeyd edildi. Eyni zamanda, Azərbaycan ilə Həştərxan arasında balıqçılıq sahəsində əməkdaşlıq məsələsi diqqət mərkəzində oldu, Heydər Əliyev Fondunun vitse-prezidenti Leyla Əliyevanın rəhbərlik etdiyi IDEA İctimai Birliyi ilə birgə biomüxtəlifliyə dair layihənin həyata keçirilməsi müzakirə edildi.

Aleksandr Jilkin Azərbaycanın birinci xanımı Mehriban Əliyevaya “Həştərxan vilayəti qarşısındakı xidmətlərinə görə” ordenini və xatirə hədiyyəsini təqdim etdi.

Bakıda dəhşətli qətl törədilib. Xətai rayon Polis İdarəsindən verilən məlumata görə, hadisə bu gün Xudu Məmmədov küçəsi, 18 ünvanında qeydə alınıb. Həmin ünvanda yaşayan, 20 yaşlı Günel Etibar qızı Nuriyevanın başı kəsilmiş meyiti tapılıb.

Hadisənin kimin tərəfindən və hansı məqsədlə törədildiyi hələlik məlum deyil.

Polisdən həmçinin bildirilib ki, qətlə yetirilən G. Nuriyeva Bakıda fəaliyyət göstərən musiqi məktəblərindən birinin ikinci kursunda oxuyurmuş.

Faktla bağlı cinayət işi başlanıb, hazırda hadisəni tərədən şəxs və ya şəxslərin müəyyən edilərək tutulması istiqamətində axtarışlar davam etdirilir.

Xalq şairi Zəlimxan Yaqub bəstəkar Sevinc Tofiqqızına xeyir-dua verib. Səbəb isə bəstəkarın xalq şairinin “Məkkədə” şeirinə bəstələdiyi musiqi olub.

Zəlimxan Yaqub ANS PRESS-ə açıqlamasında, Sevinc Tofiqqızının onun “Məkkədə” şeirinə bəstələdiyi musiqisindən söz açaraq bunları söyləyib: “Mən eşidəndə ki, Sevinc xanım mənim “Məkkədə” şeirimə musiqi bəstələyib və bu mahnı insanlar tərəfindən sevilib çox şad oldum. Mahnını dinləyəndə kövrəldim. “Məkkədə” şeirinin maraqlı bir tarixçəsi var. İllər öncə Ulu Öndər Həydər Əliyev mənə dedi ki, Zəlimxan, bir çox şairlərə demişəm, sənə də deyirəm, dini mövzularda şeirlər yazıb –yaradın. Bu xalqımız və bizim üçün çox önəmlidir. Mən də o zaman “Məkkədə” şeirini yazdım. Dedim ki, cənab prezdent, artıq yazmışam və “Məkkədə” şeirini onun üçün söylədim. Çox bəyəndi. Məhz Sevinc xanımın təsadüfən bizim Ulu öndərimiz Heydər Əliyevin çox bəyəndiyi şeiri seçib, musiqi yazması məni çox sevindirdi və kövrəltdi. Mən ona öz təşəkkürlərimi bildirirəm. İnanıram ki, bundan sonra Sevinc xanım mənim başqa şeirlərimdə musiqiləri ilə həyat verəcəkdir”.

Məlumat üçün bildirək ki, Sevinc Tofiqqızı “Məkkədə” mahnısını İbrahim Tatlısəs üçün bəstələyib. Amma məlum olduğu kimi, Tatlısəsin səhhətində problem olduğundan mahnını azərbaycanlı ifaçı Ülvi Xələfov oxuyub. “Məkkədə” mahnısı İbrahim Tatlısəs sağalani, oxuycağını da bildirib.

S.Tofiqqızı “Məkkədə” mahnısına klip də çəkdirib. Klip çəkilişləri “Təzə Pir” və Hacı Əjdərbəy (Göy Məscid) məscidində baş tutub. Klipin rejissoru və montajı İntiqam Dadaşov operator Rüstəm Fərman İsmayilov və aranjimanı Osman Həmidova aiddir.