Kiyevdə Ukrayna prezidenti Viktor Yanukoviç və Avropa diplomatiyasının rəhbəri Ketrin Eşton arasında görüş başa çatıb. APA-nın “RİA Novosti”yə istinadən verdiyi xəbərə görə, bu barədə Ukrayna prezidentinin mətbuat xidməti məlumat yayıb.

“Ukrayna prezidenti Viktor Yanukoviç və Avropa Birliyinin xarici işlər və təhlükəsizlik siyasəti üzrə ali nümayəndəsi Ketrin Eşton arasında görüş baş tutub. Görüşdə həmçinin AB-nin Ukraynadakı nümayəndəliyinin rəhbəri Yan Tombinski iştirak edib”, deyə açıqlamada deyilir.

“Görüş 3,5 saat davam edib, bütün mühüm məsələlər müzakirə olunub. Hazırda müxalifət liderləri ilə görüş keçirilir”, bu barədə məlumatı öz Twitter səhifəsində Ketrin Eştonun rəsmi nümayəndəsi Maya Kosyançiç dərc edib.

Qeyd edək ki, Ketrin Eştonun bu gün Kiyevə ikigünlük səfəri başlayıb. Ukraynadakı vəziyyətin siyasi yolla nizamlanması səfərin əsas məqsədlərindən biridir.

Türkiyənin “Milliyet” qəzetinin tanınmış yazarı və “CNN Türk” telekanalının jurnalisti Nagəhan Alçı Azərbaycan rəhbərliyinə müraciət edərək adının “qara siyahı”dan çıxarılmasını xahiş edib.

Bu barədə APA-ya Azərbaycan XİN-in mətbuat xidmətinin rəhbəri Elman Abdullayev məlumat verib.

2009-cu ildə Azərbaycanın işğal altındakı Dağlıq Qarabağ bölgəsinə qanunsuz səfər etdiyi üçün adı “qara siyahı”ya salınan N. Alçı Azərbaycana səfər etmək üçün icazə istəyib. O, müraciətində Azərbaycanın ərazi bütövlüyünə hörmət etdiyini vurğulayıb.

E. Abdullayev müraciətə baxılacağını və müsbət cavablandırılacağı təqdirdə, N. Alçının adının ”arzuolunmaz şəxslər” siyahısından çıxarılacağını açıqlayıb.

Məşhur bəstəkar müğənni Emin yeni mahnısını təqdim edib.

Buna qədər sevgi, romantik mövzulara müraciət edən müğənninin son musiqisi siyasi mövzudadır. Mahnı 95 yaşında dünyasını dəyişən Cənubi Afrika Respublikasının keçmiş prezidenti Nelson Mandelaya həsr edilib.

”Hope” yəni Ümid adlanan mahnı müğənninin rəsmi “You-Tube” səhifəsində yerləşdirilib. Kompozisiyanın müəllifləri Russam Ballar və Kris Vinter mahnının beynəlxalq sülh günü üçün yazmış və 2014 cü ildə təqdimatını planlaşdırırmış.

Lakin qəflətən Cənubi Afrika Respublikasının sabiq prezidentinin ölümü mahnının təqdimatının vaxtını sürətləndirib. Eminin ifasında səslənən mahnı Nelson Mandelaya həsr olunub. Eminin sözlərinə görə mahnı əfsanəvi insan Nelson Mandelanın simasında gələcəyə ümidlə baxan insanlara ithaf olunub.

Eminini rəsmi saytında verilən məlumata görə İtunes sosial şəbəkəsində mahnının satışından əldə olunan gəlir Nelson Mandela adına Uşaq Fonduna veriləcək.

Hollivudun məşhur aktyoru Ben Stiller Moskvaya səfəri zamanı xoşagəlməz vəziyyətlə üzləşib.

O, Moskvanın ən məşhur otellərindən birində prezident nömrəsində qalmaq istəsə də bu, ona nəsib olmayıb.

Aktyor həmin otelin prezident nömrəsində qalmaq istəsə də həmin nömrənin Səudiyyə Ərəbistanının şahzadəsi tərəfindən tutulduğu məlum olub. Şahzadə Moskvaya səfərini 5 gün uzatdığı üçün aktyor adi nömrə ilə kifayətlənməli olub.