Gürcüstanın prezidenti Georgi Marqvelaşvili azərbaycanlıların yığcam yaşadıqları Kvemo Kartli-Borçalı bölgəsinin Qardabani rayon mərkəzində əhali ilə görüşmüş və soydaşlarımızı Novruz bayramı münasibətilə təbrik etmiş, sülh, xoşbəxtlik və cansağlığı arzulamışdır.
Tədbir maraqlı konsert proqramı ilə davam etmiş, Azərbaycan və gürcü ifaçıların çıxışları iştirakçıların alqışlarına səbəb olmuşdur.
Qocaman aşıq Aslan Kosalı prezidentə saz hədiyyə etmişdir.
Sonra Georgi Marqvelaşvili Qardabani şəhərinin sakini Telman Xəlilovun ailəsində açılmış bayram süfrəsində Novruz təamlarından dadmış və xatirə şəkli çəkdirmişdir.
Georgi Marqvelaşvili AzərTAc-ın xüsusi müxbirinə müsahibəsində demişdir: ”Bu gün ölkəmizin azərbaycanlı əhalisi Novruz bayramını qeyd edir. Belə bir gözəl bayramın iştirakçısı olmağımdan məmnunluq duyuram. Baharın simvolu olan Novruz münasibətilə Gürcüstan azərbaycanlılarını səmim-qəlbdən təbrik edir, onlara həyatda uğurlar, fəal vətəndaş mövqeyi arzulayıram”.
Bu yaxınlarda Bakıya səfəri barədə təəssüratlarını bölüşən Gürcüstan prezidenti qeyd etmişdir ki, bir sıra ölkələrdə səfərlərdə olmuş, ancaq Azərbaycanda gördüyü mehribançılıq və səmimiyyəti çox yerdə hiss etməmişdir. G. Marqvelaşvili səmimiyyətə və mehriban qonşuluq münasibətinə görə Azərbaycanın dövlət başçısı İlham Əliyevə təşəkkürünü bildirmiş, Novruz bayramı münasibətilə azərbaycanlı həmkarını və xalqımızı təbrik etmiş, sülh, əmin-amanlıq, sabitlik arzulamışdır.
Tədbirdə Azərbaycan Respublikasının Grcüstandakı səfiri Azər Hüseyn iştirak etmişdir.

Hadisə barədə Kaxeti Mətbuat Mərkəzinin rəhbəri Maya Mamulaşvili  məlumat verib.

Onun sözlərinə görə, Qaracalar kənd orta məktəbinin 11-ci sinif şagirdi, 17 yaşlı Samirə Bəxtiyaraova silahdan atəş açaraq özünü güllələyib.

Telavi rayon xəstəxanasının həkimi Zurab Canaşvilinin məlumatına görə, hadisə nəticəsində S. Bəxtiyarova boğazından və sinə nahiyəsindən yaralanıb və hadisə yerində həlak olub. Hadisə yerinə polis patrul xidməti gəlib. Hadisə ilə bağlı cinayət işi qaldırılıb və hadisənin baş vermə səbəbi araşdırılır.

Qeyri rəsmi məlumata görə, ölümə səbəb valideynlərin 17 yaşlı gənc azərbaycanlı qızı sevmədiyi şəxslə ailə qurmağa məcbur etmək olub.   

Ukrayna Ali Radası səfərbərlik və qoşunların hərbi hazırlıq vəziyyətinə gətirilməsi ilə bağlı dövlət başçısının əmrini təsdiq edib.

Dalgatv-nin  Ukrayna mediasına istinadən verdiyi məlumata görə, parlamentin bu gün keçirilən plenar iclasında ölkə prezidentinin müvəqqəti vəzifəsini icra edən Aleksandr Turçinovun səfərbərlik və qoşunların hərbi hazırlıq vəziyyətinə gətirilməsi ilə bağlı əmrinin təsdiqinə deputatların 275-i səs verib.

Əmrdə o da qeyd olunub ki, Krım əhalisi səfərbərlik prosesində könüllü qayda da iştirak edə bilər.

Ukrayna Milli Təhlükəsizlik və Müdafiə Şurasının katibi Andrey Parubiy iclasda çıxışı zamanı deyib ki, səfərbərlik zamanı 20 min şəxsin silahlı qüvvələrə, 20 min nəfər isə yeni yaradılan Milli Qvardiyaya xidmətə cəlb olunacaq.

Aleksandr Turçinov isə bildirib ki, səfərbərlik zamanı xidmətə ilk olaraq, ehtiyyatda olan hərbçilər çağırılacaq.

Səfərbərlik prosesi 45 gün ərzində yekunlaşdırılmalıdır.

Azərbaycanın tanınmış reperi Hüseyn Dəryanın ölümü ilə nəticələnən yol qəzası faktı ilə bağlı Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma; eyni əməllər ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi açılıb, araşdırma aparılır.

Bu maddə üzrə günahı sübuta yetirilən şəxs üç ilədək müddətə nəqliyyat vasitələrini idarə etmək hüququndan məhrum edilməklə iki ildən altı ilədək müddətə azadlıqdan məhrum etmə ilə cəzalandırılır.

Qeyd edək ki, ötən gecə saat 23:00 radələrində Bakının Xəzər rayonu ərazisində yol nəqliyyat hadisəsi baş verib. Tanınmış reper Hüseyn Dəryanın idarə etdiyi 10 SB 575 dövlət nömrə nişanlı "Opel Astra" markalı minik avtomobili onunla eyni istiqamətdə hərəkət edən "KaMAZ" markalı maşına çırpılıb.

3 saylı şəhər Mərkəzi Kliniki Xəstəxanasından öncə bildiriblər ki, Hüseyn Dərya qapalı kəllə-beyin travmasından dünyasını dəyişib.

Səhiyyə Nazirliyinin mətbuat xidmətindən isə bildiriblər ki, H.Dərya dünən 23:30-da xəstəxanaya qəbul edilib. Həkimlərin cəhdinə baxmayaraq bu gün səhər 9:20-də vəfat edib. Onun hansı səbəbdən öldüyü ekspertizanın rəyindən sonra açıqlanacaq.

Gürcüstan azərbaycanlılarının yığcam yaşadıqları Kvemo Kartli-Borçalı bölgəsinin Marneuli şəhərində Azərbaycan Yazıçılar Birliyinin üzvü, bir neçə kitabın müəllifi, “Qafqaz-Media” İctimai Birliyinin sədri, həkim, şairə hacıxanım Azadə Taleh Abbasqızının anadan olmasının 50 illik yubileyinə həsr edilmiş tədbir keçirilmişdir.
Şair Nizami Məmmədzadə yubilyarın ömür yolu, ədəbi yaradıcılığı barədə ətraflı məlumat vermişdir.
Bolnisi rayonunun Faxralı kəndindəki bir nömrəli məktəbin qocaman müəllimi Səyyad Allahverdiyev, Gürcüstan Azərbaycanlıları Mədəniyyət Mərkəzinin rəhbəri Fazil Həsənov, şair Mayqa Mətin, jurnalist Ketevan Nakaşidze və başqaları Azadə Talehə bundan sonrakı fəaliyyətində də böyük uğurlar diləmiş, bu tədbirin həm də onun 30 illik yaradıcılığının hesabatı olduğunu qeyd etmişlər.
Şən musiqi sədaları altında davam edən mərasimin sonunda yubilyar doğma Borçalıda yubiley tədbirini ərsəyə gətirənlərə və iştirakçılara minnətdarlığını bildirmişdir.

Qardabani rayonundaki Kosalı orta məktəbində Qardabani Rayon İcra Hakimiyyətinin və “Borçalı” İctimai Cəmiyyətinin təşkilatçılığı ilə Hacı Haley Məsimovun 80 illiyinə həsr olunmuş yubiley tədbiri keçirilib.

Tədbirdə Gürcüstanın müxtəlif bölgələrindən gələn qonaqlar, orada fəaliyyət göstərən qurumların nümayəndələri, Bakıdan gələn qonaqlar, alimlər, Gürcüstanın hökumətinin nümayəndələri və digər şəxsləri ştirak ediblər.

Tədbiri Qardabani rayon Kosalı orta məktəbinin direktoru Xançoban Hacımahmudov açaraq qonaqları salamlayıb və Hacı Haley Məsimovun gördüyü işlərindən söz açıb. O qeyd edib ki, Kosalı ortaməktəbinin bugün uğur lafəaliyyət göstərməsində birçoxları kimi Hacı Haley Məsimovun da böyük əməyi olub. Beləki, çətin vaxtlarda, yəni keçid dövründə 1990-1992 illərdə 120 nəfərlik pedaqoqların əmək haqqını məh zHacı Haley ödəyib.1992 ildə Azərbaycan-Ermənistan müharibəsinin qızğın çağında Respublikanın Qərb bölgəsində - Qazax rayonunda olub, Azərbaycanlı hərbçilərə yaxından köməklik göstərib.Bundan başqa, kəndlarası yolların və kənd qəbristanlığının abadlaşdırılması kimi xeyriyyə işlərini həyata keçirib.

“Borçalı” Cəmiyyətinin sədri ZəlimxanMəmmədli, Qafqaz Müsəlmanları Rühani İdarəsinin Gürcüstan nümayəndəliyinin rəhbəri Məşədi Əli Əliyev və başqaları çıxış edərək xeyriyyəçi Hacı Haleyin gördüyü xeyriyyə işlərinə görə xüsusi hədiyyələr və diplomlarla təltif ediblər.           

Hacı Haley Məsimov məclisin ərsəyə gəlməsində köməyi olmuş hərkəsə öz təşəkkürünü bildirib.Sonda Borçalı Aşıqları ilə geniş konsert proqramı ilə çıxış ediblər.