Qalina Starovoytovanın ölümündə iştirakçı kimi günahkar bilinən Dövlət Dumasının keçmiş deputatı Mixail Qluşenko gələn həftə həbsxana xəstəxanasından koloniyaya göndəriləcək.
Qluşenko hazırda 10 milyon dollar həcmində pul və əmlakı qəsb etməyə görə aldığı cəzanın 8 - ci ilini çəkir. Bu ilin noyabr ayında Sankt - Peterburqdakı həbsxana xəstəxanasında isə ona Qalina Starovoytovanın sifarişlə öldürülməsinin təşkilatçısı kimi ittiham təqdim olunub.
Qluşenkonun vəkili deyib ki, biz onun hara göndəriləcəyini bilmirik, amma onu bilirik ki, bu yaxın vaxtlarda olacaq.
Xatırladaq ki, millətimizə nifrəti, ermənilərə isə xüsusi rəğbəti ilə seçilən Qalina Starovoytovanın öldürülməsi ilə bağlə cinayət işi 1988 - ci ildə qaldırılıb. 2005 - ci ildə Peterburq şəhər məhkəməsi bu işin içtirakçısı kimi 7 nəfəri həbs etmişdi. Onlardan 3 nəfəri 11 ildən 23.5 ilədək azadlıqdan məhrum edilib. Bundan sonra istintaq dayandırılıb. 2012 - ci ilin payızında Peterburq vilayəti üzrə FTX birdən - birə Starovoytovanın ölümü ilə baglı yeni detalların üzə çıxdığına görə cinayət işinin davam etdirilməsi haqda məlumat yayıb.
Hələ 2004 - cü ildə məhkəmə prosesində şahidlərdən biri bu ölümü sifariş verənlərdən birinin Qluşenko olduğunu demişdi.
Hadsisə zamanı Starovoytova ilə bir yerdə olan onun sabiq köməkçisi Ruslana Linkova da bildirib ki, istintaqda kifayət qədər bu adamın Stravoytovanın öldürülməsində təşkilatçı olduğu və onun başçılıq etdiyi təşkilat barədə dəlil və sübut var.

Ağ Ev ABŞ Konqresinə növbəti dəfə xəbərdarlıq edib.

APA-nın “Mehr” xəbər agentliyinə istinadən verdiyi məlumata görə, Ağ Evin sözçüsü Cey Karni bildirib ki, ABŞ Konqresi İrana qarşı yeni sanksiyaları nəzərdə tutan qanun layihəsini qəbul edəcəyi təqdirdə, prezident Barak Obama öz veto hüququndan istifadə edəcək.

Onun sözlərinə görə, Ağ Ev ABŞ Konqresinə hazırda İrana qarşı yeni sanksiyalar qəbul etməyin zamanı olmadığını açıq şəkildə söyləyib: “Belə bir qanunun qüvvəyə minməməsi lazımdır. İranın müvəqqəti razılaşmanı pozacağı və ya müəyyənləşdirilmiş altı aylıq müddətin sonunda yekun anlaşma əldə olunmayacağı təqdirdə, onsuz da ABŞ Konqresi ilə birlikdə çox sürətli şəkildə yeni sanksiyaları rahatlıqla qəbul edə biləcəyimizə inanırıq. Bu səbəbdən indi belə bir addıma ehtiyac yoxdur”.

C. Karni deyib ki, indiki şəraitdə diplomatik fəaliyyətlərə mane törədəcək bütün hərəkətlərdən qaçmaq lazımdır: “ABŞ-ın diplomatik səylərinə zərər verəcək hərəkətlər görmək istəmirik. ABŞ Konqresi İrana qarşı yeni sanksiya qəbul edəcəyi təqdirdə Barak Obama buna veto qoyacaq”.

İranın Gilan vilayətində 4 nəfər edam edilib.

Məhbuslardan ikisi qətldə, ikisi isə təcavüzdə günahlandırıb. Onların yalnız birinin ad və soyadı açıqlanıb. Bu, qətl ittihamı ilə edam edilən 27 yaşlı Arəş Şadkamdır. Qərar İran Ali Məhkəməsi tərəfindən təsdiqləndikdən sonra dekabrın 16-da və 18-də səhər saatlarında Rəşt şəhərinin Lakan həbsxanasında icra edilib.

Bundan əlavə, İranın Simnan vilayətində 2 nəfər edam edilib. Məhbuslar narkotik maddələrin qaçaqmalçılığında günahlandırılaraq dara çəkilib. Onların ad və soyadları açıqlanmayıb. Qərar İran Ali Məhkəməsi tərəfindən təsdiqləndikdən sonra dekabrın 18-də səhər saatlarında Simnan şəhərinin mərkəzi həbsxanasında icra edilib.