Gürcüstan azərbaycanlılarının yığcam yaşadıqları Kvemo Kartli-Borçalı bölgəsinin Marneuli şəhərindəki mədəniyyət evində “Mənim də köməyim olsun” adı altında xeyriyyə konserti təşkil edilib.

Konserti aparıcı Azər Məmmədov açıb.

“Yeni ulduz” müsabiqəsinin iştirakçısı ,Marneuli sakini olan Anar Əsgərov, Eynar Balakişiyev, Renat İsmayılov və digərləri iştirak edərək müxtəlif janrlarda mahnılar ifa edib, tamaşaçıların rəğbətini qazanıblar. Tamaşaçılar onları alqışlarla qarşılayıblar.

Konsert Marneuli Gənclər Sakreboolosunun, AMM-Gənclər şöbəsinin və run.az saytının dəstəyi ilə keçirilib. Xeyriyyə konsertinin Təşkilatçisi İlkin Hüseynov jurnalistlərə açıqlamasında  qeyd edib ki, bu cür xeyriyyə konsertlərin azərbaycanlıların məskunlaşdığı bir çox ərazilərdə,eləcə də Dmanisi,Bolnisi,Rustavi və paytaxt Tbilisidə də keçiriləcəyi gözlənilir.

Konsertdən əldə olunan gəlirin kimsəsiz və aztəminatlı ailələrin uşaqlarına veriləcəyi bildirilib.

Prezident İlham Əliyev ATƏT-in Minsk qrupu həmsədrləri İqor Popovu (Rusiya), Ceyms Uorliki (ABŞ), Jak Foru (Fransa) və ATƏT-in hazırkı sədrinin xüsusi nümayəndəsi Anjey Kasprşiki qəbul edib. Görüşdə Ermənistan-Azərbaycan, Dağlıq Qarabağ münaqişəsinin nizama salınması ilə bağlı danışıqların hazırkı vəziyyəti və perspektivləri ilə bağlı məsələlər ətrafında fikir mübadiləsi aparılıb.

Dövlət başçısı İlham Əliyev bu gün həmçinin Niderlandın xarici işlər nazirinin başçılıq etdiyi nümayəndə heyətini də qəbul edib.

Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən istehlak bazarında monitorinqlər davam etdirilir.

İqtisadiyyat və Sənaye Nazirliyindən ANS PRESS-ə verilən məlumata görə, növbəti monitorinqlər zamanı 700 kq-a yaxın saxlama müddəti ötmüş və ya normativ sənədlərin tələblərinə cavab verməyən ərzaq malları aşkar olunub, satışdan çıxarılaraq məhv edilib. Belə ki,

Bakının Suraxanı rayonunda

* Əmircan qəsəbəsi, Vaqif küçəsi, ev 58 ünvanında Nizami Kərimova məxsus mağazada;

Abşeron rayonunda

* Xırdalan şəhəri, 28-ci məhəllədə Etibar Hətəmova məxsus mağazada;

* Mehdiabad qəsəbəsi, Üzümçü küçəsi, ev 12A ünvanında Vəzir Abbasova məxsus mağazada;

* Fatmayı qəsəbəsi, N.Nərimanov küçəsində Mübariz Mikayılova məxsus mağazada;

Zaqatala şəhərində

* V.İsmayılov küçəsində Tünzalə Hacıməmmədovaya məxsus mağazada;

Şəki şəhərində

* Sarabski küçəsində Elşad Mabudova məxsus mağazada saxlama müddəti ötmüş və normativ texniki sənədlərin tələblərinə uyğun olmayan malların;

Bakının Nərimanov rayonunda

* M.Əlizadə küçəsi, ev 42 ünvanında İxtiyar Hüseynova məxsus mağazada normativ texniki sənədlərin tələblərinə uyğun olmayan malların;

Suraxanı rayonunda

* Bülbülə qəsəbəsində Həqiqət Şirinovaya və Aynurə Əsədovaya məxsus mağazalarda;

* S.Cəfərov küçəsi, ev 9 ünvanında Anar Atakişiyevə məxsus mağazada;

* Yeni Suraxanı qəsəbəsində ünvanında Sara Məmmədovaya məxsus mağazada;

Nərimanov rayonunda

* Təbriz küçəsi, ev 72/74 ünvanında Ədalət Quliyevə məxsus mağazada;

* T.Şıxəliyev küçəsi, ev 17 ünvanında Yalçın Əliyevə məxsus mağazada;

Tovuz şəhərində

* M.Musayev küçəsi, ev 42A ünvanında Narin Ələkbərovaya məxsus mağazada;

* Mərkəzi bazarda Məhruzə Mustafayevaya məxsus mağazada;

Ağcabədi şəhərində

* H.Hacıyev küçəsində Emin Əliyevə məxsus mağazada;

Yevlax şəhərində

* S.Vurğun küçəsi, ev 20 ünvanında Azər Abdullayevə məxsus mağazada;

* Mərkəzi bazarda Əjdər Əliyevə məxsus mağazada;

Zərdab şəhərində

* S.Abdullayev küçəsində Namiq İsmayılova məxsus mağazada;

Qusarda

* M.Vəliyev küçəsi, ev 7 ünvanında Mübariz Verdixanova məxsus mağazada;

Lənkəran rayonunda

* Zövlə kəndində Zamir Hüseynova məxsus mağazada;

İsmayıllı şəhərində

* H.Əliyev küçəsində Sübhan Dəmirova məxsus mağazada;

Şamaxı şəhərində

* S.Ə.Şirvani küçəsində Sübhan Hətəmova məxsus mağazada saxlama müddəti ötmüş malların satıldığı aşkarlanıb.

Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaq.

İstehlakçılardan istifadə müddəti ötmüş, keyfiyyətsiz malların satışı halları ilə rastlaşdıqda, 498-15-01 və 498-15-04 nömrəli telefonlarla Antiinhisar Siyasəti və İstehlakçıların Hüquqlarının Müdafiəsi Dövlət Xidməti və Nazirliyin 195-2 Telefon Məlumat Mərkəzinə məlumat vermələri xahiş olunur.

Azərbaycan Milli Məclisinin bu gün keçirilən iclasında “Heydər Əliyev” ordeninin təsis edilməsi haqqında” qanuna dəyişiklik müzakirə edilib.

 Layihə barədə Hüquq siyasəti və dövlət quruculuğu komitəsinin sədri Ziyafət Əsgərov məlumat verib.

Dəyişikliyə əsasən, “Heydər Əliyev” ordeni ulduz, orden zənciri və nişanla yanaşı, həm də döş nişanından ibarət olacaq. “Heydər Əliyev” ordeninin döş nişanı üzərinə ağ mina çəkilmiş dördguşəli ornament şəklində altlıqdan ibarət olacaq. Altlığın dörd guşəsinin hər birində yerləşən səkkizguşəli ulduz formalı elementin hər birinə 1 ədəd brilyant daş bərkidiləcək. Döş nişanının mərkəzində tünd qırmızı mina ilə örtülmüş lövhə, lövhənin mərkəzində Heydər Əliyevin barelyefi yerləşəcək. Barelyef çarpazlaşmış, kvadratşəkilli iki çərçivə ilə haşiyələnir. Hər çərçivəyə 56 brilyant daş bərkidiləcək. Döş nişanı 28 mm x 28 mm ölçüdə olacaq, arxa hissəsinə seriya və nömrəsi həkk ediləcək, əlavə brilyantlar bərkidiləcək.

Layihə səsə qoyularaq qəbul olunub.

Tbilisidə müşahidə olunan güclü duman səbəbindən Bakı-Tbilisi aviareysi bu gün Bakı vaxtı ilə saat 13:00-a kimi təxirə salınıb.

"Azərbaycan Hava Yolları" QSC-dən Trend-ə bildirilib ki, ilkin məlumata görə, saat 10:10-da uçmalı olan təyyarənin Bakı vaxtı ilə saat 13:00-da uçacağı gözlənilir.

Tbilisi Beynəlxalq Aeroportundan Trend-ə verilən məlumata görə, güclü dumanla əlaqədar aeroport üç aviareysi qəbul edə bilməyib. Bu gün səhər tezdən Münhen, İstanbul və Varşavadan olan təyyarələr yerə enə bilməyiblər.

Daşaltı kəndinin erməni silahlı birləşmələrindən təmizlənməsi məqsədilə keçirilən əməliyyatdan 22 il ötür.

Daşaltı əməliyyatı hərb tariximizə I Qarabağ müharibəsində Azərbaycan Ordusunun ağır məğlubiyyətə uğraması ilə yanaşı, ordumuzun qəhrəmanlığı və şücaəti ilə də düşüb.
Daşaltı əməliyyatı 1992-ci il, yanvarın 25-də saat 20:00-da başlanıb, yanvarın 26-da gecə uğursuzluqla başa çatıb.
Şuşa yaxınlığında yerləşən, Əsgəran rayonunun Daşaltı kəndinin erməni yaraqlılarından azad edilməsi məqsədilə keçirilən əməliyyata sabiq müdafiə naziri, general-mayor Tacəddin Mehdiyev birbaşa rəhbərlik edib.
Əməliyyatda yeni yaranmış Azərbaycan Ordusunun könüllülərdən ibarət 3 bölüyü və Şuşa şəhərinin müdafiə taborunun döyüşçüləri iştirak ediblər.
Taktiki səhvlər, qruplar arasında rabitə əlaqəsinin olmaması, əməliyyat sirrinin yayılması və bələdçilərin xəyanəti nəticəsində Nəbilər kəndi istiqamətindən Daşaltına daxil olan Azərbaycan əsgərləri düşmənin pusqusuna düşərək tamamilə məhv edilib.
Kəndə daxil olmuş bir neçə taqım isə xeyli itki verərək geri çəkilə bilib.
Rəsmi məlumatlara görə, Daşaltı əməliyyatında Azərbaycan Ordusu 90 nəfərdən artıq itki verib, bundan başqa onlarla əsgər hələ də itkin düşmüş sayılır.
Döyüşdə ermənilər də bir neçə texnika və 80-ə yaxın canlı qüvvə itiriblər.