Millət vəkili Qənirə Paşayeva Tovuzun düşmənlə sərhəd kəndlərini ziyarət edib, sakinlərlə görüşüb, onların müraciətlərini dinləyib.

Dalga tv Axar.az-a istinadən xəbər verir ki, sakinlərin ən çox müraciəti övladlarına iş tapmaq, mənzil problemləri, xəstəliklərin müalicəsinə, ünvanlı sosial yardım və xəstəliyə görə əlillik pensiyası almaq istiqamətində dəstək göstərilməsi ilə bağlı olub.

Q.Paşayeva problemlərin həlli üçün Səhiyyə, Əmək və Əhalinin Sosial Müdafiəsi Nazirliyi və s. qurumlarla əlaqə saxlayıb, xəstələrin müalicə üçün xəstəxanalara yerləşdirilməsinə dəstək göstərib.

Bir sıra vətəndaşlar evlərinə təbii qaz və su xəttinin çəkilməsi və ya verilməsi sahəsindəki problemlər barədə də danışaraq millət vəkilindən onları müvafiq qurumlarla müzakirə apararaq həllinə dəstək göstərilməsini xahiş ediblər. Bundan başqa təhsil, elektrik və su təminatı sahəsi ilə bağlı xeyli müraciətlər olub ki, millət vəkili onların həlli istiqamətində müvafiq qurumlarla müzakirələr aparıb.

Millət vəkili eyni zamanda rayonun digər kəndlərini də ziyarət edib, bir sıra şəhid ailələri, müharibə əlilləri, sağlamlıq imkanları məhdud şəxslərin ailələri ilə görüşüb, onların qayğıları ilə maraqlanıb.

"Ermənistan 8 min əfqan muzdlu əsgəri 5 illik müqavilə ilə Qarabağa gətirib".
Bu barədə Beynəlxalq Əsilsiz Erməni İddiaları ilə Mübarizə Dərnəyinin (ASİMDER) rəhbəri Göksel Gülbey deyib.

Onun sözlərinə görə, əfqan muzdluları Qarabağda təmas xəttinə yerləşdirilib: "Ötən ilin "aprel müharibəsi"ndə məğlub olan Ermənistanda valideynlər övladlarını Qarabağda əsgərliyə göndərməmək qərarına gəldilər. Ermənistan rəhbərliyi bu problemi həll etmək üçün pul qarşılığında 8 min əfqan muzdlu döyüşçüsünü ölkəyə gətirərək, təlim keçdi. Muzdlu əsgərlərə 5 il ərzində 3 min dollar maaş veriləcək. Sonda Ermənistan vətəndaşlığı və Avropaya viza sözü verilib".

G.Göksel qeyd edib ki, əfqan döyüşçülər İran vasitəsilə Ermənistana gətirilib.

"8 min əfqanın Ermənistana gətirildiyini İran vətəndaşlarının sosial şəbəkələrdə yaydıqları məlumatlardan öyrəndik", - deyə o bildirib.

ASİMDER rəhbəri əlavə edib ki, Ermənistan əfqan döyüşçülərdən Türkiyəyə qarşı da istifadə edə bilər.

Mənbə:publika.az

Əfqan Muxtarlının saxlanılmasından sonra Gürcüstan hakimiyyətinin ünvanına tənqidlər səsləndirildi. Gürcüstan hakim dairələri bəzi hallarda birbaşa ittiham hədəfinə çevrildi. Ancaq sonra Dövlət Sərhəd Xidməti (DSX) və Baş Prokurorluğun mətbuat xidmətləri Əfqan Muxtarlının həbsi ilə bağlı məlumat yaydı və prosesin necə baş verdiyi açıqlandı.

Məlumatda bildirilir ki, Azərbaycan vətəndaşı, 1974-cü il təvəllüdlü Muxtarlı Əfqan Sabir oğlu 29 may 2017-ci il tarixdə saat 22:40-da Balakən rayonu ərazisində Azərbaycan Respublikasının mühafizə olunan dövlət sərhədini üzərində şəxsiyyətini təsdiq edən sənəd olmadan nəzarət-buraxılış məntəqələrindən kənarda Gürcüstandan Azərbaycan Respublikasına qanunsuz olaraq keçdikdən sonra qaçmağa cəhd edərkən Dövlət Sərhəd Xidmətinin əməkdaşlarının qanuni tələbinə tabe olmayaraq onlara qarşı həyat və sağlamlıq üçün təhlükəli olan zor tətbiq etməklə müqavimət göstərib və xidmətin əməkdaşları tərəfindən saxlanılıb. Dövlət Sərhəd Xidmətinin əməkdaşları tərəfindən axtarış zamanı Ə.Muxtarlının üzərindən 10 min avro məbləğində nağd pul, “Bank of Georgia ekspress” plastik kartı və digər əşyalar aşkar edilərək götürülüb. Həmin faktla bağlı 30 may 2017-ci il tarixdə Dövlət Sərhəd Xidmətinin İstintaq və Təhqiqat İdarəsində Cinayət Məcəlləsinin 318.1 (Azərbaycan Respublikasının dövlət sərhədini qanunsuz olaraq keçmə) və 206.1-ci (Qaçaqmalçılıq) maddələri ilə cinayət işi başlanıb və Ə.Muxtarlıya şübhəli şəxs qismində tutulub. 31 may 2017-ci il tarixdə Ə.Muxtarlı təqsirləndirilən şəxs qismində Cinayət Məcəlləsinin 318.1, 206.1 və 315.2-ci (Hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə ittiham elan olunmaqla Səbail Rayon Məhkəməsinin qərarı ilə barəsində həbs qətimkan tədbiri seçilib. Hazırda iş üzrə zəruri istintaq tədbirləri davam etdirilir.

Bəs bu baş verənlər Azərbaycan-Gürcüstan münasibətlərinə təsir edə bilərmi?

Konstitusiya Araşdırmaları Mərkəzinin rəhbəri Əliməmməd Nuriyev “Cümhuriyət” qəzetinə açıqlamasında bu məsələnin münasibətlərə təsir edəcəyini düşünmədiyini deyib:

“Gürcüstan və Azərbaycan tərəflərinin rəsmi məlumatına görə, bu proses “yaşıl zona”da baş verib. Ona görə də bu məsələdə Gürcüstan tərəfi heç bir məsuliyyət daşımır. Eyni zamanda Azərbaycan tərəfinin də tam hüququdur ki, ərazisinə daxil olan şəxslərin sənədləri ilə tam şəkildə tanış olsun. Rəsmi orqanların açıqlamalarına nəzər salsaq, iki ölkənin münasibətlərinə xələl gətirəcək heç bir hadisə baş verməyib.

Digər tərəfdən Azərbaycan Gürcüstanla rəsmi tərəfdaşlıq edir. İki ölkə siyasi, iqtisadi, mədəni əlaqələr baxımından sıx tərəfdaşdırlar. Azərbaycan və Gürcüstan demək olar ki, bir-biri üçün sanki oksigendirlər. Bu baxımdan düşünmürəm ki, bu hadisə münasibətlərə hər-hansı bir xələl gətirəcək. Hər iki tərəfin rəsmi açıqlamalarına görə isə bu hadisə heç bir ölkənin qanunlarını pozmadan baş verib. Rəsmi açıqlamaların mahiyyətində duran məsələ də məhz budur. Bu məsələni kim necə şərh edirsə, onların şəxsi fikirləridir. Bu şəxslərin fikirləri ilə də iki ölkənin münasibətlərinə xələl gələcəyi nəticəsinə gəlmək doğru deyil”.

Ə.Nuriyev hesab edir ki, bəzi dairələr bu məsələdə Gürcüstanın üzərinə bilərəkdən gedirlər:

“Bu məsələdə strateji düşünmək lazımdır. Çünki Azərbaycan-Gürcüstan münasibətlərinin korlanmaşı hər iki ölkənin birbaşa ziyanınadır. Bu iki ölkə arasında illərdir formalaşan dəyərlərin tamamilə məhvinə səbəb ola bilər. Çünki Azərbaycan və Gürcüstan arasında münasibətlər ən yüksək səviyyədə qurulub. Ən yüksək əməkdaşlıq, hətta tərəfdaşlıq səviyyəsindədir. Əslində Cənubi Qafqazın sabitliyinin pozulması kimlərin maraqlarına uyğun olduğu məlumdur.

Azərbaycan-Gürcüstan münasibətlərinin pozulması da məhz Ermənistanın və bir sıra digər dövlətlərin maraqlarına xidmət edən amildir. Bu, Qərbin, Azərbaycanın və ya Gürcüstanın maraqlarına uyğun deyil. Münasibətlərin pozulması Ermənistanın və bir sıra dövlətlərinin xüsusi xidmət orqanlarının maraqlarına cavab verir. Bu məsələ məhz bu istiqamətdə dəyərləndirilməlidir. Çünki Azərbaycan və Gürcüstanın münasibətlərinin korlanması, hər iki dövlətin müstəqilliyinə, insan hüquqlarının azadlığına, demokratik və iqtisadi inkişafına qarşı yönələn addımdır. Digər tərəfdən yaxın günlərdə Gürcüstan ərazisindən keçən və Azərbaycanı Avropa ilə birləşdirən dəmir yolunun açılışı gözlənilir. Bir müddət Azərbaycan, Gürcüstan və Türkiyə müdafiə nazirlərinin möhtəşəm görüşü baş tutdu.

Münasibətlər inkişaf etdikcə, kimlərsə buna qarşı çıxmağa çalışır. Cənub Qaz Dəhlizi, TANAP xətlərinin artıq tikintisi başa çatmaq üzrədir. Azərbaycan prezidenti də son çıxışında bildirdi ki, artıq tikinti işlərinin 90 faizi başa çatıb. Bütün bu işlər başa çatmaq ərəfəsində olduğu bir vaxtda münasibətlərə kölgə salmaq istəyirlər. Aparılan qaralama kampaniyası isə bütövlükdə Azərbaycana və Gürcüstana qarşıdır. Bəs kimlərdir münasibətləri gərginləşdirməyə çalışan? Təbii ki, Ermənistan və bir sıra digər dövlətlər. Belə olan halda münasibətlərin pisləşməsi yönündə açıqlama verən şəxslər kimin dəyirmanına su tökür? Təbii ki, Ermənistanın. Amma bir daha deyirəm ki, bu cür açıqlamalar Azərbaycan-Gürcüstan münasibətlərinə kölgə sala bilməz”. 

“Yeddi Dövlət - Bir Millət” Konseyinin başqanı, jurnalist Azər Həsrət də bu prosesin Azərbaycan-Gürcüstan münasibətlərinə təsir etməyəcəyini deyib. Azər Həsrət Əfqan Muxtarılının həbsi ilə bağlı tələsik açıqlama verən təşkilatları qınadığını da sözlərinə əlavə etdi:

“Çünki rəsmi açıqlamaları gözləmək, ondan sonra reaksiya vermək lazım idi. Amma təəssüflər olsun ki, bəzi təşkilatlar heç bir rəsmi reaksiya gözləmədən özlərinin uydurduğu şəkildə açıqlamalar yaydılar və Azərbaycan dövlətini ittiham etdilər. Bununla bərabər Gürcüstan dövlətini də ittiham etdilər ki, güya iki dövlət əlbir olub bir nəfəri oğurlayıb. Təbii ki, Azərbaycan və Gürcüstan strateji tərəfdaş ölkələrdir, dinc yaşamağı seçmiş qonşu dövlətlərdir. Bu dövlətlərin bir çox məsələlərdə maraqları üst-üstə düşür. Hər hansı bir şəxs və ya şəxslər haqqında qəbul olunan qərar iki dövlətin münasibətinə təsir etməməlidir, etməyəcək də. 

Sadəcə olaraq Azərbaycan dövlətinə basqıların nəticə vermədiyini görən, Azərbaycanın sabitliyini pozmağa cəhd edən Qərb dairələri düşünürlər ki, Gürcüstanın üzərinə getməklə öz istəklərinə nail ola biləcəklər. Amma ortada fakt var, hər şey göz qabağındadır. Təbii ki, bəlli bir istintaq dönəmi var və istintaq bütün məsələlərə tamamilə aydınlıq gətirəcək. Ona görə də Gürcüstanın üzərinə getməklə məcbur etməyə çalışırlar ki, sərt qərarlar versin  və ya Azərbaycanla bağlı müəyyən gedişlər etsin.

Amma bir məsələni unudurlar ki, Gürcüstan Azərbaycanla strateji tərəfdaşdır, münasibətlərinə sadiqdir və hər hansı bir fərdə görə Azərbaycanla bağlı sərt addım atmaq haqqında düşünməyəcək belə. Həm də elə bir fərdə görə ki, o, faktiki olaraq Gürcüstanın ərazisindən istifadə etməklə Azərbaycanda sabitliyi pozmağa cəhd göstərib. Sadəcə olaraq ortalığı qarşıdırıb, manipulyasiya etmək, özlərini qurban kimi göstərmək istəyirlər. Amma biz də çalışacağıq ki, proses bütövlükdə şəffaf şəkildə keçsin və istintaq nəyin nə olduğunu ortalığa qoysun. Gürcüstanla Azərbaycanın münasibətlərinə heç nə təsir göstərə bilməz”.

Əfqan Muxtarlının saxlanılmasını əsas gətirərək müəyyən qüvvələrin Gürcüstan-Azərbaycan münasibətlərini korlamaq cəhdləri heç vaxt baş tutmayacaq.

Bu barədə Trend-ə açıqlamasında Gürcüstan parlamentinin deputatı Savalan Mirzəyev deyib.

Millət vəkili bildirib ki, bu cür qara qüvvələr dəfələrlə Azərbaycan-Gürcüstan münasibətlərinə xələl gətirən addımlar atsalar da, onların bu cəhdləri iflasa uğrayıb:

"Birincisi, Əfqan Muxtarlının Gürcüstanda saxlanılması barədə məlumatlar təsdiqlənməyib. Azərbaycan Respublikası Baş Prokrurluğu tərəfindən verilən açıqlamada göstərilir ki, Əfqan Muxtarlı Azərbaycan-Gürcüstan sərhəddini qeyri-qanuni keçdiyi üçün saxlanılıb. Əfqan Muxtarlının Gürcüstan tərəfinin saxlayıb təhvil verməsi ilə bağlı hec bir sübut yoxdur. Bu hadisənin iki ölkə arasında münasibətləri korlamasına gəlincə isə bu, mümkün deyil. Gürcüstan-Azərbaycan münasibətlərini bir neçə dəfə korlamaq cəhdləri olub. Ancaq bu cəhdlər baş tutmayıb. Çünki Gürcüstan-Azərbaycan dostluğu böyük tarixi keçmişə dayanır. İki dost, qardaş dövlət arasında olan münasibəti heç bir qara qüvvə korlaya bilməz".

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan və 82 millimetrlik minaatanlardan (5 mərmi) istifadə etməklə sutka ərzində atəşkəs rejimini 119 dəfə pozub.

Dalga tv-nin Sonxeber.az saytına istinadən verdiyi məlumata görə, Ermənistan Respublikası İcevan rayonunun Berkaber, Paravakar kəndlərində və adsız yüksəkliklərdə yerləşən mövqelərdən Ağstafa rayonunun Köhnəqışlaq, Qazax rayonunun Məzəm və Cəfərli kəndlərində, Berd rayonunun Çinari və Ayqedzor kəndlərində yerləşən mövqelərdən Tovuz rayonunun Koxanəbi və Muncuqlu kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Şıxlar, Sarıcalı, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qobu dilağarda, Qərvənd, Qaraxanbəyli, Aşağı Seyidəhmədli, Qorqan və Cəbrayıl rayonunun Nüzgar kəndləri yaxınlığında, həmçinin Goranboy, Tərtər, Ağdam, Xocavənd, Füzuli və Cəbrayıl rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.

ABŞ prezidenti Donald Trampın Cənubi Qafqaz problemlərinə, o cümlədən Dağlıq Qarabağ münaqişəsinin həllinə elə bir marağı yoxdur.

Dalga tv-nin İstipress-ə istinadən məlumatına görə, bu barədə ABŞ-ın Azərbaycandakı keçmiş səfiri, ABŞ dövlət katibinin Cənubi Qafqaz üzrə keçmiş köməkçisi Metyu Brayza Rusiyanın ″Vestnik Kavkaza″ portalına müsahibəsi zaman bildirib.

Karneqi Fondunun analitikləri Yevgeni Rumer, Riçard Sokolski və Pol Stronski tərəfindən hazırlanmış “ABŞ-ın Cənubi Qafqazda siyasəti” barədə məruzəni və Beynəlxalq Böhran Qrupunun Qarabağ münaqişəsi ilə bağlı bu günlərdə dərc etdiyi məruzəsini şərh edən Metyu Brayza deyib:

“Hər bir Amerika prezidenti anlayıb ki, biz öz müttəfiqlərimizi müdafiə etməli və gücləndirməliyik. Həm Respublikaçıların, həm də Demokratların adminsğtrasiyalarında belə olub. Söhbət həm enerci sahəsində əməkdaşlıqdan, həm boru kəmərlərindən, həm də Dağlıq Qarabağdan gedir. Mən prezident Tramp tərəfindən Cənubi Qafqaza hansısa marağını hələ ki, görmürəm. Bu məsələlərlə məşğul olacaq əməkdaşlar hələ ki, yoxdur. Mən narahatam ki, bu sahə lazımi diqqəti qazanmır. Ümid edirəm ki, Tramp Rusiya ilə əməkdaşlıq üçün problem axtaran zaman Qarabağı seçəcək”,- deyə Metyu Brayza vurğulayıb.

Həm Karneqi Fondunun, həm də Beynəlxalq Böhran Qrupunun Qarabağ münaqişəsi ilə bağlı bu günlərdə dərc etdiyi məruzəsində bildirilir ki, Azərbaycan və Ermənistan müharibə ərəfəsindədir və bu müharibəyə hər iki ölkənin strateci tərəfdaşları olan Türkiyə və Rusiya da qarışa bilər. Yəni hər iki analitik qrup region üçün böyük müharibə anonsu verib.

Metyu Brayza bildirib ki, yaranmış təhlükəli vəziyyətdən çıxış üçün nizamlama prosesində Rusiya və Amerika prezidentləri iştirak etməlidirlər. O, müsbət nümunə kimi 2016-cı ilin aprel döyüşlərindən sonra Rusiya prezidenti Vladimir Putinin oynadığı roldan danışıb:

“Prezident Putin onda çox konsturktiv rol oynadı. O, vəziyyətdən çıxış üçün təkliflər verdi. Aprel hadisələrindən sonra o, Azərbaycan və Ermənistan prezidentləri ilə görüş keçirdi. Mən belə başa düşdüm ki, Azərbaycan tərəfi bu təşəbbüsü alqışladı, erməni tərəfi isə yox”.

Metyu Brayzanın fikrincə, Rusiya onda yaxşı təklif irəli sürmüşdü: “Tərəflərdən biri razılaşmadı və buna görə hər şey dayandı. İndi hər şey dalana dirənib. Bilmirəm, hadisələr necə inkişaf edəcək. Ümid edirəm ki, Amerika prezidenti nəsə təklif edəcək”.

Metyu Brayzı Amerikada Qarabağ problemini ən yaxşı bilən siyasətçilərdəndir. O, 2005-ci ildən münaqişənin həllində yaxından iştirak edir. Metyu Brayza Dağlıq Qarabağın yerli erməni silahlıları tərəfindən deyil, Ermənistan ordusu tərəfindən işğal edildiyini vurğulayan ilk qərb siyasətçilərindəndir. O, bu barədə fikirlərini ilk dəfə 2005-ci ildə ANS Şirkətlər Qrupunun nəşr etdiyi “Hesabat” jurnalına müsahibəsində demişdi.

Buna qədər ermənilər Dağlıq Qarabağ münaqişəsini beynəlxalq diplomatik müstəvidə milli-azadlıq hərəkatı kimi təqdim edirdilər. 1992-ci ildə Azərbaycana qarşı ABŞ Senatında qəbul edilmiş 907-ci düzəliş də bu qeyri-obyektiv yanaşmanın məhsulu idi. Metyu Brayzanın münaqişəyə obyektiv yanaşması Amerikadakı erməni lobbisini həmişə narahat edib. 2011-2012-ci illərdə ABŞ-ın Azərbaycandakı səfiri olmuş Metyu Brayza diplomatik fəaliyyətini erməni lobbisinin təzyiqi altında dayandırmalı oldu. Senat onu bu vəzifəyə təsdiq etmədi.